Johan 7:31 - Tedim Bible

³¹ Ahi zongin mihon lak panin mi tampi mah in amah um uh a, “Khrih hong pai ciangin hih mipa sangin nalamdang tamzaw hong bawl tuan ding ahi hiam?” a ci uh hi.

Tedim Bible Revision 2017

³¹ Ahi zongin mihon lak panin mi tampi mah in amah um uh a, “Khris hong pai ciangin hih mipa sangin nalamdang tam zaw hong bawl tuan ding ahi hiam?” a ci uh hi.

Johan 7:31 Referans Kwoze

Johan 12:42

Tua bang hitaseleh Jew mi ulian tampi in Jesuh a um uh hi. Ahi zongin Farisi mite in kikhopna inn panin a hawlkhiat ding lau uh ahih manin a kilangin genkhia ngam lo uh hi.

Mattiu 12:23

Tua ciangin mi khempeuh in lamdangsa mahmah uh a, “Hih pa, i lametet David’ suan hi lo ding ahi hiam?” a ci uh hi.

Sawltak 8:13

Simon mahmah in zong um a, tui a kiphum khit ciangin Filip zui tawntung a, lim le nalamdang lianpipite a bawl a muh ciangin lamdang a sa mahmah hi.

Johan 11:45

Tua ahih manin Mary kiangah hawhin Jesuh’ hihna a mu Jew mi tampi in amah a um uh hi.

Johan 9:16

Farisi mi pawlkhat in, “Amah in Sabbath ni tang lo ahih manin Pasian kiang panin hong pai mi hi lo ding hi,” a ci uh hi. Ahi zongin pawlkhatte in, “A gamta khial mi in bang hangin hih bangin nalamdang bawlthei ding ahi hiam?” ci leuleu ahih manin mite’ ngaihsutna kituak lo hi.

Jeim 2:26

Tua ahih manin hu a diik lo, hu a sang lo pumpi pen a si ahih mah bangin sepna tawh a kizom lo upna zong a si ahi hi.

Johan 6:2

Jesuh in cinate damsakin nalamdang lianpipi a bawlte mi tampi in mukhin uh ahih manin mi tampi tak in Jesuh nung a zui uh hi.

Johan 4:39

Tua numei in, “Ka gamtatnasate khempeuh hong thei hi,” ci-in a thugenna hangin tua khuasunga om Samaria mi tampi tak in Jesuh a um uh hi.

Johan 3:2

Khatvei zan khuamial laitakin Jesuh kiangah va pai a, “Sia aw, mi khat peuhpeuh Pasian in ompih lo hileh hih na lamdangte kuamah in bawl thei lo ding ahih manin nang pen Pasian’ hong sawl siapa na hihna ka hong thei uh hi,” a ci hi.

Johan 2:11

Jesuh in nalamdang a bawl masak pen Galilee gam Kana khua-ah hih bangin Pasian’ pianzia a neihna kilangsak a, a nungzuite in zong amah a um uh hi.

Luka 8:13

Suang kitawphah leilak a tukna munte pen Pasian’ thu a zak ciangin lungdam takin a sangte a cihna ahi hi. Ahi zongin amaute sungah thuktum lo ahih manin tawlkhat sung bek um uh a, ze-etna hun a tun ciangin a puk uh hi.

Johan 4:29

“Hong pai un. Ka gamtatnasa a hong thei pa va en ni. Amah Khrih hi kha ding hi,” a va ci hi.

Johan 7:26

Tua hinapi, mihon lakah thu gengen napi-in kuamah in bangmah cih lo uh hi. Uliante in Khrih hi, ci-in theihtelna nei uh hi ding hiam?