Johan 8:28 - Tedim Bible

²⁸ Tua ahih manin Jesuh in, “Mihing Tapa na khai khit uh ciangin ‘Kei kua ka hi hiam?’ cih thu na hong thei ding uh hi. Tua hun ciangin kei’ thu bek tawh bangmah hih loin, ka Pa’ hong hilhsa teng bek a gen ka hihna thu na thei ding uh hi.

Tedim Bible Revision 2017

²⁸ Tua ahih manin Jesu in, “Mihing Tapa na khai khit uh ciangin ‘Kei kua ka hi hiam?’ cih thu na hong thei ding uh hi. Tua hun ciangin keiʼ thu bek tawh bangmah hih loin, ka Paʼ hong hilh sa teng bek a gen ka hihna thu na thei ding uh hi.

Johan 8:28 Referans Kwoze

Johan 5:30

“Keima thu guak tawh ka hihtheih bangmah om lo hi. Pasian’ hong genna bang bekin thu ka khen hi. Keima ut bangin sem loin kei hong sawl pa’ deih bangin sem ka hih manin ka thukhenna thuman hi.

Johan 5:19

Tua ahih manin Jesuh in amaute kiangah, “A mantakin gen lehang: Tapa in ama thu bek tawh bangmah sem lo a, a Pa in a sep a muhteng bek a sem ahi hi. Tua hi a, a Pa in a septeng mah a Tapa in zong a sem ahi hi.

Johan 6:38

Bang hang hiam cih leh keima ut bangin a sem ding hi loin kei hong sawl pa’ deihna bangin a sem dingin vantung panin a hong pai ka hi hi.

Johan 3:14

Moses in gamlak khuam tungah sumngo gul a khai mah bangin Mihing Tapa zong hong kikhai ding a,

ROM (Romans) 1:4

Kha Siangtho thu lamsangah ci lehang misite lak panin vangliatna tawh a thawhsakkikna hangin Pasian’ Tapa ahihna thu Pasian in a kilangsak hi.

Sawltak 4:4

Ahi zongin amaute’ thugen a za mi tampi in um uh a, thu um mi tulnga bang a pha ta uh hi.

Sawltak 2:41

Mi tampi in ama thugen umin tui kiphum uh a, tua ni-in mihing tulthum bang kibehlap uh hi.

Johan 19:18

Tua lai mun panin singlamteh tungah khai uh a, ama langtuakah zong midang khat tuak mah khai-in a laizangah Jesuh a kikhai hi.

Johan 16:10

Pa kiangah pai ding ka hih manin kei na hong mu nawn kei ding uh hi, ka cihna thu a manna lak ding a,

Johan 11:42

Ka thungetna na hong ngaih tawntungna thu ka thei a, ahi zongin hih lai-ah a om mite in kei na hong sawlna thu a uptheih nadingun tu-a bangin kam a hong pau ka hi hi,”

Johan 8:24

Kei pen, ‘Kei ka hihlam na hong up kei uhleh na mawhna uh a sihpih ding na hih manun, na mawhna uh na sihpih ding uh hi,’ ci-in ka hong genna pen hih thu hang ahi hi,” a ci hi.

Johan 3:11

A mantakin kong genin-ah, kote in ka theihsa uh thu bek genin, ka muhsa uh thu bek teci a pang ka hi uh a, ahi zongin note kuamah in ka thugente uh nong um nuam kei uh hi.

Paikhiatna 3:14

Pasian in Moses kiangah, “Keimah ka hi hi,” ci hi. Tua ciangin Pasian in, “Israel mite tungah hih thu genin, ‘Keimah a kici pa in note kiangah kei hong sawl hi,’ ci in,” a ci hi.

Thu-hilhkikna 18:18

Amau sanggamte lak panin nang tawh a kibang kamsang khat amaute a dingin ka khangsak ding hi. Ama gen dingte ka hilh ding a, amah ka thupiak khempeuh amaute tungah a gen ding hi.

Mattiu 24:5

Bang hang hiam cih leh keimah a kineih mi tampi hong pai ding a, ‘Kei, Khrih ka hi hi,’ ci-in mi tampi tak umkhialsak ding uh hi.

Marka 13:6

Keima min pua-in mi tampi hong pai ding uh a, ‘Keimah, Khrih ka hi hi,’ ci-in mi tampi a khemzo ding uh hi.

Luka 21:8

Jesuh in, “Kidawm unla, mi’ khemsa-in ta kei un. Bang hang hiam cih leh keimah a kineih mi tampi hong pai ding uh a, ‘Keimah, Khrih ka hi hi; a hun hong tungta hi,’ hong ci ding uh hi. Tua bang mite’ nung zuikha kei un.

Johan 4:26

Jesuh in, “Tu-a nang tawh a kiho keimah pen tua na gen pa ka hi hi,” a ci hi.

Johan 8:27

Jesuh in Pa Pasian’ thu a gengen ahih lamtak amaute in thei lo uh hi.

Johan 8:58

Jesuh in, “A taktakin ci lehang, Abraham a pian’ ma-in kei ka omkhin hi,” ci-in a dawng hi.

Johan 13:19

Hih thu hong tun taktak ciangin, ‘Kei kua ka hihna,’ na hong theih nadingun a hun ma-in a hong ma gen ka hi hi.

Johan 18:32

(Jesuh in ama sihna dingzia a gensa thu a tuntheih nadingin hih bangin a piang ahi hi.)