Johan 5:22 - Tedim Bible

^22-23 Pa in kuama tungah thukhen nasep sem lo hi. Mi khempeuh in Pa a zahtak mah bangin Tapa a zahtak theih nadingun Pa in thukhen nasep khempeuh a Tapa tungah a pia hi. Tua ahih manin Tapa a zahtak lo mi khempeuh pen Tapa a sawl Pa Pasian zong a zahtak lo ahi uh hi.

Tedim Bible Revision 2017

^22-23 Pa in kuama tungah thukhen nasep sem lo hi. Mi khempeuh in Pa a zahtak mah bangin Tapa a zahtak theih nadingun Pa in thukhen nasep khempeuh a Tapa tungah a pia hi. Tua ahih manin Tapa a zahtak lo mi khempeuh pen Tapa a sawl Pa Pasian zong a zahtak lo ahi uh hi.

Johan 5:22 Referans Kwoze

Johan 5:27

Amah pen Mihing Tapa ahih manin thu khentheih nading aana ama tungah a pia hi.

Sawltak 17:31

Amah in leitung mi khempeuh thu a mantakin ama teel mipa a hong khensak nading ni a sehkhol khinzo hi. Tua a ngaihsutna a man taktak hi, ci-in mi khempeuh tungah a hong lah nadingin a teel mipa, sihna panin a hingkiksak zo hi,” ci-in thu a hilh hi.

2 KORIN NIHNA 5:10

Bang hang hiam cih leh Khrih mai-ah thusitna a thuak dingin eite khempeuh a kilak ding ihi a, leitung i pumpi-in i omlai-in i gamtatna tawh kizui-in eite tawh a kituak ciatin a sia ahi a, a pha ahi zongin a ngah ciat ding ihi hi.

Mattiu 28:18

Tua ciangin amaute mai-ah Jesuh hong pai a, “Leitungah ahi a, vantungah ahi zongin vangliatna khempeuh kei tungah hong kipia khinta hi.

Sawltak 10:42

Kote in mite kiangah thu ka hilh nading uh le mihing le misite tungah thu a khen dingin Pasian in amah a sehna thu teci a pang dingin a hong sawl hi.

Johan 9:39

Tua ciangin Jesuh in, “Mittawte in khua a muhtheih nading le khua mu thei a kineite mittaw a battheih nadingin leitungah thukhen dingin a hong pai ka hi hi,” a ci hi.

2 TIMOTI NIHNA 4:1

Pasian’ mai, le a hingte hitaleh a site hitaleh mi khempeuh’ thu a khen ding Khrih Jesuh’ mai-ah nakpitakin ka hong hanthawn hi. Amah Kumpi-in hong paikikin ukna hong kipan ding ahih manin,

ROM (Romans) 2:16

Tua ahih ciangin Pasian in mihingte lungsim sunga a ngaihsutnate uh, Jesuh Khrih thu a khensak Ni ciangin, tu-a ka hong gen bang teekteekin a hong piang ding ahi hi.

Johan 17:2

Bang hang hiam cih leh Tapa tungah na piak mi khempeuh tungah Tapa in nuntak tawntungna a piaktheih nadingin mi khempeuh tungah ukna aana a neih nadingin Tapa tungah na hong piaksa ahi hi.

1 PETER MASA 4:5

Ahi zongin amaute in a site le a hingte’ thu a khen dingin a om Pasian’ mai-ah thudotna thuak ding uh hi.

Mattiu 16:27

A Pa’ minthanna vang le a vantung mite tawh Mihing Tapa hong paikik ding a, mi khempeuh amau’ gamtatna ciat tawh a kizui-in a thuk ding hi.

Johan 3:35

Pa in Tapa it ahih manin ama khut sungah na khempeuh a pia hi.

Mattiu 11:27

“Ka Pa in kei tungah na khempeuh hong pia khin hi. Pa simloh Tapa a thei kuamah om lo a, Tapa le Tapa in a theihsaknop mite simloh, pa a thei kuamah om lo hi.

Thuhilh-sia 11:9

Khangnote aw, na khangnona uh nuamsa unla, na khangno lai-un lungdam un. Na hihnop peuhpeuh uh hih unla, na ut bangbangun gamta un. Ahi zongin na gamtatna uh tawh kizui-in Pasian in thu hong khen ding phawk gige un.

Thuhilh-sia 12:14

A pha hitaleh a sia hitaleh a simthamin i hih simte nangawn i hihna khempeuhah Pasian in thu hong khen ding hi.