Johan 7:6 - Tedim Bible

⁶ Ahi zongin Jesuh in, “Kei a dingin pai ding a hunhoih hi nai lo hi; ahi zongin note a dingin a hunhoih hi tawntung hi.

Tedim Bible Revision 2017

⁶ Ahi zongin Jesu in, “Kei adingin pai ding a hunhoih hi nai lo hi; ahi zongin note adingin a hunhoih hi tawntung hi.

Johan 7:6 Referans Kwoze

Johan 7:8

Tua ahih manin pawisiim dingin note va pai un. Kei a dingin a hunhoih hi nai lo ahih manin kei ka hong pai kei ding hi,” ci-in dawng a,

Johan 2:4

Tua ciangin Jesuh in, “Nu aw, bang hangin na lunghihmawhna hong ko zenzen na hi hiam? Keima hun tung nai lo hi,” ci-in a dawng hi.

Johan 7:30

Tua ciangin amaute in Jesuh mat ding hanciam uh hi; ahi zongin ama hun tung nai lo ahih manin kuamah in va su lo hi.

Johan 17:1

Jesuh in hih thute a genkhit ciangin vantung lam ento-in, “Pa aw, a hun hong tungta ahih manin na Tapa in na pianzia hong kilatsak theih nadingin tu-in na Tapa’ pianzia hong kilangsak ta in.

Johan 13:1

Tu-in Paisan Pawi hun ding ni khat bek in sam a, Jesuh in hih leitung nusia-in a Pa kiangah a pai ding hun a tunna thu a thei hi. Hih leitungah a om ama mite it mahmah ahih manin a hih theihna zah ciang tawh a itna a lak hi.

Johan 8:20

Jesuh in hih thute pen sumpi khiatna kuang a kikoihna biakinn dei sungah a gen hi a, ahi zongin ama hun tung nai lo ahih manin kuamah in amah man lo uh hi.

Mattiu 26:18

Jesuh in, “Jerusalem khua sungah va pai unla, tua mipa kiangah, ‘Siapa in, “Ka hun hong naita hi. Na inn-ah ka nungzuite tawh Paisan Pawi an ka hong ne ding uh hi,” ci hi,’ va ci un,” a ci hi.

Sawltak 1:7

Jesuh in, “Ka Pa in ama thu tawh a sehsa hun le nite, cik ciangin hong tung ding cih thu note’ theih ding thu hi lo hi.

Late 102:13

Nangmah tho-in Zion khua na hehpih ding hi. Amah na angvan hun ding hita a, a kiciangtansa hun hong tung khin hi.