Johan 9:39 - Tedim Bible

³⁹ Tua ciangin Jesuh in, “Mittawte in khua a muhtheih nading le khua mu thei a kineite mittaw a battheih nadingin leitungah thukhen dingin a hong pai ka hi hi,” a ci hi.

Tedim Bible Revision 2017

³⁹ Tua ciangin Jesu in, “Mittawte in khua a muh theih nading le khua mu thei a kineite mittaw a bat theih nadingin leitungah thukhen dingin a hong pai ka hi hi,” a ci hi.

Johan 9:39 Referans Kwoze

Johan 3:19

Tua bangin mawhsak thukhenna a thuakna uh a hang in: Leitungah khuavak hong tungkhin napi-in a gamtatna uh hoih lo ahih manin leitung mite in khuavak sangin khuamial deihzaw uh hi.

Johan 12:46

Kei hong um mi khempeuh, khuamial sungah a om nawn loh nadingun leitung khuavak bangin ka hong pai hi.

Sawltak 26:18

Pasian’ teel mite’ omna mun a amau om nading mun sanah hong om theih nadingun keimah hong upna uh tawh a mawhna uh a kimaisak theihna dingin Satan’ khutsung panin Pasian’ khut sungah a heikhia ding le khuamial panin khuavak lamah hei-in a mit uh khua a musak ding pa na hi hi,’ a hong ci hi.

Johan 8:12

Tua khit ciangin Jesuh in mihonte kiangah a thugenna khatah, “Kei pen leitung khuavak ka hi hi. Kei hong zuite in khuavak nuntakna nei ding uh a, khuamial gamtatna nei lo ding uh hi,” a ci hi.

1 JOHAN MASA 2:11

Ahi zongin a Khristian mipihte a mudah mite pen khuamial sungah omin khuamial gamtatna a gamta uh hi a, tua khuamial in bangmah ngaihsunsak thei lo ahih manin a gamtat nading mel uh thei lo uh hi.

Luka 4:18

“Gimna a thuak mite tungah Lungdamna Thu a hilh dingin Topa in kei hong sehkhin ahih manin keima sungah Topa’ kha hong om hi. Salin a kimante tungah suahtakna thu a gen ding, mittawte in khua a muhkik theih nading, a kinengniamte a suaktasak ding le

Luka 1:79

sih ding lauhuaina sungah a om mi khempeuh tungah vantung khuavak hong taangsak ding a, nopsakna lampi-ah hong kha ding hi,” a ci hi.

1 PETER MASA 2:9

Ahi zongin note pen Pasian in a hong teelkhiat minam, Kumpi siampi pawl, a siangtho minam, Pasian’ mite na hi uh a, khuamial sung panin a lamdang mahmah ama khuavak sungah a hong samkhia pa’ nasepna a lamdangte a genkhia dingin Pasian in a hong teel mite na hi uh hi.

Efesa 5:14

Tua ahih manin la sungah, “A ihmu mi aw, khanglo inla, sihna panin tho in. Tua hileh Khrih in nang hong taan ding hi,” kici hi.

2 KORIN NIHNA 2:16

Tua a nam pen, thu um lo mite a dingin mi a sisakthei a nam khauh mahmah hi a, hotkhiatna a ngah mite a dingin mi a hingsakthei a namtui mahmah ahi hi. Hih nasep a sem dingin kua kilawm ahi hiam?

Johan 9:25

“Amah a gamta khial ahihleh ahihloh bangmah ka thei kei hi. Keima theih thu in: Nidangin a mittaw kimlai, tu-in khua ka mukik theita hi,” ci-in a dawng hi.

Johan 8:15

Thu a thei lopi-in kei na hong mawhsak uh hi; ahi zongin ke’n kuamah ka mawhsak kei hi.

Johan 3:17

Pasian in leitungah a Tapa hong sawlna pen mawhsakna thukhen dingin a hong paisak hi loin, leitung mite a honkhia dingin a hong paisak hizaw hi.

Luka 13:30

Tua hi a, tuhuna mineute tuahun ciangin milian hi ding a, tuhuna miliante tuahun ciangin mineu hi ding hi,” a ci hi.

Luka 7:21

Tua hun laitak mahmahin natna a tuamtuamte tampi damsakin, dawivei mite sung panin dawite hawlkhia a, mittaw mi tampi khua a musak hi.

Luka 2:34

Tua ciangin Simeon in amaute thupha a piak khit ciangin naungek’ nu Mary kiangah, “Hih naungek pen, Israel mite sungah mi tampi in siatna a ngah nading, le mi tampi in hotkhiatna a ngah nading ahi hi. Mi tampi in hih naungek nial ding uh a,

Mattiu 11:5

Mittawte in khua mukik a, khebaite paithei kikin, miphakte damkik a, bilngongte in khua za kikin, misite hingkik a, mizawngte tungah Lungdamna Thu a kihilhnate va gen un.

Mattiu 6:23

Ahi zongin na mit uh maang leh na pumpi uh a dingin khua a mial hi. Tua ahih manin note’ sunga a om khuavak pen a mial hileh tua mialna pen nasia mahmah ding hi.

Isaiah 44:18

Amaute in bangmah thei lo a, amaute in bangmah khentel thei lo uh hi. Bang hang hiam cih leh amaute in bangmah a muh theih loh nadingun amah in a mit uh humsakin, bangmah a theih loh nadingun a lungsim uh khaksak hi.

Isaiah 6:9

Tua ciangin amah in, “Pai inla, hih mite tungah, ‘Zaza napi tel lo; mumu napi thei lo,’ va ci in.

2 THESALONIKA NIHNA 2:10

gitloh khemna a nam tuamtuam zangin, siatna a thuak ding mite a khem ding hi. Tua bang mite in a suahtak nadingun thuman sang nuam lo, deih lo uh ahih manin siatna a tuak uh ahi hi.

Isaiah 29:10

Bang hang hiam cih leh Topa in note’ sungah ihmut nopna lungsim hong guan a, amau’ mit ahi kamsangte mitsi sakin amau’ lutang ahi thu mutheite khuhcip hi.

Ezekiel 12:2

“Mihing ahi Ezekiel aw, a lehdo thei mite lakah a teng na hi hi. Amaute in mit nei napi-in khua mu lo uh hi. Amaute pen a lehdo thei mite ahihna hang uh ahi hi.

Mattiu 15:14

Hih mite lunghihmawh ngaihsut kei un. Amaute pen mittaw makai ahi uh hi. Mittaw khat in mittaw dang khat makaih leh a nihun hawkguam sungah kiakhawm ding uh hi,” ci-in a dawng hi.

Johan 12:31

Tu-in leitung thukhen ding hun hong tungta a, hih leitung a ukpa kilawnkhia ding hi.