Johan 4:6 - Tedim Bible

⁶ Tua lo sungah tuikhuk khat om a, a khualzinna-in Jesuh gim ahih manin a tuikhuk gei-ah a tu hi. Tua hun pen sunkim laitak ahi hi.

Tedim Bible Revision 2017

⁶ Tua lo sungah tuikhuk khat om a, a khualzinna-in Jesu gim ahih manin a tuikhuk gei ah a tu hi. Tua hun pen sunkim laitak ahi hi.

Johan 4:6 Referans Kwoze

Hebru 4:15

Eite’ neih Siampi Lianpen pa in i ginat lohna-ah eite a hong hehpih thei lo ding hi lo hi; eite mah bangin ze-etna khempeuh a thuak hi a, ahi zongin mawhna a bawl lo ahi hi.

Hebru 2:17

Tua ahih manin mihingte’ mawhna a kimaisak theih nadingin Pasian’ na a sepna-ah mite a dingin hehpihna le cihtakna tawh Siampi Lianpen a suahtheih nadingin a sanggamte tawh a kibangin mihing lim a hong puak ding a kisam ahi hi.

Mattiu 8:24

Thakhat thu-in huihpi hong nung ahih manin tuihualte in gunkuang tum dekdek a, ahi zongin Jesuh a ihmu hi.

Mattiu 27:45

Sun nai sawm le nih hun a kipanin nitak nai thum dong, nai thum sung, tua gam sung khempeuhah khim a zing hi.

Mattiu 4:2

Jesuh in sun sawmli le zan sawmli sung an ne loin omkhin ahih manin a gil a kial hi.

2 KORIN NIHNA 8:9

Bang hang hiam cih leh i Topa Jesuh zong hau mahmah napi-in ama zawnna tawh note mihau na suahtheih nadingun note’ hangin mizawngin hong kibawl ahih manin i Topa Jesuh Khrih hong itna bangzah takin lian hiam, cih thu na thei uh hi.

Johan 11:9

Jesuh in, “Sun khuavak hun nai sawm le nih sung hi lo ahi hiam? Mi khatpeuh tua khuavak sungah lampai leh pukkha cih om lo hi.

Luka 9:58

Jesuh in, “Ngiate in lup nading kua nei uh a, vasate in zong giah nading bu nei uh hi. Ahi zongin Mihing Tapa in a luptheih nading mun koimahah nei lo hi,” a ci hi.

Luka 2:7

Zintun nading mun dang khempeuh mi dim khinta ahih manin ganbukah tung uh a, a tacil ahi ta pasal khat nei-in, puan tawh tunin gan annekna kuang sungah a sial hi.

Johan 4:5

Tua bangin a nawk ciangin Samaria gam sungah Saikhar a kici khua khat a tung hi. Tua khua gei-ah Jakob in a tapa Josef a piak lo khat om hi.

Johan 4:7

Tua laitakin Samaria numei khat tuitawi dingin tuikhukah a hong pai hi. Jesuh in tua numei kiangah, “Na tui hong dawnsak in,” a ci hi.

Johan 4:12

Tua tham loin, i pupi Jakob sangin lianzaw ding na hi hiam? Amah a kipan a tate le a ganhingte in a nek hih tui sangin a limcizaw koi-ah ngah ding na hi hiam?” a cih ciangin