Johan 4:32 - Tedim Bible

³² Ahi zongin Jesuh in, “Note in na theih loh uh nek ding an ka nei hi,” a na ci hi.

Tedim Bible Revision 2017

³² Ahi zongin Jesu in, “Note in na theih loh uh nek ding an ka nei hi,” a na ci hi.

Johan 4:32 Referans Kwoze

JOB (Job) 23:12

Pasian’ thupiakna bangin ka gamta ngitnget a, keima utna zui loin ama deihna ka zui hi.

Johan 4:34

Tua ciangin Jesuh in, “Keimah hong sawl pa’ deihna bangin na semin, sep dingin hong piak nasep zawhna pen ka nuntakna an ahi hi.

Late 119:103

Nangma thute khum mahmah a, khuaizu sangin khumzaw hi.

Jeremiah 15:16

Na thute in kei hong kem a, an bangin ka ne hi. Na thute kei a dingin kipahna le lungdamna ahi hi. Bang hang hiam cih leh nangma minin kei hong kilo hi, aw, Topa, Vanglian Pasian aw.

Paunak 18:20

Mi khat in a kampauna hangin gilvahna ngah ding a, a thugenna hangin nuntakna ngah ding hi.

Paunak 14:10

Lungdamna le lungkhamna eimah bek in i theih hi a, midang kuamah in hong phawkpih kha lo hi.

Late 63:5

Ka lupna tungah nangmah hong ngaihsunsunin, zanthapai-in kong lungngaihngaih ciangin guhngek le sathau ne bangin ka lung tai mahmah a, lungdam mahmahna tawh nangmah phatna la ka sa ding hi.

Late 25:14

Topa tawh kilawmtatna pen amah a zahtakte a’ ding hi a, a thuciamna amau tungah kitheithangsak hi.

Mangmuhna 2:17

Tua ahih manin zak nading bil a neite in Kha Siangtho in pawlpite kiangah a gen thute na za un. A gualzo mi tungah a kiselcip manna an pawlkhat le min thak a kigelhna suangkang khat ka pia ding hi. Tua suangkang pen a ngahte simloh kuamah dang in thei lo ding hi.

Sawltak 20:35

Topa Jesuh mahmah in, ‘Ngahna sangin piak khiatna-ah lungdamna lianzaw hi,’ a cihna phawkkawmin nakpitakin nasepna tawh na khempeuhah a zawngkhalte huh ding hi hang, ci-in note kiangah kong lak khinzo hi,” ci-in a vaikhak hi.

Isaiah 53:11

Amah in a gimna thaman mu-in a lungdam ding hi. A mawk thuak ahihlohna thei-in a thuman ka nasempa in mi tampi tak a dik suaksak ding a, amah in amaute’ mawhnate pua ding hi.

Johan 4:31

Mite a hong tunma hunsung tengin a nungzuite in, “Sia aw, an ne in,” ci-in a kun uh hi.

Johan 4:33

Tua ahih manin a nungzuite khatlekhat kiho-in, “Mi khatpeuh in an na puak khin hi ding ahi hiam?” a kici uh hi.