Johan 6:64 - Tedim Bible

⁶⁴ Tua hinapi-in note pawlkhat in na um kei uh hi,” a ci hi. (Jesuh in a kipat cil pek a kipanin kuateng in ama thu um ding a, kuateng in amah lehpei ding cih thu thei khinzo hi.)

Tedim Bible Revision 2017

⁶⁴ Tua hi napi-in note pawl khat in na um kei uh hi,” a ci hi. (Jesu in a kipat cil pek a kipanin kua teng in ama thu um dinga, kua teng in amah lehpei ding cih thu thei khinzo hi.)

Johan 6:64 Referans Kwoze

Johan 10:26

Ahi zongin note pen keima tuu hi lo na hih manun Khrih ka hihlam na hong um kei uh hi.

Hebru 4:13

Pasian’ mai-ah seelcip theih ding bangmah om lo hi. Eite khempeuh i dinna ding pa’ mai-ah a kipiangsak na khempeuh a kiliah a ki-im thei om loin kimu sinsen hi.

2 TIMOTI NIHNA 2:19

Ahi zongin Pasian in a phuhsa sutpi kilokzo ngei lo ding hi. Tua sutpi tungah, “Topa in ama mi kua teng hiam cih thei hi,” cihna le, “Topa tawh kipawl ing, a ci peuhmah in mawhna sukhalo ding hi,” cihna kigelh hi.

ROM (Romans) 8:29

Pasian’ Tapa mi khempeuh lakah a upa pen a suahtheih nadingin Pasian in a teelkholhsa mite, a Tapa tawh a kibang dingin a sehsa ahi hi.

Johan 6:61

Ahi zongin Jesuh in hih thu-ah a nungzuite’ phunna thei ahih manin, “Hih ka thugenna in note hong lungkiasak ahi hiam?

Johan 5:42

note’ lungsim sungah Pasian itna na neih hetlohna uh ka theihna hang hizaw hi.

Johan 6:66

Hih bangin a thugenna hangin a nung a zui a thungai mi tampi kileh kikin Jesuh zui nawn lo uh hi.

Johan 6:36

Ahi zongin note tungah ka hong gennop thu in: Note in kei hong mukhin napi-in na hong um nuam kei uh hi.

Johan 8:55

Note in amah na thei ngei kei uh a, ahi zongin ke’n ka thei hi. Amah ka thei kei hi, a ci hi leng, note mah bangin kei zong a zuau ka hi ding hi. Ahi zongin ke’n amah thei ka hih manin ama thu ka mang hi.

Johan 8:23

Tua ciangin Jesuh in amaute kiangah, “Note pen nuailam mi na hi uh a, kei pen tunglam mi ka hi hi. Note pen hih leitung mi na hi uh a, kei pen hih leitung mi ka hi kei hi.

Mattiu 10:4

Simon (gam khual pa), le Jesuh a lehhek Iskariot’ tapa Judas ahi uh hi.

Johan 6:60

A nungzuite nangawn un hih thu a zak ciangun, “Hih thugen haksa lua hi. Kua in zuizo ding ahi hiam?” a ci uh hi.

Johan 18:4

Jesuh in zong ama tungah a piang ding thu khempeuh theikhin ahih manin hong paikhia-in amaute kiangah, “Kua zong na hi uh hiam?” ci-in a dong hi.