Johan 6:52 - Tedim Bible

⁵² Hih bangin a thugenna hangin mihonpite khatlekhat kitawng uh a, “Bangci-in hih mipa in nek dingin ama sa hong piathei ding ahi hiam?” a kici uh hi.

Tedim Bible Revision 2017

⁵² Hih bangin a thugenna hangin mihonpite khatlekhat kitawng uh a, “Bangci-in hih mipa in nek dingin ama sa hong pia thei ding ahi hiam?” a kici uh hi.

Johan 6:52 Referans Kwoze

Johan 10:19

Hih bangin thu a gen ciangin Jew mihonte a ngaihsutna uh kituak lo leuleu hi.

Johan 9:16

Farisi mi pawlkhat in, “Amah in Sabbath ni tang lo ahih manin Pasian kiang panin hong pai mi hi lo ding hi,” a ci uh hi. Ahi zongin pawlkhatte in, “A gamta khial mi in bang hangin hih bangin nalamdang bawlthei ding ahi hiam?” ci leuleu ahih manin mite’ ngaihsutna kituak lo hi.

Johan 6:41

Jesuh in, “Kei pen vantung panin a hong pai an ka hi hi,” a cihna hangin mihonte phun ngeingai uh a,

1 KORIN MASA 2:14

Ahi zongin Kha Siangtho a nei lo mite in Pasian’ Kha Siangtho in a hong piak nate sang thei lo uh hi. Kha Siangtho a nei mite bek in theithei uh ahih manin amaute in tel thei lo uh a, amau a dingin a haihuai thu khat ahi lel hi.

Sawltak 17:32

Sihna panin thawhkikna thu Paul in a gen a zak uh ciangin mi pawlkhat in zahpihbawl uh a, ahi zongin mi pawlkhat in, “Hih thu khatvei zakik nuam lai ung,” a ci uh hi.

Johan 4:11

Tua ciangin numei in, “Sia aw, tuikhuk thuk mahmah a, ahi zongin tui khai nading bangmah na nei kei hi. Koi panin tua nuntakna tui ngah thei ding na hi hiam?

Johan 3:9

Tua ciangin Nikodemas in, “Hih thu bangci piantheih mawk ding ahi hiam?” ci-in a dot ciangin

Johan 3:4

Tua ciangin Nikodemas in, “Mi khat a teek khit ciangin bangci suahkik thei ding ahi hiam? A nu’ sungah lutkikin suakkik thei ding ahi hiam?” ci-in a dot ciangin

Johan 1:19

Jerusalem khua-a Jew mi uliante in Johan kiangah siampite le Levi mite paisak uh a, “Nang kua na hi hiam?” ci-in a dongsak uh hi.

Johan 6:60

A nungzuite nangawn un hih thu a zak ciangun, “Hih thugen haksa lua hi. Kua in zuizo ding ahi hiam?” a ci uh hi.