Johan 6:63 - Tedim Bible

⁶³ Nuntakna a piathei pen Pasian’ Kha hi a, mihingte’ hihtheih bangmah om lo hi. Keima hong gen thute pen nuntakna a hong piathei tua Kha thu ahi hi.

Tedim Bible Revision 2017

⁶³ Nuntakna a pia thei pen Pasianʼ Kha hi a, mihingteʼ hih theih bangmah om lo hi. Keima hong gen thute pen nuntakna a hong pia thei tua Kha thu ahi hi.

Johan 6:63 Referans Kwoze

Hebru 4:12

Pasian’ thu nungta-in a gamtang hi a, langnih a hiam namsau sangin hiamzaw lai hi. Kha le lungsim, guh le taang kituahna, guh le guhngek dongin khenkhia thei hi. Mihingte’ lungsim ngimna le a ngaihsutnate zong theithei hi.

Galati 5:25

Kha Siangtho in eite hong nungtasak khinta ahih manin ama hong sawlna bangin eite a nungta ding ihi hi.

Late 119:93

Nangma thuhilhte ka mangngilh ngei kei ding hi. Bang hang hiam cih leh tuate tawh nong nungtasak hi.

Johan 6:68

Simon Peter in, “Topa aw, ciah le ung kua kiang zuan mawk ding ka hi uh hiam? Nangmah in nuntak tawntung nading thu na nei hi.

Late 119:50

Hih pen ka thuakna-ah keima kihehnepna hi a, na thuciamna in kei tungah nuntakna hong pia hi.

1 PETER MASA 1:23

A sithei nu le pate sung pan hi loin a sithei lo nu le pate sung panin a nungta tawntung Pasian’ thu tawh naungek bangin a suakkik na hi uh hi.

Late 119:130

Na thute gentelna in khua vaksak a, thu thei lote tungah thu theihtelna a guan hi.

Thu-hilhkikna 32:47

Bang hang hiam cih leh hih pen note a dingin a thuneu hi loin note’ nuntakna hi a, a luah dingin Jordan galkhat na paina uh gam sungah hih thu tawh sauveipi na hing ding uh hi,” a ci hi.

1 KORIN MASA 15:45

Tua ahih manin Lai Siangtho in, “A masa Adam pen leitung nuntakna a nei mihing hong suak hi,” na ci hi. Ahi zongin a nunung Adam pen nuntakna a pia thei Kha ahi hi.

ROM (Romans) 10:17

Tua ahih ciangin zakna panin upna hong piangthei a, Khrih thu up nading pen hilhna panin hong piangthei pan hi.

1 PETER MASA 3:18

Khrih mahmah zong note a dingin si a, Pasian’ kiangah hong tunpih theih nadingin mihoih khat pen mihoih lote’ mawhna hangin khatvei a si hi. Mite in ama leitung pumpi that a, ahi zongin Pasian in kha nuntakna a pia hi.

1 THESALONIKA MASA 2:13

Note kiangah Pasian’ thu ka hong gen uh ciangin no thu um mite sungah ama thu tawh kisai-in Pasian in na hong sem ahih manin kote’ thugente pen Pasian’ thu taktak ahih mah bangin kote’ thugenna na zak uh ciangin mihing’ thu bangin ngaihsun loin Pasian’ thu taktak mahin hong sang na hih manun, hih thu hangin zong Pasian’ tungah ka lungdamna uh ka ko uh hi.

ROM (Romans) 8:2

Bang hang hiam cih leh Khrih Jesuh tawh a hong kipawlsak Kha Siangtho in mawhna le sihna a piangsak thukham panin kei hong suaktasak khinta hi.

Jeim 1:18

Ama piansakte khempeuh lakah eite a masa pen i suahtheih nadingin thuman thutak zangin ama utthu tawh eite a hong piangsak tawm ahi hi.

Piancilna 2:7

Topa Pasian in leilak pana leivui tawh mihing bawl a, a nak sungah nuntakna hu sang suk hi. Tua mi pen leitung nuntakna a nei mihing hong suak pah hi.

1 PETER MASA 3:21

Tui pen note a hong honkhia tuiphumna lim hi a, pumpi panin nin sawpkhiatna lim hi loin, Jesuh Khrih thawhkikna hangin lungsim siantho nadingin Pasian’ tungah kamciamna lim ahi hi. Tua Jesuh thawhkikna in note hong honkhia ahi hi.

1 TIMOTI MASA 4:8

Pumpi kisekin kisinna manpha hi. Ahi zongin kha thu-ah kisekin kisinna pen tuhun laitak le a hong tung ding hunah nuntakna hong piathei ahih manin manphazaw lai hi,

Hebru 13:9

Thuhilhna lamdang a tuamtuamte zui-in lam man panin pialkha kei un. A zui mite tungah bangmah phattuamna a piangsak thei lo annek tuidawn tawh kisai ngeina zuihna in thahatna hong pia thei lo a, Pasian’ hehpihna bek in i lungsim hong thahatsak thei hi.

Galati 6:15

Vun ki-atna le ki-at lohna a thupi om tuan lo a, mi thak nam pawl hih ding bek a thupi ahi hi.

ROM (Romans) 2:25

Thukham zui le-uhcin na vun atna uh man nei takpi mah hi. Ahi zongin thukham na zuih kei uhleh na vun atna uh a mawkna a suak ahi hi.

Galati 5:6

Bang hang hiam cih leh Jesuh Khrih tawh i kipawl ciangin vun-atna le vun-at lohna a thupi tuan om lo a, Khrih i upna hangin midangte i itna a thupi hi bek hi.

Paunak 4:13

Hong kihilhnate lencip inla, khahsuah kei in. Na nuntakna ding ahih manin limtakin zui in.

Johan 5:21

Pa in mi sisate nangawn thosakin a nuntaksak mah bangin Tapa in zong a ut peuhpeuh nungtasak thei hi.

Sawltak 5:20

“Biakinn-ah pai unla, hih nuntak thakna thu mite kiangah va gen un,” ci-in a vaikhak hi.