Johan 4:46 - Tedim Bible

⁴⁶ Tui, leenggahzu a suahsakna Galilee gam Kana khua-ah Jesuh paikik hi. Tua laitakin Kapernaum khua-ah kumpi nasem ulian khat om a, a tapa a ci a na hi.

Tedim Bible Revision 2017

⁴⁶ Tui, leenggahzu a suahsakna Galilee gam Kana khua ah Jesu paikik hi. Tua laitakin Kapernaum khua ah kumpi nasem ulian khat om a, a tapa a ci a na hi.

Johan 4:46 Referans Kwoze

Luka 8:42

Bang hang hiam cih leh kum sawm le nih a pha tanu khat a neihsun pen a ci na-in a si dektak hi. Jesuh zong tua inn zuan dingin a pai laitakin mihonpite in zui-in a nehcip uh hi.

Luka 7:2

Tua khua sungah Rom mi galkapbu khat om a, tua bupa in a it mahmah nasem khat a nei hi. Tua a nasempa a ci na-in a si dektak hi.

Mattiu 15:22

Tua gamah a teng Kanaan nupi khat hong pai-in hong kiko a, “David’ suan, Topa aw, kei hong hehpih in. Ka tanu in dawi vei a, nasia mahmah hi,” ci-in a hong thum hi.

Mattiu 9:18

Tua bangin Jesuh in thu genin a om laitakin Jesuh kiangah Jew mi ulian khat hong pai-in ama mai-ah hong khukdin a, “Tu mahmahin ka tanu a si hi. Ahi zongin nang hong pai-in ama tungah na khut hong nga lecin amah hingkik ding hi,” ci-in a thum hi.

Hosea 5:15

Ka mite in a mawhna hangun gimna thuakin kei hong zonkik mateng ka tuaci nusiat phot ding hi. A lungkham uh ciangin kei hong zong ding uh hi.

Late 50:15

Haksat hun ciangin keima tungah hong ko un. Note kong honkhia ding a, note in keima min nong thangsak ding uh hi,” a ci hi.

Johan 21:2

Simon Peter, Unau Peeng minno a nei Thomas, Galilee gam Kana khuami Nethanel, Zebedi’ tapate, le nungzui dang nihte mun khatah a omkhawm uh hi.

Late 78:34

Amaute pawlkhat a thah khit ciangin a omlai mite in amah zong pan uh hi. Amaute kisikin, lungsim taktak tawh Pasian a zong uh hi.

Joshua 19:28

Ebron, Rehob, Hammon, Kanah, le a Lian Sidon ciang dong paito lai hi.

Mattiu 4:13

Galilee gam Nazareth khua-ah omsuak loin paikhia leuleu a, Zebulun le Naftali gam sung Galilee Tuili gei-a om Kapernaum khua-ah a va teng hi.

Luka 4:23

Tua ciangin Jesuh in amaute kiangah, “Paunak khatah, ‘Zato pa aw, nangmah kidamsak tawm in,’ a cihna thu kei tungah nong cihnop ding uh ka thei hi. ‘Kapernaum khua-ah na bawl thu ka zakte uh zong hih lai na khua-ah hong bawl in,’ zong nong cinuam ding uh hi,” a ci hi.

Johan 2:12

Tua khit ciangin Jesuh le a nu, a sanggamte le a nungzuite, Kapernaum khua-ah pai-in tua lai-ah ni tawmkhat a taam uh hi.