Johan 7:1 - Tedim Bible

¹ Tua khit ciangin Galilee gam sungah Jesuh zin kawikawi hi. Jerusalem khua-a om Jew mi uliante in amah thatnuam uh ahih manin Judea gam sungah zin nuam nawn lo hi.

Tedim Bible Revision 2017

¹ Tua khit ciangin Galilee gam sungah Jesu zin kawikawi hi. Jerusalem khua-a om Jew mi uliante in amah that nuam uh ahih manin Judea gam sungah zin nuam nawn lo hi.

Johan 7:1 Referans Kwoze

Johan 4:3

Jesuh in tua thu a phawk ciangin Judea gam panin paikhia-in Galilee gamah a paikik hi.

Mattiu 21:38

Ahi zongin lo khawhlawhte in a tapa a muh uh ciangin, ‘Hih pa pen a gamhluah ding pa ahi hi. Hong pai un; amah thatin a luah dingteng eite inla ni,’ a kici uh hi.

Johan 7:19

Moses in note tungah Thukham hong pia napi-in kuamah in na zui kei uh hi. Tua hinapi, bang hangin thah dingin kei hong sawm na hi uh hiam?” a ci hi.

Mattiu 10:23

Khua khatah note hong kibawlsiat leh khuadang khatah tai un. Note kiangah kong genin-ah: Israel khua khempeuh na khit ma-un Mihing Tapa hong pai ding hi.

Sawltak 10:38

Nazareth khuami Jesuh tungah Pasian in Kha Siangtho le vangliatna pia a, Pasian in a ompihna hangin tua Jesuh in a paina khempeuhah na hoih semin, Dawimangpa in a gimsak mite khempeuh a damsakna thu zong na thei uh hi.

Johan 4:54

Hih nalamdang pen Judea gam panin Galilee gamah hong pai khit a kipanin Jesuh in nalamdang a bawl a nihna ahi hi.

Johan 1:19

Jerusalem khua-a Jew mi uliante in Johan kiangah siampite le Levi mite paisak uh a, “Nang kua na hi hiam?” ci-in a dongsak uh hi.

Johan 8:40

A taktakin ci lehang, ka hihna khempeuh Pasian’ kiang panin ka zaksa thuman thu ka hong gen hinapi-in note in kei thah ding na hong sawm uh hi. Hih note’ gamtat bangin Abraham gamta lo hi.

Johan 8:37

Note pen Abraham’ suanlekhakte na hihna uh ka thei hi. Ahi zongin ka thugente hong um lo na hih manun kei thah dingin nong sawm uh hi.

Johan 7:25

Jerusalem khuami pawlkhat in, “Thah dingin a sawm pa uh hih pa hi lo ahi hiam?

Marka 11:18

Siampi liante le Thukham hilh siate in hih thu a zak uh ciangin Jesuh a thahtheih nading uh lampi a zong uh hi. Ahi zongin mihonpi in ama thuhilhna lamdangsa uh ahih manin amaute in Jesuh a kihta uh hi.

Johan 6:1

Tua khit ciangin Tiberias zong a kici Galilee Tuili galkhat lamah Jesuh a pai hi.

Johan 7:11

Jerusalem-a om Jew mi uliante in tua pawi lak khawng Jesuh zong uh a, “Koi-ah om ahi hiam?” a ci uh hi.

Johan 7:13

Ahi zongin Jerusalem khua-a Jew mi uliante a kihtakna hangun kuamah in Jesuh thu a kilangin gen ngam lo uh hi.

Johan 7:35

Tua ciangin Jew mi uliante khatlekhat kiho uh a, “I muh zawh loh dingin hih mipa koi lai-ah paisawm hi ding ahi hiam? Jew mite omna Grik khuapi tuamtuamte-ah pai-in Grik mite kiangah thu hilhsawm hi ding ahi hiam?