Johan 8:23 - Tedim Bible

²³ Tua ciangin Jesuh in amaute kiangah, “Note pen nuailam mi na hi uh a, kei pen tunglam mi ka hi hi. Note pen hih leitung mi na hi uh a, kei pen hih leitung mi ka hi kei hi.

Tedim Bible Revision 2017

²³ Tua ciangin Jesu in amaute kiangah, “Note pen nuai lam mi na hi uh a, kei pen tung lam mi ka hi hi. Note pen hih leitung mi na hi uh a, kei pen hih leitung mi ka hi kei hi.

Johan 8:23 Referans Kwoze

Johan 3:31

“Vantung pan hong pai pa pen adang khempeuh sangin lianzaw hi. Leitung panin a piang mi pen leitung mi hi a, leitung thute bek mah a gen hi. Tua ahih manin vantung panin a hong pai pa ahihleh adang khempeuh sangin a lianzaw ahi hi.

Johan 17:16

Hih leitung tawh kei ka kipawl loh mah bangin amaute zong a kipawl lo uh ahi hi.

Johan 17:14

Amaute tungah na thu ka gen khin hi. Ahi zongin keimah bangin amaute zong hih leitung mite tawh kipawl lo uh ahih manin leitung mite in a mudah uh hi.

Jeim 4:4

A citak lo mite aw, leitung tawh kipawlna pen Pasian tawh kigalneihna ahih lamtak thei lo na hi uh hiam? Leitung tawh a kipawl mite pen Pasian tawh a kigalneih dingin a kibawlbawl ahi uh hi.

Late 17:4

Gamtatna thu-ah ci leng, nangma thupiaknate ka zui a, mi ngongtatte’ gamtat ziate ka pelh hi.

Johan 3:13

Vantung panin a hong paisuk Mihing Tapa keimah simloh vantungah a paito ding kuamah om lo hi,” a ci hi.

Johan 1:14

Tua Thu mihing hong suakin kote lakah hong om a, itna nei-in citak mahmah ahih manin Pasian’ pianzia a neihna ka mu cian uh hi. Hih pianzia pen Pasian’ Tapa khat bek hihna tawh a neih pianzia ahi hi.