Johan 7:13 - Tedim Bible

¹³ Ahi zongin Jerusalem khua-a Jew mi uliante a kihtakna hangun kuamah in Jesuh thu a kilangin gen ngam lo uh hi.

Tedim Bible Revision 2017

¹³ Ahi zongin Jerusalem khua-a Jew mi uliante a kihtakna hangun kuamah in Jesu thu a kilangin gen ngam lo uh hi.

Johan 7:13 Referans Kwoze

Johan 9:22

Jesuh pen Khrih hi, ci-in a gen peuhpeuh, kikhopna inn panin hawlkhia ni, ci-in Jew mi uliante in thukimna neikhin uh ahih manin, Jew mi uliante a kihtakna uh hangin a nu le a pate in hih bangin a gen uh ahi hi.

Johan 19:38

Tua ciangin Arimathea khuami Josef in Jesuh’ luang a lakkhiat theih nadingin Pilat kiangah va pai-in a ngen hi. (Josef i cih pen Jesuh’ nung a zui khat hi a, ahi zongin Jerusalem khua-a Jew uliante a kihtakna hangin a simzuih khat ahi hi.) Josef in Jesuh’ luang a lakkhiat theih nadingin thu ngah ahih manin va pai-in Jesuh’ luang a lakhia hi.

Johan 20:19

Tua ni pen Nipi ni nitak lam hi a, nungzuite zong a nitakin innsung khatah a kikhop laitakun Jerusalem khua-a Jew mi uliante a kihtakna uh hangin inn a kikalhnelh uh hi. Tua bang hinapi-in amaute lakah Jesuh hong ding a, “Nopna ngah ta un,” ci-in a hopih hi.

Paunak 29:25

Midangte kihtakna in hong lunghimawhsak a, Topa muanna in hong lungmuangsak hi.

Mangmuhna 2:13

Satan in a kumpi tokhom a phuhna munah a om na hih lamtak uh ka thei hi. Keima thu citakin teci a pang cinten Antipas, Satan’ omna munah a kithah hun laitak nangawnin kei na hong upna uh na khahsuah kei uh hi.

Johan 9:34

Tua ciangin amaute in, “Mawhna bulomtang sung panin suakin a khangkhia mipa in kote tungah thu hong hilhsawm na hi hiam?” ci-in tua mittaw ngei pa a hawlkhia uh hi.

Johan 3:2

Khatvei zan khuamial laitakin Jesuh kiangah va pai a, “Sia aw, mi khat peuhpeuh Pasian in ompih lo hileh hih na lamdangte kuamah in bawl thei lo ding ahih manin nang pen Pasian’ hong sawl siapa na hihna ka hong thei uh hi,” a ci hi.

Johan 7:1

Tua khit ciangin Galilee gam sungah Jesuh zin kawikawi hi. Jerusalem khua-a om Jew mi uliante in amah thatnuam uh ahih manin Judea gam sungah zin nuam nawn lo hi.

Johan 7:11

Jerusalem-a om Jew mi uliante in tua pawi lak khawng Jesuh zong uh a, “Koi-ah om ahi hiam?” a ci uh hi.

Johan 7:15

Jew mi uliante in lamdangsa mahmah uh a, “Hih mipa cikmah a sang kah ngei lo kimlai bang hangin thu hih zah thei ahi hiam?” a ci uh hi.