Johan 7:41 - Tedim Bible

⁴¹ pawlkhat in, “Hih pa, Khrih ahi hi,” a ci uh hi. Ahi zongin pawlkhat in, “Galilee gam panin Khrih hong piang ding ahi hiam?

Tedim Bible Revision 2017

⁴¹ pawl khat in, “Hih pa, Khris ahi hi,” a ci uh hi. Ahi zongin pawl khat in, “Galilee gam panin Khris hong piang ding ahi hiam?

Johan 7:41 Referans Kwoze

Johan 7:52

Tua ciangin amaute in, “Nang zong Galilee gammi na hi hiam? Lai Siangtho sung sim lecin Galilee gam sung panin kamsang khat beek a pian’ ngei lohna thu na thei ding hi,” a ci uh hi.

Johan 1:46

Nethanel in, “Nazareth khua panin bang hong piang peuhmah ding ahi hiam?” na cihsan hi. Ahi zongin Filip in, “Hong pai inla, hong mu dih in,” a ci hi.

Johan 7:31

Ahi zongin mihon lak panin mi tampi mah in amah um uh a, “Khrih hong pai ciangin hih mipa sangin nalamdang tamzaw hong bawl tuan ding ahi hiam?” a ci uh hi.

Johan 6:69

Tu-in nang ka hong um uh a, Pasian kiang panin a hong pai a Siangtho Pa na hihna thu ka hong thei uh hi,” ci-in a dawng hi.

Johan 4:42

Tua thu um mite in tua numei kiangah, “Nangma thugenna hangin a um ka hi nawn kei uh a, komau mahmah in a thugen za-in, leitung mite a Honkhia ding pa taktak hi, ci-in thei ka hih manun a um ka hi uh hi,” a ci uh hi.

Johan 4:29

“Hong pai un. Ka gamtatnasa a hong thei pa va en ni. Amah Khrih hi kha ding hi,” a va ci hi.

Johan 4:25

Tua ciangin numei in, “Khrih a kici Messiah hong pai nading thu ka thei hi. Amah hong pai ciangin thu khempeuh hong gen ding hi,” a cih ciangin

Johan 1:49

Tua ciangin Nethanel in, “Sia aw, nang, Pasian’ Tapa na hi hi. Israel mite’ Kumpi zong na hi hi,” a cih ciangin

Johan 1:41

A zing ciangin a u Simon zongpahin ama kiangah, “Messiah ka mu zo uh hi,” a ci hi. Tua pen Khrih a cihnopna ahi hi.

Johan 7:27

Tua ding lah, hih mipa hong piankhiatna i theih hi a, Khrih hong pai ciangin ama piankhiatna kuamah in a theih ding hi lo hi,” a ci uh hi.