Johan 6:57 - Tedim Bible

⁵⁷ A nungta Pa Pasian in kei hong sawl ahih manin ama hangin ka nuntak mah bangin keima sa a ne mite zong keima hang mahin nungta ding hi.

Tedim Bible Revision 2017

⁵⁷ A nungta Pa Pasian in kei hong sawl ahih manin ama hangin ka nuntak mah bangin keima sa a ne mite zong keima hang mahin nungta ding hi.

Johan 6:57 Referans Kwoze

Galati 2:20

Tua ahih manin tuhuna ka nuntakna zia pen kei hang hi nawn loin ka sungah a hong om Khrih hang ahi hi. Tua hi a, keimah hong itin, keima a dingin a nuntakna a hong pia Pasian’ Tapa ka muanna tawh tu laitakin a nungta ka hi hi.

Johan 5:26

Pa in nuntakna a piaktheih mah bangin Tapa in zong a piaktheih nadingin Pa in a bawl hi.

Johan 17:21

Pa aw, amaute khempeuh pumkhat a suahtheih nadingun ka hong ngetsak hi. Nangmah in kei na hong sawlna thu leitung mite in a uptheih nadingun ei tegel pawlkhat ihih mah bangin amaute zong eite tawh pawlkhat hong hi tahen.

1 JOHAN MASA 4:9

Pasian in eite hong itna hong bangci lah hiam cih leh: Ama hangin eite in nuntakna i ngahtheih nadingin a Tapa neihsun Pasian in leitungah a hong paisak hi.

Johan 3:17

Pasian in leitungah a Tapa hong sawlna pen mawhsakna thukhen dingin a hong paisak hi loin, leitung mite a honkhia dingin a hong paisak hizaw hi.

1 THESALONIKA MASA 1:9

Note kiangah ka hong pai lai-un kote na hong limbawlna thu uh, le a nungta a man Pasian’ thu zui-in a bia ding le,

2 KORIN NIHNA 13:4

Bang hang hiam cih leh thaneemna hangin singlamteh tungah a kikhai ahi zongin a hinkikna pen Pasian’ vangliatna hang ahi hi. Amah tawh ka kipawl manun kote zong ka tha uh nem a, ahi zongin note tungah na ka hong sep uh ciangin Pasian’ vangliatna zangin ka hong semkhawm ding uh hi.

1 KORIN MASA 15:22

Bang hang hiam cih leh Adam tawh a kizop manin mi khempeuh si a, tua mah bangin Khrih tawh a kizom khempeuh zong kihingkiksak ding hi.

Johan 14:19

Tawlkhat khit ciangin leitung mite in kei hong mu nawn lo ding uh hi. Ahi zongin kei ka nuntak mah bangin note zong nungta ding na hih manun note in kei na hong mu ding uh hi.

Johan 14:6

Jesuh in ama kiangah, “Keimah in Lampi ka hi a, Thuman, le Nuntakna zong ka hi hi. Kei hong suang loin Pa kiangah kuamah tung thei lo ding hi.

Mattiu 16:16

Simon Peter in, “Nang pen a nungta Pasian’ Tapa, Khrih na hi hi,” ci-in a dawng hi.

Jeremiah 10:10

Ahih hangin Topa pen Pasian man hi a, amah pen a nungta Pasian le tawntung kumpipa ahi hi. A heh ciangin lei kiling a, gamte in a hehna nang zo lo hi.

Late 18:46

Topa hing hi. Keima suangpi in thupha ngah hen la, ka kihotkhiatna Pasian,

Hebru 9:14

tawntung Kha Siangtho hangin Pasian tungah a cingtaak biakpiak nadingin Khrih in a piak ama sisan in na tam semkhia zozaw ding a, a nungta Pasian’ na i septheih nadingin bangmahin a kimang lo nasepna panin ama sisan in i lungsim hong siangsak ding hi.

Johan 6:29

Jesuh in, “Pasian in a hong sawl pa um le-uhcin Pasian a lungkim nadingin a gamta na hi uh hi,” ci-in a dawng hi.

Johan 6:38

Bang hang hiam cih leh keima ut bangin a sem ding hi loin kei hong sawl pa’ deihna bangin a sem dingin vantung panin a hong pai ka hi hi.

1 KORIN MASA 15:45

Tua ahih manin Lai Siangtho in, “A masa Adam pen leitung nuntakna a nei mihing hong suak hi,” na ci hi. Ahi zongin a nunung Adam pen nuntakna a pia thei Kha ahi hi.