Johan 5:9 - Tedim Bible

⁹ tua cina pa thakhatin dampah a, a lupna pheek la-in a paipah hi. Tua ni pen Sabbath ni hi citciat ahih manin,

Tedim Bible Revision 2017

⁹ tua cina pa thakhatin dam pah a, a lupna pheek la-in a pai pah hi. Tua ni pen Sabbath ni hi citciat ahih manin,

Johan 5:9 Referans Kwoze

Johan 9:14

Jesuh in buan bawlin a mit a vaksak ni pen Sabbath ni ahi hi.

Marka 10:52

Tua ciangin Jesuh in, “Na ciah thei ta ding hi; na upna in nang hong damsakzo hi,” a cihkhit phetin amah in khua mukik theipah a, tua a paina lampi-ah Jesuh’ nung a zui hi.

Marka 5:29

A va lawnkhit phetin a siluang khawlpah a, ama sunga a natna a damlam a kiphawk hi.

Marka 1:42

Thakhat thu-in a phaknatna bei-in a damsiang hi.

Marka 1:31

Amah zong tua nu kiangah pai a, a khutin lenin a phongto hi. A natna dam a, a zinte zong a dozo pah hi.

Johan 7:23

Moses thupiakna a kipelh loh nadingin Sabbath ni-in vun at na hih uhleh Sabbath ni-in mi khat ka damsak manin bang hangin kei tungah heh na hi uh hiam?

Johan 5:14

Tua khit ciangin Jesuh in biakinn sungah tua cina dam pa mukik a, ama kiangah, “Tu-in na dam khinta hi. Mawhna bawl nawn kei in. Tua hikeileh a siazaw khat na thuak ding hi,” a ci hi.

Isaiah 35:6

Tua ciangin khebai mipa diangin lam ding a, a pau thei lo mipa in lungdamin la sa ding hi. Bang hang hiam cih leh gamlakah tui hong phulkhia ding a, sehnel gam sungah luitui hong luang ding hi.

Jeremiah 17:21

Topa in hih bangin ci hi: Na nuntak nop lai uhleh kidawm unla, Sabbath ni-in van pua kei un. Jerusalem khua kongpite-ah bangmah hong lutpih kei un.