Johan 5:43 - Tedim Bible

⁴³ Ka Pa’ thu tawh kei hong pai napi-in na hong sangnuam kei uh hi. Tua hinapi-in midang khatpeuh ama thu tawh hong paitawm leh na sang ding uh hi.

Tedim Bible Revision 2017

⁴³ Ka Paʼ thu tawh kei hong pai napi-in na hong sang nuam kei uh hi. Tua hi napi-in midang khatpeuh ama thu tawh hong pai tawm leh na sang ding uh hi.

Johan 5:43 Referans Kwoze

Johan 10:25

Jesuh in, “Hong genkhin napi ing-in Topa ka hihna thu na hong um kei uh hi. Ka Pa’ thu tawh na ka septe in hong kilangsak khinzo hi.

Mattiu 24:5

Bang hang hiam cih leh keimah a kineih mi tampi hong pai ding a, ‘Kei, Khrih ka hi hi,’ ci-in mi tampi tak umkhialsak ding uh hi.

Johan 6:38

Bang hang hiam cih leh keima ut bangin a sem ding hi loin kei hong sawl pa’ deihna bangin a sem dingin vantung panin a hong pai ka hi hi.

Johan 12:28

Pa aw, nangma min thangsak ta in,” a ci hi. Tua ciangin vantung panin aw khat hong ging a, “Ka thangsakzo a, khatvei ka thangsakkik ding hi,” a ci hi.

Mattiu 24:24

Bang hang hiam cih leh Khrih a kineihkhemte le kamsang a kineihkhemte hong piang ding a, ahih zawh leh a teelsa mite nangawn a khem nadingun lim le nalamdang lianpipi hong bawl ding uh hi.

Johan 3:16

Pasian in leitung mite hong it mahmah ahih manin ama Tapa a um mi khempeuh si nawn loin a hin tawntung theih nadingun a Tapa neihsun a hong piak dongin a hong itna a hong lak hi.

Sawltak 21:38

Tua ahih manin tuma lamin kumpi lehdo dingin mihing tulli tawh gam sungah a pai Egypt mipa hi buang kei ni teh maw?” a ci hi.

Ezekiel 23:21

Tua hi a, Oholibah aw, Egypt gamah nungakin na omlai-in na nawi hong kinuaigawp sakin, na nungakna na beisak huna na gamtat hoih lote mah a gamtakik nuam na hi hi.

Johan 5:42

note’ lungsim sungah Pasian itna na neih hetlohna uh ka theihna hang hizaw hi.