Johan 7:29 - Tedim Bible

²⁹ Ahi zongin amah in kei hong sawlin, ama kiang panin a hong pai ka hih manin ke’n ka thei hi,” a ci hi.

Tedim Bible Revision 2017

²⁹ Ahi zongin amah in kei hong sawlin, ama kiang panin a hong pai ka hih manin keʼn ka thei hi,” a ci hi.

Johan 7:29 Referans Kwoze

Johan 8:55

Note in amah na thei ngei kei uh a, ahi zongin ke’n ka thei hi. Amah ka thei kei hi, a ci hi leng, note mah bangin kei zong a zuau ka hi ding hi. Ahi zongin ke’n amah thei ka hih manin ama thu ka mang hi.

Mattiu 11:27

“Ka Pa in kei tungah na khempeuh hong pia khin hi. Pa simloh Tapa a thei kuamah om lo a, Tapa le Tapa in a theihsaknop mite simloh, pa a thei kuamah om lo hi.

Johan 17:18

Leitungah kei na hong sawl mah bangin kei zong leitung mahah amaute ka sawl hi.

Johan 6:46

Hih bang ka cih ciangin Pa tawh a kimu khin ngei om hi, ka cihna hi lo hi. Pasian kiang panin hong pai pa bek in Pa a mu ngei ahi hi.

Johan 1:18

Kuamah in Pasian mu ngei lo hi. Pasian tawh a kinai pen, Pasian mah ahi Tapa khat bek in Pasian hong kilangsak hi.

1 JOHAN MASA 4:14

Pa Pasian in leitung mite a honkhia dingin a Tapa a hong paisakna thu kote in thei-in midang kiangah genbelin ka nei uh hi.

1 JOHAN MASA 4:9

Pasian in eite hong itna hong bangci lah hiam cih leh: Ama hangin eite in nuntakna i ngahtheih nadingin a Tapa neihsun Pasian in leitungah a hong paisak hi.

1 JOHAN MASA 1:2

Hih nuntakna pen a kimuthei a hong suah ciangin kote mahmah in ka mu uh hi. Tua ahih manin kote tungah a hong kilak, Pa Pasian tawh a omkhawm tua nuntak tawntungna pen genbelin nei-in, note tungah zong a hong gen ka hi uh hi.

Johan 13:3

A Pa in ama khut sungah vangliatna khempeuh a piakna le Pasian in amah a sawl mah bangin tu-in Pasian kiangah a paikik ding ahihna thu zong a thei hi.