Johan 8:6 - Tedim Bible

⁶ Hih bangin a dot uh ciangin Jesuh a mawhsak theih nadingun a thangsiahna uh ahi hi. Jesuh zong kunsuk a, a khutme tawh leilak a gelh hi.

Tedim Bible Revision 2017

⁶ Hih bangin a dot uh ciangin Jesu a mawhsak theih nadingun a thangsiahna uh ahi hi. Jesu zong kun suk a, a khutme tawh leilak a gelh hi.

Johan 8:6 Referans Kwoze

Jeremiah 17:13

Aw Topa, Israel mite’ lamet pa aw, nang a hong taisan mite a zahhuai ding uh hi. Nang a hong lehngatsan mite leivui lak a min gelh bangin a mangthang uh hi. Bang hang hiam cih leh nuntakna ciktui ahi Topa a hong taisanzo uh hi.

Luka 10:25

Jesuh a ze-et dingin Thukham hilh siate khat hong ding a, “Sia aw, nuntak tawntungna ka ngahtheih nadingin bang sem ding ka hi hiam?” ci-in a dong hi.

Mattiu 19:3

Farisi mite pawlkhat Jesuh kiangah hong pai uh a, amah a mawhsak theih nading uh a deihna-un, “Thu khat peuhpeuh hangin zi maktheih ding mah ahi hiam?” ci-in a dong uh hi.

Amos 5:10

Note in thukhen zumah thutang a deih pa na mudah uh a, thuman a gen pa na hua uh hi.

Thuhilh-sia 3:7

Balkek hun om a, phop hun om hi. Daih hun om a, pau hun om hi.

1 KORIN MASA 10:9

Amaute pawlkhat bangin Topa i ze-et kei ding hi. Gul in amaute na tulum hi.

Marka 10:2

Farisi mi pawlkhat hong pai uh a, amah a mawhsak theih nading uh a deihna-in, “Mi khat in a zi a mathei ding mah ahi hiam?” ci-in a dong uh hi.

Marka 8:11

Farisi mite hong pai-in Jesuh tawh thu kinial uh a, amah a mawhsak theih nading uh a deihna-in Pasian tawh kipawl ahihna a lah nadingin lim khat a lah ding a ngen uh hi.

Mattiu 26:63

Jesuh pau loin a om hi. Tua ciangin siampi lianpen pa in, “Pasian’ Tapa, Khrih na hih leh na hihloh nong gen nadingin a nungta Pasian’ min tawh khauhtakin ka hong sawl hi,” a ci hi.

Mattiu 22:35

Amaute sung panin Thukham hilh siate khat in Jesuh a thangsiahna-in thu hong dong a,

Mattiu 22:18

Ahi zongin Jesuh in amau’ gitloh geelna thei ahih manin, “Mihoih a kineihkhem mite aw, bang hangin kei hong thangsiah se na hi uh hiam?

Mattiu 16:1

Jesuh kiangah Farisi mite le Saddusi mite pawlkhat a hong pai uh hi. Amaute in Jesuh a mawhsak theih nading uh a deihna-in Pasian tawh a kipawl ahihna a lah nadingin lim khat a lah ding a ngen uh hi.

Mattiu 15:23

Ahi zongin Jesuh in kam khat beek paupih lo hi. Tua ciangin a nungzuite in Jesuh kiangah, “Hih nupi i nung zui-in kikoko ahih manin a ciah nadingin sawl in,” ci-in a thum uh hi.

Mattiu 10:16

“Ngiahon lakah tuu a kikhah bangin note hong sawlkhia ka hih manin gul bangin pilvang unla, vakhu bangin migi un.

Amos 5:13

Tua ahih manin hih bang hunsiat hun laitakin thu ngaihsun thei mite, pau loin a om khikhe, lamdang sak ding hi lo hi.

Daniel 5:5

Thakhat thu-in kumpi innsung meivak a taan penna lam kawm tungah mihing khut khat hong kilangin lai a hong gelh hi. Tua khut in lai a gelh laitak kumpipa in a mu hi.

Paunak 26:17

Eite tawh a kisai lo kitotna sunga kiphumna pen ui ommuang khat a bil-in i kaihsak tawh kibang hi.

Gamlak-vakna 14:22

Egypt le gamlakah ka hihsa ka vangliatna le ka limte mu khin napi-in sawmvei kei hong ze-etin keima aw a ngai lo mite,

Piancilna 49:9

Judah pen humpinelkai tawh kibang a, a sa matsa a nek khit ciangin a kua-ah a ciahkik tawh kibang hi. Humpinelkai bangin kizia-in a lumsuk hi. Kua in amah phawng ngam ding hiam?

Johan 8:2

Ahi zongin a zing ciang zingsang tungin biakinn-ah paikik a, mihon tampi ama kiangah hong kikhawm uh ahih manin amaute tungah thuhilh ding a kipan hi.

Luka 11:16

Mi pawlkhat leuleu in amah a ze-etna-in, Pasian’ thukimpihna a kilat nadingin nalamdang a bawl ding a ngen uh hi.

Marka 12:15

Pia ding ihi hiam, pia lo ding ihi hiam?” ci-in a dong uh hi. Ahi zongin Jesuh in amau lungsimtawng thei ahih manin, “Bang hangin kei hong thangsiah se na hi uh hiam? Ka et dingin dangka peek khat hong la dih un,” a ci hi.

Late 39:1

“Ka leii tawh ka khialhloh nadingin ka gamtatna ka kikem ding a, ka omna-ah migilote a omlaiteng ka kam ka kham ding hi,” ka ci hi.

Marka 3:2

Jesuh gamtakhial hi, ci-in a mawhsak nuam mi pawlkhat tua lai-ah om uh a, Sabbath ni-in hih mipa a damsakkha hiam, ci-in vil gige uh hi.