Johan 6:12 - Tedim Bible

¹² Mi khempeuh in a khamkhit uh ciangin a nungzuite kiangah, “A kikhamvalte kaikhawm kik un; bangmah mawk valsak kei ni,” a ci hi.

Tedim Bible Revision 2017

¹² Mi khempeuh in a kham khit uh ciangin a nungzuite kiangah, “A kikhamvalte kaikhawmkik un; bangmah mawk valsak kei ni,” a ci hi.

Johan 6:12 Referans Kwoze

Luka 1:53

Bangmah a nei lote tungah na manpha tampi pia a, mihaute, khuthawm guakin a paikhiasak hi.

Luka 9:17

Mi khempeuh in ne-in a khamkhit uh ciangin, a nungzuite in a kikhamval teng khawm uh a, paipel sawm le nih a dim hi.

Nehemiah 9:25

Tua hi a, amaute in kulhnei khuapite le gam hoihte la uh a, na hoih tampi tawh a kidim innte, suang kikhuak tuibemte, leenggui lote, oliv lote, le nek theih singgah kung tampi a luah uh hi. Amaute in tuate ne-in gilvahin thau uh a, nangma hoihna hangin nuamsa mahmah uh hi.

Nehemiah 8:10

Tua ciangin amah in amaute kiangah, “Tu-in ciah un. Anlim tuilim ne-in thadim unla, a nei zo lote zong va kholh un; bang hang hiam cih leh i Topa a dingin tuni pen biakna ni siangtho ni ahi hi; dah kei un, bang hang hiam cih leh Topa’ hong piak lungdamna in note hong thahatsak ding hi,” a ci hi.

Paunak 18:9

Na a susia mite a hoih loh zah mahin a thadahte zong mihoih lo ahi hi.

Luka 15:13

Ni tawmkhat khit ciangin a nauzawpa in ama neihsateng zuakin a sum tawh inn panin a gamlapi-ah paikhia a, a sumte a phengzat gawp hi.

Luka 16:1

Tua ciangin Jesuh in a nungzuite kiangah, “Sum hau pa khat om a, a neihsateng a uk dingin ama khutnuai-ah mi khat a koih hi. Tua a neihsateng a uk dingin a koih mipa in a topa’ sumteng phengzat gawp hi, ci-in kikhia hi.

Johan 2:2

Jesuh le a nungzuite zong tua pawi-ah a kisam hi.