Johan 4:34 - Tedim Bible

³⁴ Tua ciangin Jesuh in, “Keimah hong sawl pa’ deihna bangin na semin, sep dingin hong piak nasep zawhna pen ka nuntakna an ahi hi.

Tedim Bible Revision 2017

³⁴ Tua ciangin Jesu in, “Keimah hong sawl paʼ deihna bangin na semin, sep dingin hong piak nasep zawhna pen ka nuntakna an ahi hi.

Johan 4:34 Referans Kwoze

Johan 6:38

Bang hang hiam cih leh keima ut bangin a sem ding hi loin kei hong sawl pa’ deihna bangin a sem dingin vantung panin a hong pai ka hi hi.

Johan 5:30

“Keima thu guak tawh ka hihtheih bangmah om lo hi. Pasian’ hong genna bang bekin thu ka khen hi. Keima ut bangin sem loin kei hong sawl pa’ deih bangin sem ka hih manin ka thukhenna thuman hi.

JOB (Job) 23:12

Pasian’ thupiakna bangin ka gamta ngitnget a, keima utna zui loin ama deihna ka zui hi.

Johan 17:4

Nangmah in sep dingin na hong piak nasep khempeuh sem khinta ka hih manin leitungah na min a thangsak ka hi hi.

Johan 19:30

Jesuh in tua leenggahzu-hau ciamin, “Man khinta hi,” a cih khit ciangin a lu puksukin a si ta hi.

Mattiu 26:39

tawmkhat pai lai-in leilakah bokin thu ngen a, “Pa aw, ahi thei ding ahihleh hih thuak nading tawh hong kipelhsak in. Ahi zongin kei’ deihna bang hi loin nangma deihna bang hizaw ta hen,” a ci hi.

Johan 5:36

Ahi zongin Johan’ teci panna sangin a lianzaw teci khat ka nei a, tua in: Ka Pa in sep dingin a hong piak tu-a ka sep thute in kei a dingin teci a pang hi a, Pa in kei a hong sawl taktak ahihna hong kilangsak hi.

Johan 4:32

Ahi zongin Jesuh in, “Note in na theih loh uh nek ding an ka nei hi,” a na ci hi.

Luka 19:10

Bang hang hiam cih leh a mangthangte a zong ding le a honkhia dingin Mihing Tapa a hong pai ahi hi,” a ci hi.

Late 40:8

Nangma deih bang hihna-ah nuam ka sa hi, ka Pasian aw. Nangma thukham ka lung sungah om hi,” ka ci hi.

Hebru 12:2

Eite hong makai-in i upna a hong cingtaaksak Jesuh mitsuanin nei ni. Mailamah a ngah ding lungdamna hangin maizumna kihta loin singlamteh tungah sihna hong thuak a, tu-in Pasian tokhom taklamah a tu hi.

Luka 15:10

Tua mah bangin mawhnei mi khat a kisikkikna hangin Pasian’ vantung mite lungdam mahmah uh hi,” a ci hi.

Sawltak 20:35

Topa Jesuh mahmah in, ‘Ngahna sangin piak khiatna-ah lungdamna lianzaw hi,’ a cihna phawkkawmin nakpitakin nasepna tawh na khempeuhah a zawngkhalte huh ding hi hang, ci-in note kiangah kong lak khinzo hi,” ci-in a vaikhak hi.

Johan 6:33

Pasian in a hong piak an pen vantung panin hong pai-in leitung mite a nungtasak pa ahi hi,” a ci hi.

Mattiu 3:15

Ahi zongin Jesuh in, “Pasian in hih dingin kisam a sak khempeuh i hih ding a kilawm thu ahih manin tu-in hong phum hoh in,” a cih ciangin Johan in zong a mang hi.

Luka 2:49

Jesuh in a nu le a pa kiangah, “Bang hangin kei hong zong na hi uh hiam? Ka Pa’ inn sungah ka om ding lamtak thei lo na hi uh hiam?” ci-in a dawng hi.

Johan 8:29

Kei a hong sawl pa’ lungkimna bang bekin gamta tawntung ka hih manin amah in kei guak hong nusia loin, hong ompih tawntung hi,” a ci hi.

Johan 19:28

Tua hun ciangin Jesuh in na khempeuh kicingta hi, ci-in thei ahih manin Lai Siangtho sungah a kigelh thu a tuntheih nadingin, “Ka dangtak hi,” a ci hi.

Mattiu 9:19

Jesuh zong dingpah a, a nungzuite tawh tua mipa a zui uh hi.