Jonah 1:10 - Tedim Bible

¹⁰ Tua ciangin tua mite lau mahmah uh a, “Bang hangin hih bangin gamta mawk na hi hiam?” a ci uh hi. Bang hang hiam cih leh Topa’ kiang pan amah a taikhiasim ahihlam a gen khitsa ahih manin a thei khinzo uh hi.

Tedim Bible Revision 2017

¹⁰ Tua ciangin tua mite lau mahmah uh a, “Bang hangin hih bangin gamta mawk na hi hiam?” a ci uh hi. Bang hang hiam cih leh Topaʼ kiang pan amah a tai khia sim ahih lam a gen khit sa ahih manin a thei khinzo uh hi.

Jonah 1:10 Referans Kwoze

Jonah 1:3

Ahih hangin Topa’ kiang pan Jonah taikhia-in Tarshish khua lamah a taisim dingin a kithawi zawsop hi. Joppa khua-ah paisuk a, Tarshish khua a zuan ding teembaw khat a mu hi. A sap man ding pia-in a tungah kah a, Topa’ kiang pan a taikhia dingin teembaw hawlte tawh Tarshish khua-ah a pai hi.

JOB (Job) 27:22

Amaute a suahtak theih nading a hanciam tantan kimlai mah, hehpih ngaihsut hetloin leenkhiamang ding hi.

Johan 19:8

Pilat in a zak ciangin a lunghimawh semsem hi.

2 SAMUEL NIHNA 24:3

Ahih hangin Joab in kumpipa kiangah, “Ka to kumpipa’ muhin Topa na Pasian in mite tu-a a omzah za khatin a tamna behlap tahen. Ahih hangin bang hangin ka to kumpipa in hih thu deih na hi hiam?” a ci hi.

Joshua 7:25

Tua ciangin Joshua in, “Bang hangin kote tungah gimna hong tun na hi hiam? Tuni-in Topa in nang tungah gimna hong pia hi,” a ci hi. Tua ciangin Israel-te khempeuh in suang tawh Akhan a denglum uh hi. Amaute in a innkuanpih dangte le a neihsate uh zong suang tawh denglumin a hal uh hi.

Jonah 1:11

Tua ciangin amaute in, “Ei a dingin tuipi a hong daihtheih nadingin nang bang kong cih ding uh hiam?” ci-in a dong uh hi. Bang hang hiam cih leh huihpi lauhuai semsem hi.

Piancilna 3:13

Tua ciangin Topa Pasian in numei kiangah, “Bangci a hici gamtat na hi hiam?” a ci hi. Numei in, “Gulpi in kei hong khem a, ka ne hi,” ci hi.