Johan 6:62 - Tedim Bible

⁶² Mihing Tapa ama omna ngei-ah a ciahto kik a mu hi le-uhcin bang na ci ding uh hiam?

Tedim Bible Revision 2017

⁶² Mihing Tapa ama omna ngei ah a ciah tokik a mu hi le-uhcin bang na ci ding uh hiam?

Johan 6:62 Referans Kwoze

Johan 3:13

Vantung panin a hong paisuk Mihing Tapa keimah simloh vantungah a paito ding kuamah om lo hi,” a ci hi.

Marka 16:19

(Tua bangin Topa Jesuh in amaute tungah thu a gen khit ciangin vantungah kilato-in Pasian’ taklamah a tu hi.

Luka 24:51

Amaute thupha a piak laitakin amaute kiang panin paikhia-in vantungah amah a kilato hi.

1 PETER MASA 3:22

Tu-in vantungah tua Khrih pai khin a, Pasian’ taklamah omin, vantung mite le ukna aana a neite khempeuh tungah a ukin a om hi.

Sawltak 1:9

Hih thu a genkhit ciangin amaute’ muhtangpi mahin vanah Jesuh kilato a, meiipi in liah ahih manin amah mu thei nawn lo uh hi.

Johan 16:28

Pa kiang panin hong pai-in leitung a hong tung ka hi a, tu-in leitung nusia leuleu-in Pa kiang a zuankik ding ka hi hi,” a ci hi.

Johan 17:11

Tu-in nangma kiangah kei a hong paita ding ka hih manin leitungah ka om nawn kei ding a, ahi zongin amaute a omlai ding uh ahi hi. Tua ahih manin a Siangtho ka Pa aw, nang le kei pumkhat ihih mah bangin amaute zong pumkhat ahih nadingun na vangliatna tawh hoihtakin na kem in.

Johan 6:27

A ningthei ante ngaihsutin nei masa kei unla, nuntak tawntungna an kan masa zaw un. Pa Pasian in tua an a pia dingin kei hong sehsa ahih manin keimah in note tungah nuntak tawntungna an ka hong pia ding hi,” ci-in a dawng hi.

Mattiu 8:20

Jesuh in, “Ngiate in lup nading kua nei uh a, vasate in zong giah nading bu nei uh hi. Ahi zongin Mihing Tapa in a luptheih nading mun koimahah nei lo hi,” ci-in a dawng hi.

Johan 6:42

“Hih Jesuh pen a nu le a pa i theih hi a, Josef’ tapa hi lel hi lo ahi hiam? Tua hinapi-in bang hangin, ‘Vantung panin ka hong pai,’ cithei peuhmah ahi hiam?” ci-in a kiphunsan uh hi.

Johan 6:53

Tua ahih manin Jesuh in amaute kiangah, “A mantakin kong genin-ah, Mihing Tapa’ sa na nek kei uh a, a sisan na dawn kei uhleh note sungah nuntakna om lo ding hi.