Jonah 1:14 - Tedim Bible

¹⁴ Tua ahih ciangin Topa’ kiangah amaute kiko-in, “Topa aw, hih mipa ka sihsak manun kote hong sisak kei inla, mi that hi, ci-in hong ngawh kei ta in, ci-in kong thum uh hi; bang hang hiam cih leh Topa aw, nangmah in pha na sak banga na bawl ahi hi,” ci-in thu a ngen uh hi.

Tedim Bible Revision 2017

¹⁴ Tua ahih ciangin Topaʼ kiangah amaute kiko-in, “Topa aw, hih mipa ka sihsak manun kote hong sisak kei inla, mi that hi, ci-in hong ngawh kei ta in, ci-in kong thum uh hi; bang hang hiam cih leh Topa aw, nangmah in pha na sak banga na bawl ahi hi,” ci-in thu a ngen uh hi.

Jonah 1:14 Referans Kwoze

Late 115:3

Vantungah eite’ Pasian om a, ama ut peuhpeuh a hih hi.

Late 135:6

Vantung le leitung, tuipi le a thukna sung khempeuhah Topa in ama ut peuhpeuh a bawl hi.

Thu-hilhkikna 21:8

Topa aw, na hotkhiatsa Israel mite’ mawhna hong maisak inla, mawhna nei lo mipa a kithahna hanga mawhna na Israel mihingte hong thuaksak kei in. Mi thahna hanga mawhna pan hong maisak in,’ ci ding uh hi.

Efesa 1:11

Na khempeuh, Pasian’ ngaihsutna le a geelsa bangin a piang hi. A cil pek a kipanin a ngaihsutsa thu tawh kizui-in Khrih tawh i kipawlna hangin Pasian’ tate ihih nadingin Pasian mah in a hong sehsa ihi hi.

Late 107:28

Tua ciangin amaute in a lungkhamna uhah Topa ko uh a, amau’ cihmawhna panin amah in a honkhia hi.

Mattiu 11:26

Pa aw, hih pen nangma deihna le na lungkimna bangin na hih ahi hi.

Jonah 1:16

Tua ciangin tua mite in Topa kihta mahmah uh a, Topa’ tungah biakna pia-in thuciamna a bawl uh hi.

Jonah 1:5

Tua ciangin teembaw hawlte lau uh a, a pasian ciat uh’ kiangah a kiko ciat uh hi. Teembaw a zantuam nadingin a sunga vante tuipi sungah a paai uh hi. Tua bang hinapi-in teembaw sungtawng lamah Jonah na lutsukin a na ihmu hithiat hi.

Efesa 1:9

Pasian in a pilna le a thumuhnate zangin ama geelsa bangin hong sem a, Khrih zangin a sepnop thusimteng eite tungah hong kilangsak hi.

Sawltak 28:4

Tua lai-a teng mite in Paul’ khut tunga gul kivial a muh uh ciangin, “Hih mipa pen mi that hi takpi ding hi. Hih tuipi lauhuai panin a suahtak hangin a thuman pasian in hingsak tuan lo ding hi,” ci-in khatlekhat a kikum uh hi.

Isaiah 26:16

Topa aw, ka cihmawh uh ciangin nang kong zong uh a, nangma hong taina pen kote nong gimpiakna ahi hi.

Piancilna 9:6

Mi a that peuhmahte pen, midangte in amah that ding hi. Bang hang hiam cih leh Pasian in ama lim bangin mi bawl hi.

Jonah 1:13

Tua bang a cih hangin amaute in teembaw a khawlsak dingin hahkatin lei lamah a hot teitei uh hi. Ahih hangin a hihzo kei uh hi; bang hang hiam cih leh huihpi a hat semsem hi.

Jonah 3:8

Mihing le ganhingte in puanhampi silhin Pasian’ tungah nakpi-in kiko ta uh hen. Mi khempeuh, a khialhnate uh le a gitlohnate uh panin kihei ta uh hen.