Johan 8:26 - Tedim Bible

²⁶ Note’ thu genin, note’ thu ka khen ding tampi tak om hi. Kei a hong sawl pa a thuman a thutak hi a, ama tung panin ka zaksa thute bek leitung mite tungah a pulak ka hi hi,” ci-in a dawng hi.

Tedim Bible Revision 2017

²⁶ Noteʼ thu genin, noteʼ thu ka khen ding tampi tak om hi. Kei a hong sawl pa a thuman a thutak hi a, ama tung panin ka zak sa thute bek leitung mite tungah a pulak ka hi hi,” ci-in a dawng hi.

Johan 8:26 Referans Kwoze

Johan 15:15

Nasemte in a tote’ nasepna bangmah thei lo ahih manin note pen nasemte ka hong ci nawn kei ding hi. Ka Pa’ tung panin ka zak thu khempeuh note kiangah hong genkhin ka hih manin note, lawm, ka hong ci zaw ding hi.

Johan 8:40

A taktakin ci lehang, ka hihna khempeuh Pasian’ kiang panin ka zaksa thuman thu ka hong gen hinapi-in note in kei thah ding na hong sawm uh hi. Hih note’ gamtat bangin Abraham gamta lo hi.

Johan 17:8

Bang hang hiam cih leh gen dingin na hong sawl thu khempeuh amaute kiangah ka gen ciangin um uh a, nangma kiang panin a pai ka hihna thu hong thei uh a, nangma hong sawl ka hihna thu zong hong um uh hi.

Johan 7:28

Tua ahih manin biakinn sungah a gen mah bangin mi khempeuh zakin genkhia a, “Kei hong theitel taktak a, ka hong piankhiatna mun a thei takpi mah na hi uh hiam? Keima thu tawh a hong paitawm ka hi kei hi; kei a hong sawl a thuman pa a thei lo na hi uh hi.

2 KORIN NIHNA 1:18

Pasian a thuman a citak ahih mah bangin note tungah ka hong gente uh zong a kheel themthum ka hi kei uh hi.

Johan 16:12

“Ka hong gen ding tampi tak omlai hi; ahi zongin hong gen lai leng note a dingin tamlua ding hi.

Johan 7:16

Tua ahih manin Jesuh in, “Ka thugente pen keima thu hi lo a, kei a hong sawl Pasian kiang panin a hong pai thu ahi hi.

Johan 3:11

A mantakin kong genin-ah, kote in ka theihsa uh thu bek genin, ka muhsa uh thu bek teci a pang ka hi uh a, ahi zongin note kuamah in ka thugente uh nong um nuam kei uh hi.

Johan 8:25

Tua ciangin amaute in, “Nang kua na hi hiam?” ci-in a dot uh ciangin Jesuh in, “A kipat cil a kipan ka hong gensa mah ka hi hi.

Johan 8:27

Jesuh in Pa Pasian’ thu a gengen ahih lamtak amaute in thei lo uh hi.

Johan 18:20

Jesuh in, “Mi khempeuh’ theihin thu ka gen tawntung hi. Jew mihonpi a kikhopna innte le Biakinn sungah thu ka hilh a, thu ka sim genna om ngei lo hi.