Johan 8:33 - Tedim Bible

³³ amaute in, “Kote Abraham’ suanlekhakte ka hi uh a, cikmahin kuama salin ka om ngei kei uh hi. Tua ahih manin bang hangin, ‘Note suakta ding,’ hong cithei na hi hiam?” a ci uh hi.

Tedim Bible Revision 2017

³³ amaute in, “Kote Abrahamʼ suanlekhakte ka hi uh a, cikmahin kuama salin ka omngei kei uh hi. Tua ahih manin bang hangin, ‘Note suakta ding,’ hong cithei na hi hiam?” a ci uh hi.

Johan 8:33 Referans Kwoze

Mattiu 3:9

‘Abraham’ suante ihi ngawn hi,’ cihna lungsim nei mawk kei un. Ke’n kong cihin-ah, Pasian in hih suangte nangawn Abraham’ suanlekhakte-in a bawl thei hi lel hi.

Johan 8:39

Amaute in, “Kote’ pa Abraham ahi hi,” ci-in a dawn uh ciangin Jesuh in, “Abraham’ tate taktak hi le-uhcin Abraham’ gamtat bangin na gamta ding uh hi.

Johan 8:37

Note pen Abraham’ suanlekhakte na hihna uh ka thei hi. Ahi zongin ka thugente hong um lo na hih manun kei thah dingin nong sawm uh hi.

Piancilna 15:13

Tua ciangin Topa in Abram kiangah, “Na suanlekhakte amau’ leitang ahi lo munah tawlkhat sung omin, tua lai-ah amaute sila hi ding uh a, amaute kum zali sung kinengniam ding ahihna thu a kitel theihna thei in.

Johan 19:25

Jesuh’ singlamteh gei-ah ama nu; ama nuno ahi, Klopas’ zi Mary; le Magdala khuami Mary a ding uh hi.

Ezra 9:9

Kote pen sal ka hi takpi uh hi; ahi zongin ka salsuahna uhah ka Pasian un nong nusia kei a, kote’ Pasian’ biakinn puahkikin ka dinsakkik theih nading uh le Judah le Jerusalem-ah kidalna kulh ka neih theih nadingun kipat thakna na hong piak theih nadingin Persia kumpite ko tungah a thunuam dingin nong bawlsak hi.

Thukhente 4:3

Tua ciangin Israel mite huhna a ngen dingin Topa’ tungah a kiko uh hi. Bang hang hiam cih leh amah in sik leeng zakua nei a, Israel mite kum sawmnih sung nakpitakin gim a pia hi.

Thukhente 3:8

Tua ahih ciangin Israel-te tungah Topa sinso a, amah in Mesopotamia kumpipa Kushanrishathaim tungah amaute a pia hi. Israel mite in Kushanrishathaim’ na kum giat sung a sem uh hi.

Thukhente 2:18

Topa in amaute a dingin thukhente a khansak sialin Topa in thukhente huh a, thukhente’ nuntak sung tawntung a galte uh khutsung panin amaute hon hi. Bang hang hiam cih leh amaute a gimsak a nengniamte’ hangin amau’ tauna in Topa’ hehpih nading piangsak hi.

Siampi Laibu 25:42

Bang hang hiam cih leh amaute pen Egypt gam panin ka paikhiatpih keima nasemte hi a, amaute sila-in kizuak lo ding hi.

Luka 3:8

Na kisikna uh a kilat nadingin gamta un. Note khatlekhat in, ‘Abraham’ suante ihi ngawn hi,’ mawkcih kei un. Ke’n kong cihin-ah, Pasian in hih suangte nangawn Abraham’ suanlekhakte-in bawl thei lel hi.

Johan 8:43

Bang hangin ka thugente theithei lo na hi uh hiam? Ka thugente na ngaih nop loh man uh ahi hi.

ROM (Romans) 9:7

Abraham’ suanlekhak khempeuh zong Pasian’ tate hi kim lo hi. Pasian in Abraham kiangah, “Na ta Isaac’ suanlekhakte bek nangma suanlekhakin kisim ding hi,” ci hi.