Jonah 1:3 - Tedim Bible

³ Ahih hangin Topa’ kiang pan Jonah taikhia-in Tarshish khua lamah a taisim dingin a kithawi zawsop hi. Joppa khua-ah paisuk a, Tarshish khua a zuan ding teembaw khat a mu hi. A sap man ding pia-in a tungah kah a, Topa’ kiang pan a taikhia dingin teembaw hawlte tawh Tarshish khua-ah a pai hi.

Tedim Bible Revision 2017

³ Ahih hangin Topaʼ kiang pan Jonah tai khia-in Tarshish khua lamah a taisim dingin a kithawi zawsop hi. Joppa khua ah pai suk a, Tarshish khua a zuan ding teembaw khat a mu hi. A sap man ding pia-in a tungah kah a, Topaʼ kiang pan a tai khia dingin teembaw hawlte tawh Tarshish khua ah a pai hi.

Jonah 1:3 Referans Kwoze

Joshua 19:46

le Joppa galkhat a om Mejarkon le Rakkon a gamte tawh a huam hi.

Piancilna 4:16

Tua ciangin Topa’ omna panin Kain paikhia-in Eden nisuahna lam Nod gam sungah a teng hi.

Sawltak 9:36

Joppa khua-ah Pasian’ thu a um, Tabitha min nei numei khat a om hi. (Tua nu’ Grik min pen Dorkas hi a, sakhi a cihnopna ahi hi.) Tua nu a tawntungin a hoihin gamta-in mizawngte a huh hi.

Sawltak 9:43

Joppa khua-ah ni tampi sung Peter tamlai a, savunnim nasepin a nei Simon a kici mipa tawh a omkhawm hi.

Jonah 4:2

Topa’ kiangah thu ngen a, “Kong thum hi, Topa aw; ka gam sungah ka omlai pekin hici mah in teh, ci hi lo ka hi hiam? Hanciamin Tarshish khua-ah ka taisimna zong tua hang mah ahi hi; bang hang hiam cih leh nang pen a hehpih thei Pasian, a hehhak, a migi mahmah, siatna tunsak ding a kisiknuam Pasian na hihna kong thei hi.

Isaiah 23:6

Tuipi gei-a teng mite aw, Tarshish khua-ah tai-in kap un!

Isaiah 23:1

Taia khua tawh kisai thu hih bangin gen hi: Tarshish teembaw hawlte aw, Taia khua kisia a, inn le khawlmunte om nawn lo ahih manin kap un! Saipras gam panin amaute in hih thu hong za uh hi.

1 KUMPI MASATE 19:3

Tua ciangin amah lau a, kithawi-in a suahtak nadingin paikhia a, Judah-te’ khua Beersheba tungin tua lai-ah a nasempa nusia hi.

2 THESALONIKA NIHNA 1:9

Ama mite khempeuh le thu um mite khempeuh hangin minthanna le pahtawina a ngah dingin Topa hong pai Ni ciangin a noptuak mahmah Topa’ minthanna huamsung panin amaute kihawlkhia ding a, tawntung suksiatna dan a thuak ding uh hi. Ahi zongin note in ka hong gen uh thute um na hih manun tua nopna sungah na om ding uh hi.

1 KORIN MASA 9:16

Lungdamna thu ka hilh hangin kisialh nading thu bangmah om lo hi. Bang hang hiam cih leh tua thu a hilh ding mahin a hong kisawl ahi hi. Tua ahih manin lungdamna thu hilh kei leng kei a dingin a dahhuai mahmah ahi hi.

Sawltak 26:19

“Tua bang hi a, kumpi Agrippa aw, ka maangmuhna sunga vantung pana hong pai pa’ thugen ka mang hi.

Ezekiel 27:12

“Tarshish gammite tawh sumlei sumzuakna-ah na kizom uh a, na van tampite hong lei-in ngun, sik, dal, le haknawte hong pia uh hi.

Isaiah 23:10

Tarshish mite aw, tu-in kuankhia-in lo kho un. Na sumbawlna teng uh maimang khinta hi.

JOB (Job) 1:12

Tua ciangin Topa in Satan kiangah, “En in, ama neihsa khempeuh na khut sungah kong ap hi; ahi zongin amah taktak ahihleh na su kei ding hi,” a ci hi. Tua ciangin Topa’ omna panin Satan a paikhia hi.

