Jonah 3:6 - Tedim Bible

⁶ Nineveh khua kumpipa in tua thu a zak ciangin a kumpi tokhom tung pan dingkhia-in a kumpi puan suahkhia a, puanhampi silhin vut lakah a tu hi.

Tedim Bible Revision 2017

⁶ Nineveh khua kumpipa in tua thu a zak ciangin a kumpi tokhom tung pan ding khia-in a kumpi puan suah khia a, puanhampi silhin vut lakah a tu hi.

Jonah 3:6 Referans Kwoze

Daniel 9:3

An ngawlin, puanhampi silhin, vut lakah tu-in, Topa’ kiangah deih takin thu ka ngen hi.

JOB (Job) 2:8

Tua ciangin Job in beel kitam themkhat la-in tua tawh kikhuatin vut lakah a tu hi.

Luka 10:13

Tua ciangin Jesuh in, “Khorazin khuapi mite le Bethsaida khuapi mite aw, gimna lianpi na thuak ding uh hi. Bang hang hiam cih leh note khua sungah a hong kilak na lamdangte, Taia le Sidon khua sungah kilak hileh amaute in kisikna limin sawtpekin puanhampi silhin vut kinuh ding uh hi.

Mattiu 11:21

“Khorazin khuapi mite le Bethsaida khuapi mite aw, gimna lianpi na thuak ding uh hi. Bang hang hiam cih leh note khua sungah a hong kilak na lamdangte, Taia le Sidon khua sungah kilak hileh amaute in kisikna limin sawtpekin puanhampi silhin vut kinuh ding uh hi.

Jeremiah 6:26

Topa in, “Ka mite’ tanu aw, puanhampi silh inla, vut lakah kikhuk in. Tapa khat neihsun a si bangin kap vangvang in. Bang hang hiam cih leh a hong susia ding pa thakhatin hong tung ding hi.

Jeremiah 13:18

Topa in kei kiangah, “Kumpipa le a nu kiangah, ‘Na kumpi tokhomte tung panun hong tuaksuk un. Bang hang hiam cih leh na kumpi lukhute uh na lu tung uh panin kia khinzo hi,’ va ci in.

Micah 1:10

I guallelhna thu Gath khuamite theisak kei unla, na kahna uh amaute musak kei un. Bethleafrah khua sungah na lungkhamna uh langsakin, leivui lakah kikhuk un.

Kah la 3:29

Lametna ding om thei lai ahih manin phunphun huai dek lo hi.

JOB (Job) 42:6

Tua ahih ciangin tu-in ka paunasate khempeuh hangin ka maizum mahmah a, tu-in vutlevai khu-in nakpitakin ka kisik hi,” a ci hi.

Isaiah 15:3

Kongzing lakah amaute in puanhampi silh uh hi. Innkhumzang le kongzing lampi kituahnate-ah mi khempeuh nakpi-in kapin khitui tawh a kawt uh hi.

Jeremiah 36:24

Ahih hangin kumpipa ahi a, hih thute a za khin a nasemte khat beek ahi zongin lau tuan loin, kisik kik lo uh ahih manin a puan uh a balkek kei uh hi.

Kah la 2:10

Jerusalem puteekte pau loin leilakah tu uh a, dahna lim lahna-in puanhampi silhin a lu zang uh leivui a buak uh hi. Jerusalem nungaknote a kun ngelhngalh uh hi.

Ezekiel 26:16

Tuipi a zang minamte’ kumpite, a kumpi tokhom tung uh panin kumkhia ding uh a, a kumpi puante uh le a puan hoih silhte uh suahkhia-in, leilakah tu-in, lau-in a ling ding uh hi. Nangma thuakna hong muh manun lau mahmah ding uh a, a ci-lin uh pha thei lo ding hi.

1 KUMPI MASATE 21:27

Ahab in hih thute a zak ciangin a puante balkek a, a pum tungah puanhampi silhin, an tangin puanhampi tungah lum a, maikhingin a vak kawikawi hi.

Jeremiah 36:13

Tua ciangin Mikaiah in, mi khempeuh’ zakin Baruk in a sim a zaksa thu teng khempeuh a gen hi.