Johan 6:45 - Tedim Bible

⁴⁵ Kamsangte in a lai gelhna uhah, ‘Pasian in mi khempeuh a hilh ding hi,’ na ci uh hi. Tua ahih manin Pa kiang panin thu za-in a thei mi khempeuh ka kiangah a hong pai ahi hi.

Tedim Bible Revision 2017

⁴⁵ Kamsangte in a lai gelhna uh ah, ‘Pasian in mi khempeuh a hilh ding hi,’ na ci uh hi. Tua ahih manin Pa kiang panin thu za-in a thei mi khempeuh ka kiangah a hong pai ahi hi.

Johan 6:45 Referans Kwoze

Isaiah 54:13

“Topa in na tapate khempeuh hoihtakin hilh ding a, na tapate daupai mahmah ding uh hi.

Hebru 10:16

“Topa in hih bangin ci hi: Mailam hunah amaute tawh thuciamna khat ka bawl ding a, amaute sungah ka thukhamte guanin, amaute lungtang tungah ka gelh ding hi,” a cih khit ciangin,

1 THESALONIKA MASA 4:9

Ahi zongin thu uppih mite it ding tawh kisai-in bangmah gelh ding na kisam nawn kei uh hi. Khatlekhat na ki-it nading uh Pasian in note tungah hong hilh khinzo hi.

Micah 4:2

Minam tampite hong pai-in, “Israel mite’ Pasian’ biakinn, Topa’ mualah va paito ni. Tua lai-ah ama deihna hong hilh ding a, ama deihna bangin i gamta ding hi,” ci ding uh hi. Bang hang hiam cih leh Zion panin thuhilhna hong gingkhia a, Jerusalem panin Topa’ thu hong paikhia hi.

Isaiah 2:3

mi tampite hong pai-in, “Hong pai un, amah in ama zialetongte hong hilh theih nading le ama lampite i zuih theih nadingin Jakob’ Pasian’ inn, Topa’ mualah paito ni,” a ci ding uh hi. Bang hang hiam cih leh Topa in Zion panin thu hong gen ding a, Jerusalem khua panin Topa’ thuhilhna hong paikhia ding hi.

Johan 6:65

Tua ciangin Jesuh in, “Ka Pa in ahi thei dingin bawl kei leh ka kiangah kuamah hong pai thei lo ding hi, ka cihna thu pen hih thu hang mah ahi hi,” ci-in a genthuah lai hi.

Johan 6:37

Ka Pa in kei tungah a hong piak mi peuhmah ka kiangah hong pai ding a, ka kiangah a hong pai mi peuhmah ka hawlkhia kei ding hi.

Mattiu 17:5

Tua bangin a pau laitakun meiingo hong kaai vatin amaute hong khuh a, tua meii lak panin aw khat hong ging vatin, “Hih pa pen ka it, ka lung a kim mahmahna ka Tapa ahi hi. Ama thu na ngai un,” a hong ci hi.

Efesa 1:17

i Topa Jesuh Khrih’ Pasian ahi, a minthang Pa Pasian in note tungah Kha Siangtho hong pia-in, tua Kha Siangtho in note tungah lungpilna hong pia-in, note in Pasian na theih nadingun note tungah Pasian hong kilatsak nadingin thu ka hong ngetsak niloh hi.

Johan 10:27

Keima tuute in ka aw za-in thei uh ahih manin kei hong zui uh hi.

Luka 18:31

Tua ciangin Jesuh in nungzui sawm le nihte a tuamin paikhiatpihin amaute kiangah, “Tu-in Jerusalem khua-ah a pai ding ihi a, kamsangte in Mihing Tapa’ thu a gelh khempeuh, tua lai munah a hong tung ding hi.

Luka 1:70

Amah in tanglai-in a kamsang mi siangthote tungtawnin thu hong gen a,

Marka 1:2

Kamsang Isaiah Lai Siangtho sungah, “Nangma mai-ah ka kamtai pa ka sawl a, amah in na pai nading lampi a bawlkhol ding hi.

Mattiu 11:27

“Ka Pa in kei tungah na khempeuh hong pia khin hi. Pa simloh Tapa a thei kuamah om lo a, Tapa le Tapa in a theihsaknop mite simloh, pa a thei kuamah om lo hi.

Sawltak 7:42

Tua ahih manin kamsangte laibu sungah, ‘Israel mite aw, gamlakah kum sawmli sung, gan go-in biakna na piakte uh kei tunga nong piak uh hi lo hi. Note in na puak uh puanbuk pen Molok pasian milim puanbuk le note’ aksi pasian Refan’ puanbuk ahi hi. Tuate pen na biak dingun note’ bawltawm milim ahih manin Babylon khuapi khen pekah salin ka hong paisak ding hi,’ ci-in a kigelh mah bangin Pasian in amaute nungngat a, vana om aksite a bia dingin amaute a sawlkhia hi.

Sawltak 13:40

Tua ahih manin kamsangte in, ‘Pasian a thusim lo mite aw, lamdangsa lua-in na si ding uh hi. Na nuntak sungun note lakah ka sepkhiat ding uh thu pen mi khatpeuh in hong gen hileh na up hetloh ding uh thu ahi hi,’ ci-in a gen uh thute, note tungah hong pian’ khak loh nadingin kidawm un,” a ci hi.

Filippi 3:15

Kha thu-ah a khangham eite in hih bang lungsim pua ciat ni. Hih bang lungsim a nei lo i omkhak leh zong, Pasian in a kitel takin hong kilangsak ding hi.

1 JOHAN MASA 2:27

Khrih in note tungah ama Kha Siangtho hong piakhin a, tua Kha Siangtho na neih laiteng uh kuamah in note hong hilh ding kisam nawn lo hi. Bang hang hiam cih leh Kha Siangtho in note tungah thu khempeuh hong hilh a, tua a hong hilh thute a man vive hi a, zuauthu khat zong om lo hi. Tua ahih manin Kha Siangtho’ hilhnate zui unla, Khrih sungah kiptakin om un.