Johan 5:44 - Tedim Bible

⁴⁴ Pasian’ pahtak theih nading hanciam nuam loin, note khatlekhat na kiphat theih nading uh a hanciam mite’ thugen, a bang hangin um zawsop na hi uh hiam?

Tedim Bible Revision 2017

⁴⁴ Pasianʼ pahtak theih nading hanciam nuam loin, note khatlekhat na kiphat theih nading uh a hanciam miteʼ thugen, a bang hangin um zawsop na hi uh hiam?

Johan 5:44 Referans Kwoze

Johan 12:43

Pasian’ pahtak ding sangin mite’ pahtak ding utzaw uh ahih manin a tuaci om ahi uh hi.

ROM (Romans) 2:29

Jew mi taktak i cihte pen, a sunglamah Jew mi ahite ahi hi. A vun ki-atna uh lungsim vun atna hi a, kha thu tawh a kisai ahi hi. Thukham zui-in pumpi tung vun atna pawl hi lo hi. Hih bang mite pen mihingte in phat loin Pasian in phatin a pakta hi.

Filippi 2:3

Huaihamna lungsim le kisialh nopna lungsim tawh bangmah gamta kei un. Kiniamkhiat ciat unla, midangte thupi ngaihsutzaw un.

Mattiu 23:5

Amaute in a sepna khempeuh uh mite’ muhtheih dingin a hih se uh hi. Amaute in a talsuan le a banbulhte uh a gol pipi-in bawlin, a puanmongteep uh a sau theithei-in a bawl uh hi.

1 PETER MASA 1:7

Hih bang thuaknate in a um takpi mah na hihna uh hong kilangsak hi. A siathei khamte nangawn, a hoih taktak mah ahi hiam, ci-in mite in mei tawh sin uh ahih manin, kham sangin a manphazaw note’ upna zong a kiptak mah ahi hiam, ci-in Pasian in hong sin ding mah ahi hi. Tua bangin na thuakzawh uhleh Khrih hong kilat Ni ciangin phatna, minthanna, le pahtawina na ngah ding uh hi.

1 SAMUEL MASA 2:30

Tua ahih ciangin Israel-te’ Pasian, Topa in thu hong genin: ‘Nangma innkuan le na behte keima mai-ah sungtumin pusuak tawntung ding hi, ci-in thu ka ciamsa hi,’ ci hi. Ahih hangin tu-in Topa in thu genin: ‘Tua bang hi nawn lo ding hi. Bang hang hiam cih leh kei hong pahtawite ka pahtawi ding a, kei hong simmawhte ka simmawh ding hi.

1 KORIN MASA 4:5

Tua ahih manin a hun a tunma-in kuamah mawhsakin thu khen kei un. Topa hong pai ciangin a tawpna thukhenna hong om ding a, amah in thusimte hong pholakin, mihingte in a lungsim sung uhah a ipcip uh thute hong telkheh ding hi. Tua ciangin mi khempeuh in amau’ ngah dingin a kilawm phatna, Pasian’ kiang panin a ngah ciat ding uh hi.

ROM (Romans) 2:10

Tua mah bangin Jew mi a kipanin Gentail mi dongin a gamtat hoih mi khempeuh in minthanna, pahtawina, le nopsakna ngah ding uh hi.

ROM (Romans) 2:7

Pahtakna, minthanna, le hin tawntungna deihin a gamtat hoih tawntung mite tungah Pasian in nuntak tawntungna pia ding a,

Luka 19:17

Amah in, ‘Hoih mahmah hi; nang pen nasem gina na hi hi. Thuneu-ah citak na hih manin khuapi sawm na uk ding hi,’ a ci hi.

2 KHANG TANGTHU NIHNATE 6:8

Ahih hangin Topa in ka pa David tungah, ‘Na lungsimah keima min dingin biakinn khat lam ding na ngaihsun a, tua na ngaihsutna hoih mahmah hi.

Jeim 2:1

Sanggamte aw, minthanna vang tawh a kidim i Topa Jesuh Khrih umin na om laitakun a pualama kilang pianziate siksanin mi na deidan kei un.

Hebru 3:12

Sanggamte aw, a nungta Pasian kiang panin a paikhia zah dingin thu um lo, a gilo na omkhak loh nadingun na kingaihsun un.

2 KORIN NIHNA 10:18

Bang hang hiam cih leh mi khat peuhpeuh amah a kiphattawm ciangin a kipakta hi lo a, Topa in a phat ciangin a kipakta hi pan hi.

Johan 17:3

Nang bek a man Pasian na hihna thu le nangmah in na hong sawl Jesuh Khrih hong theihna pen amaute a dingin nuntak tawntung ngah nading lampi ahi hi.

Johan 8:43

Bang hangin ka thugente theithei lo na hi uh hiam? Ka thugente na ngaih nop loh man uh ahi hi.

Johan 3:20

A gamtat hoih lo mite in a siatna uh a kilatkhak ding ut lo uh ahih manin khuavak deih lo uh a, khuavakah pai nuam lo uh hi.

Jeremiah 13:23

Ethiopia mivomte in a vun uh khek thei a, kamkei in a gial khek thei ahi hiam? A khek theih uhleh siatna bawl ding a zongsang khin note in zong a hoih na bawl thei ding uh hi.

1 SAMUEL MASA 15:30

Tua ciangin amah in, “Ka khial khin hi; ahi zongin tu-in keima mi upate mai le Israel-te’ mai-ah kei hong pahtawi inla, Topa na Pasian ka biaktheih nadingin kei hong zuikik in,” a ci hi.

Johan 5:41

“Hih bangin kong gen ciangin mihingte in hong pahtak ding ka deihna hi lo a,

1 THESALONIKA MASA 2:6

Khrih sawltakte ka hihna uh hangin phatna ka ngah ding uh a kilawm hinapi-in note le midangte, a kuamah peuh’ hong phat ding a zong ka hi kei uh hi.

1 TIMOTI MASA 1:17

Amah bek Pasian ahi, a kimu thei lo, a si ngei lo, tawntung Kumpipa in minthanna le pahtawina ngah tawntung tahen. Amen.

Juda 1:25

khat bek ahi eite a hong Hon Pasian in, tuma, tu laitak, le a tawntungin, minthanna, vangliatna, uk zawhna, le aana nei tawntung tahen. Amen.