Johan 7:10 - Tedim Bible

¹⁰ Ahi zongin a sanggamte a dinkhiat khit ciangin Jesuh zong Jerusalem-ah Buk Pawi siim dingin a nungpai hi. Ahi zongin a kilang lua-in pai loin a simpai ahi hi.

Tedim Bible Revision 2017

¹⁰ Ahi zongin a sanggamte a dinkhiat khit ciangin Jesu zong Jerusalem ah Buk Pawi siim dingin a nung pai hi. Ahi zongin a kilang lua-in pai loin a sim pai ahi hi.

Johan 7:10 Referans Kwoze

Mattiu 10:16

“Ngiahon lakah tuu a kikhah bangin note hong sawlkhia ka hih manin gul bangin pilvang unla, vakhu bangin migi un.

Amos 5:13

Tua ahih manin hih bang hunsiat hun laitakin thu ngaihsun thei mite, pau loin a om khikhe, lamdang sak ding hi lo hi.

Galati 4:4

Ahi zongin a hun a cin ciangin eite khempeuh Pasian’ tate i suahtheih nadingin Thukham nuai-ah a om mite a hong tankhia dingin Pasian in a Tapa hong paisak a, tua Tapa pen leitung ngeina bangin numei sung panin hong suakin, Jew Thukham sungah hong nungta hi.

Johan 11:54

Tua ahih manin Judea gam sungah a kilangin Jesuh khualzin nawn lo a, amah paikhia-in sehnel gam gei-a om Efraim a kici khua-ah tungin tua lai-ah a nungzuite tawh a om hi.

Johan 7:5

ama sanggamte mahmah in zong Jesuh um lo uh hi.

Johan 7:3

ama sanggamte in Jesuh kiangah, “Na nung hong zui mihonte in na nasepna a muhtheih nadingun hih lai panin paikhia-in Judea gamah va pai in.

Mattiu 3:15

Ahi zongin Jesuh in, “Pasian in hih dingin kisam a sak khempeuh i hih ding a kilawm thu ahih manin tu-in hong phum hoh in,” a cih ciangin Johan in zong a mang hi.

Late 40:8

Nangma deih bang hihna-ah nuam ka sa hi, ka Pasian aw. Nangma thukham ka lung sungah om hi,” ka ci hi.

Late 26:8

Topa aw, nangma inn-a ten ding le na minthang a omna munah om ding ka ut hi.

Mattiu 12:46

Tua bangin mite kiangah thu genin a om laitakin a pualamah a nu le a naute in Jesuh hopih nuamin a om uh hi.

Marka 3:21

A innkuanpihte in hih thu a zak uh ciangin Jesuh a la dingin hong kuankhia uh hi. Bang hang hiam cih leh, “Jesuh mihai suakta hi,” a kicihna thu a za uh hi.

Johan 7:9

amah pai loin Galilee gam sung mahah a omlai hi.