Johan 6:31 - Tedim Bible

³¹ Lai Siangtho sungah, ‘Amaute’ nek dingin van panin an a pia hi,’ ci-in a kigelh mah bangin ka pu ka pate un gam sungah manna an ne uh hi,” a cih uh ciangin

Tedim Bible Revision 2017

³¹ Lai Siangtho sungah, ‘Amauteʼ nek dingin van panin an a pia hi,’ ci-in a kigelh mah bangin ka pu ka pate un gam sungah manna an ne uh hi,” a cih uh ciangin

Johan 6:31 Referans Kwoze

Nehemiah 9:15

A gilkialna uh a vahsak dingin vantung panin an na pia a, a dangtakna uh a phasak dingin suangpi panin tui na phulsak a, amaute tungah piak dingin na kiciamsa gamah lutin a luah nadingun amaute na sawl hi.

Late 105:40

Amaute in ngen a, vantung panin anlum tampi a pia hi.

Johan 6:49

Na pu na pate un gam sungah manna ne uh a, a vekpi-un si veve uh hi.

Paikhiatna 16:35

Amaute a ten theih nading uh leitang a tun mateng, kum sawmli sung Israel mite in manna ne uh a, Kanaan gamgi a tun matengun manna bek a ne uh ahi hi.

Mangmuhna 2:17

Tua ahih manin zak nading bil a neite in Kha Siangtho in pawlpite kiangah a gen thute na za un. A gualzo mi tungah a kiselcip manna an pawlkhat le min thak a kigelhna suangkang khat ka pia ding hi. Tua suangkang pen a ngahte simloh kuamah dang in thei lo ding hi.

Nehemiah 9:20

Amaute hoihtakin thu na hilh a, na manna an zong amaute kiang panin na lakik kei a, a dangtakna uh a phasak dingin tui na pia hi.

Thu-hilhkikna 8:3

Mite, an bek tawh nungta loin Topa’ kamsung panin a pusuak thu khempeuh tawh nungta hi, ci-in note hong theihsak nadingin, amah in note hong niamkhiatin hong gilkialsak a, note hitaleh na pu na pate uh hitaleh in a theih ngei loh manna tawh hong vak hi.

1 KORIN MASA 10:3

A vekpi-un kha tawh kisai an ne uh a,

Johan 6:58

Tua ahih manin kei pen vantung panin a hong pai an ka hi a, na pu na pate un ne-in a sih veve-na ante tawh kibang lo hi. Hih kei’ hong piak an a nete ahihleh nungta tawntung ding hi,” a ci hi.

Joshua 5:12

Tua gam a piang a nek ni uh a zing ciangin manna a bei ta hi. Israel mite in manna nei nawn lo uh a, ahih hangin tua kumin Kanaan leitang a piangte a ne uh hi.

Johan 6:32

Jesuh in, “A mantakin ci lehang: Moses in a piak an pen vantung an hi lo hi. Vantung an taktak pen ka Pa in hong pia hi.