2 KHANG TANGTHU NIHNATE 2:16

Tua ciangin na kisap sing peuhmah Lebanon panin kong phuk ding uh a, nangmah in Jerusalem-ah na puaktoh theih nadingin phongin tuipi tungah Joppa dong nang kiangah kong paipih ding uh hi,” zong ci lai hi.

Sawltak 15:38

ahi zongin Johan Marka in a khualzin masakun a tawp dongin zui loin Pamfilia gam panin ciahsan ahih manin Paul in hoihsa lo hi.

Luka 9:62

Jesuh in ama kiangah, “Bawng lokhawhna lenkawmin a nunglam a en mi pen Pasian’ Ukna tawh kituak lo hi,” ci-in a dawng hi.

Ezekiel 3:14

Pasian’ kha in hong paikhiatpih laitakin lungkim hetloin ka heh suak mahmah hi. Ahi zongin Topa’ vangliatna in kei hong zozaw hi.

Isaiah 60:9

Hih teembawte pen tuipi gei le tuikulh-ah a om teembawte hi a, Tarshish teembaw lianpite in hong makaih hi. Topa in nangmah a minthang mahmahin hong bawlkhin ahih manin gamlapi panin tua teembawte in nangma mite hong puak uh a, a ngun a khamte uh tawh hong puakkhawm uh hi. Topa, na Pasian, Israel-te’ Siangtho Pa a pahtawina-in a hong puak uh ahi hi.

Isaiah 2:16

Tarshish teembaw khempeuh le teembaw hoih khempeuh a niamkoih hun ding ni khat a nei hi.

JOB (Job) 2:7

Tua ahih ciangin Topa’ omna panin Satan paikhia a, Job a khetul pan a luzang dongin a kihhuai meima a veisak hi.

1 KUMPI MASATE 19:9

Tua ciangin leihawm khatah amah tungin tua lai-ah giak hi. Topa in Elijah hopih a, “Elijah, hih lai-ah bang hih na hi hiam?” a ci hi.

Piancilna 3:8

A nitak ciangin huan sungah Topa Pasian a hong paina ging amaute in za uh a, Topa Pasian’ muh loh dingin mipa le a zi, huan sung singte lakah a bu uh hi.

Sawltak 9:38

Joppa khua le Lydda khua kigamla lo ahih manin, Joppa khua-a teng thu um mite in Lydda khua-ah Peter om hi, ci-in thu a zak uh ciangin Peter kiangah mi nih sawl uh a, “A manlang theithei-in ko kiangah hong pai in,” ci-in a samsak uh hi.

Sawltak 9:42

Joppa khuasung khempeuhah hih thu kitheikim a, mi tampi in Topa a um uh hi.

Ezra 3:7

Tua hi a, amaute in suangseekte le khutsiamte tungah sum pia uh a, Persia kumpi Sairas’ tung panin a thu ngahna bangun Lebanon mualtung gam panin tuipi gei Joppa khua-ah taamtak singte a hong puaksuk ding Sidon khuamite le Taia khuamite tungah zong annek tuidawn le sathau a pia uh hi.

Late 107:23

Pawlkhatte, teembaw tawh tuipi-ah pai uh a, tui liante tungah sumbawl na a sem uh hi.

Jeremiah 10:9

Tarshish khua panin ngun seksa va la uh a, Ufaz khua panin kham va la uh hi. Khutsiamte le kham seekte in milimin bawl uh a, siamgat siamte’ gat ahi, puan engdup le puan sandup tawh a zem uh hi.

Jonah 1:10

Tua ciangin tua mite lau mahmah uh a, “Bang hangin hih bangin gamta mawk na hi hiam?” a ci uh hi. Bang hang hiam cih leh Topa’ kiang pan amah a taikhiasim ahihlam a gen khitsa ahih manin a thei khinzo uh hi.

2 KHANG TANGTHU NIHNATE 2:15

Tua ahih ciangin tu-in ka topa in a gensa mangbuh le mangbuhham, sathau le leenggahzute, na nasemte tungah hong puak in.

2 KHANG TANGTHU NIHNATE 9:21

Bang hang hiam cih leh Kumpi Hiram’ nasemte tawh kumpipa’ teembawte, Tarshish-ah pai hi. Tarshish teembawte kum thum simin khatvei hong tungin kham, ngun, saiha, zawngmaw, le utong hong puak zel hi.

Ezekiel 2:8

“Mihing ahi Ezekiel aw, nang tungah kong gen thute ngai in. Amaute bangin hong langpang kei in. Na kam ka inla, tu-in ka hong piak ding na ne in,” a hong ci hi.