Joshua 1:16 - Tedim Bible

¹⁶ Amaute in Joshua dawngin, “Kote nong thupiak khempeuh ka hih ding uh a, nong sawlna peuhpeuhah ka pai ding uh hi.

Tedim Bible Revision 2017

¹⁶ Amaute in Joshua dawngin, “Kote nong thupiak khempeuh ka hih ding uh a, nong sawlna peuhpeuh ah ka pai ding uh hi.

Joshua 1:16 Referans Kwoze

Titu 3:1

Na mite in hong uk kumpite le aana neite’ thu mangin, thuhoih khempeuh a sem dingin a kigingsa-in a om ding uh phawksak inla,

Thu-hilhkikna 5:27

A nai-ah va pai inla, Topa i Pasian in a gen ding khempeuh va za in. Topa i Pasian in nang tungah hong genteng ko’ tungah nang hong gensawn in. Kote in hong mangin ka sem ding uh hi,’ nong ci uh hi.

Gamlak-vakna 32:25

Tua ciangin Gad minamte le Reuben minamte in Moses kiangah, “Ka topa’ thupiak bangin na nasemte ka gamta ding uh hi.

Joshua 1:15

note hong piak bangin Topa in na sanggamte uh tungah tawlngakna pia-in, Topa na Pasian un amaute a piak leitang amaute in zong a luah mateng uh na huh ding uh hi. Tua ciangin note’ neih leitangah ciahkikin, Topa’ nasem Moses in Jordan gal ni a suahna lamah note hong piak leitang na luah ding uh hi,” a ci hi.

Joshua 1:17

Na khempeuhah Moses’ thu ka man’ uh mah bangin nangma thu zong kong mang ding uh hi. Moses a ompih mah bangin Topa na Pasian in nang hong ompih ta hen!

Gamlak-vakna 32:31

Tua ciangin Gad minamte le Reuben minamte in dawng uh a, “Topa aw, Topa’ thupiak bangin kote ka gamta ding uh hi.

Thu-hilhkikna 34:9

Tua ciangin Moses in, ama tungah a khut nga khin ahih manin Nun tapa Joshua lungsim pilna tawh a kidim hi. Tua ahih ciangin Israel mite in ama thu mangin, Topa in Moses a thupiaksa bangin a gamta uh hi.

Ezra 10:4

Kipan in; nangma nasep ding ahi hi; kote in kong huh ding uh hi. Hang inla sem in,” a ci hi.