Johan 6:20 - Tedim Bible

²⁰ Jesuh in amaute kiangah, “Keimah ka hi hi; lau kei un,” a ci hi.

Tedim Bible Revision 2017

²⁰ Jesu in amaute kiangah, “Keimah ka hi hi; lau kei un,” a ci hi.

Johan 6:20 Referans Kwoze

Isaiah 44:8

Lau kei unla, kihta kei un. Tanglai pek panin note kiangah hong genin hong pulak khin hi lo ka hi hiam? Note khempeuh keima teci na hi uh hi. Kei simloh pasian dang om ahi hiam? Suangpi dang om lo hi. Khat beek ka thei kei hi,” a ci hi.

Isaiah 41:10

nang hong ompih ka hih manin lau kei in. Na Pasian ka hih manin lungkia kei in. Nang hong thakhauhsakin ka hong huh ding a, nang hong huhin ka hong honkhia ding hi.

Isaiah 41:14

Lungno bang ahi lel Jakob, no Israel mite aw, lau kei un! Note kong huh ding hi, Topa in ci hi. Note hong honpa pen Israel-te’ Siangtho Pa ahi hi.

Marka 6:50

Bang hang hiam cih leh amah a muh uh ciangin lau mahmah uh hi. Ahih hangin Jesuh in thakhatin amaute hopihpah a, “Lungnuamin om un. Keimah ka hi hi; lau kei un,” a ci hi.

Marka 16:6

Tua tangvalpa in, “Lamdangsa kei un. Singlamteh tungah a kithat Nazareth khuami Jesuh na zong uh hi. Amah kithokiksak khin a, hih lai-ah om nawn lo hi. Amah a kisialna mun hong en un.

Late 35:3

Teipi le teitangzang dok inla, kei hong delhte’ lam ngat in! Keima tungah, “Nang a hong honpa ka hi,” hong ci in.

Johan 6:19

Tuigei panin tai thum tai li bang gunkuang a hawhkhit uh ciangin tuitungah Jesuh hong pai-in gunkuang lam a hong naih a mu uh hi. Amaute na lau mahmah uh ahih manin

Johan 6:21

Tua ciangin amaute nuam mahmah uh a, gunkuang tungah Jesuh kahto sakin, a sawt loin a pai nading mun uh a tungpah uh hi.