Johan 8:34 - Tedim Bible

³⁴ Tua ciangin Jesuh in, “A mantakin ci lehang mawhna a bawl mi peuhmah mawhna’ sila ahi uh hi.

Tedim Bible Revision 2017

³⁴ Tua ciangin Jesu in, “A mantakin ci lehang mawhna a bawl mi peuhmah mawhnaʼ sila ahi uh hi.

Johan 8:34 Referans Kwoze

ROM (Romans) 6:16

Mi khatpeuh’ thu a mang dingin ama khut sungah na kipiak uh ciangin a thu na mante uh’ sila na hi uh hi. Mawhna na bawl uhleh sihna a thuak ding na hi uh a, thumangin na om uhleh Pasian tawh pawlkhat a suak ding na hi uh hi.

2 PETER NIHNA 2:19

Amaute pen siatna a piangsak thei zongsatna lelin sila hinapi-un mite tungah suahtak nading thu a gen uh hi. Bang hang hiam cih leh mite pen, a hong zo peuhpeuhte’ sila ihi hi.

Paunak 5:22

Migilo pa’ mawhna thangzak bang hi a, ama mawhna thang sung mahah amah a awk hi.

ROM (Romans) 6:12

Tua ahih ciangin na pumpi uh deihna na zuih loh nadingun na pumpi uh, mawhna na uksak nawn kei ding uh hi.

ROM (Romans) 6:6

Mawhna khutnuai-ah eite i om nawn loh nadingin mawhnopna lungsim i neihnateng i sucip a, singlamteh tungah Khrih a sih laitak mahin i ngeina luiteng a sisak khawm ihihna thu i thei hi.

Titu 3:3

Bang hang hiam cih leh eite zong nidangin haitatin, thumang loin, vakvai-in, duhna deihna a tuamtuamte thuaklahin, thusia le enna lungsim tawh a gamtate, mite in hong mudahin, eite khatlekhat zong a kimudah ngeite ihi hi.

Efesa 2:2

Tuahun lai-in leitung gitloh gamtatnate na zui uh a, Pasian thu a um lo mite sungah tu laitakin na a sem, huihlak a ukte’ thu na mang uh hi.

ROM (Romans) 7:25

I Topa Jesuh Khrih in hong honkhiazo ding ahih manin Pasian tungah ka lung a dam hi. Kei’ omzia taktak ahihleh: Ka lungsim tawh Pasian’ thu ka zui a, ka pumpi in mawhna a piangsak thu a zui hi.

1 KUMPI MASATE 21:25

Ama zi Jezebel in a hanthot Ahab bangin Topa’ muhna-ah a sia a gamta dingin amahmah a kipiatawm mi kuamah dang om lo hi.

ROM (Romans) 8:21

Pasian’ bawlsate, nikhat ni ciangin muattheih nading thu panin suakta-in Pasian’ tate tawh a nuam suahtakna a ngahkhawm ding uh hi.

ROM (Romans) 7:14

Thukham pen i kha thu tawh kisai hi, ci-in i thei hi. Ahi zongin kei pen leitung pumpi tawh a nungta mi ka hi a, mawhna thu mangin a sal a suak ka hi hi.

Sawltak 8:23

Bang hang hiam cih leh nangmah in enluatna lungsim nei-in, mawhna in hong valhcip mi khat na hih lamtak ka hong thei hi,” a ci hi.

Johan 3:3

Jesuh in, “A mantakin kong genin-ah, mi khatpeuh a suahkik kei leh Pasian’ Ukna sungah lut thei lo ding hi,” a ci hi.

Mattiu 5:18

Hoihtakin na phawk ding uh thu panin: Van le lei a bei mateng, hih thukhamte a neupen khat nangawn’ deihna tangtung lopi-in mawkmai lo ding hi.