Johan 4:22 - Tedim Bible

²² No Samaria mite in na theih taktak lohpi uh na bia uh a, ahi zongin ko Jew mite tungtawnin hotkhiatna thu hong pai ahih manin kote in ka theih uh a bia ka hi uh hi.

Tedim Bible Revision 2017

²² No Samaria mite in na theih taktak lohpi uh na bia uh a, ahi zongin ko Jew mite tungtawnin hotkhiatna thu hong pai ahih manin kote in ka theih uh a bia ka hi uh hi.

Johan 4:22 Referans Kwoze

Sawltak 17:23

Na khuasung uhah ka pai kawmin na biakna munte uh ka et ciangin, ‘A Kithei lo Pasian a’ ding,’ ci-in biakna tau tungah lai a kigelh nangawn ka mu hi. Tu laitakin kei’ hong pulak Pasian pen, thei lo napi-in na biakbiak uh Pasian ahi hi.

Isaiah 2:3

mi tampite hong pai-in, “Hong pai un, amah in ama zialetongte hong hilh theih nading le ama lampite i zuih theih nadingin Jakob’ Pasian’ inn, Topa’ mualah paito ni,” a ci ding uh hi. Bang hang hiam cih leh Topa in Zion panin thu hong gen ding a, Jerusalem khua panin Topa’ thuhilhna hong paikhia ding hi.

Luka 24:47

Jerusalem khua a kipan minam khempeuh tungah a mawhna uh kisikin a kimaisak nading thu, ama min tawh kihilh ding hi, ci-in kigelh hi.

Sawltak 17:30

Pasian in mihingte’ theih loh hun lai-a a gamtatnate uh phamawh a sak loh hangin, tu-in mun khempeuha om mi khempeuhte a gamtat siatna panun a kihei nadingun thu a hong pia khinzo hi.

Late 147:19

Amah in Jakob tungah ama thu gen a, Israel tungah ama ngeina kipte le ama biakna ngeina kipte a gen hi.

Hebru 7:14

I Topa pen Judah suan sung panin a piang ahih manin Moses in siampi thu a na gen ciangin hih Judah minam genin na nei lo hi.

Zekhariah 9:9

Zion mite aw, nakpitakin lungdam un. Jerusalem mite aw, lungdamin awng un. En un, na kumpipa uh hong pai hi. Amah, gualzawhna tawh hong pai hi. Ahi zongin kiniamkhiatna tawh hong pai a, sin nai loh lano tungah hong tuang hi.

Late 68:20

Eite’ Pasian pen hong honkhia Pasian hi a, sihna pan a hong suaktasak Topa Pasian ahi hi.

Isaiah 46:13

Suahtakna ding hun ka hong tungsak ta a, gamla nawn lo hi. Ka hong hotkhiat ding hun zekai nawn lo ding hi. Keima minthanna ahi Israel a dingin Jerusalem ka honkhia ding hi,” a ci hi.

Isaiah 12:2

En in, Pasian pen kei a hong honkhia pa ahi hi. Amah ka muang ding a, ka lau kei ding hi. Bang hang hiam cih leh Topa Pasian in thahatna le vangliatna hong pia a, amah pen kei a hong honkhia pa ahi hi,” a cih hun uh hong tung ding hi.

Piancilna 49:10

Judah in kumpi ciangkhut len tawntung ding a, a suan a khakte in zong ukna aana nei tawntung ding hi. Minam dangte in ama tungah siah puak ding a, zahtakna tawh ama mai-ah kun ding uh hi.

Ezra 4:2

Zerubbabel, Jeshua, le innkuan lutangte kiangah va pai-in amaute kiangah, “Biakinn lamna-ah ko zong hong kihelsak un; bang hang hiam cih leh note mah bangin ko zong na Pasian uh ka bia uh a, hih lai-ah kote hong koih Assiria kumpipa Esarhaddon’ hun lai a kipanin note’ Pasian’ tungah biakna ka pia uh hi,” a ci uh hi.

Isaiah 12:6

Zion-a teng mite aw, nomau’ lakah Israel-te’ Siangtho Pa lianin om ahih manin lungdamin awng unla, lungdamin la sa un,” a cih hun uh hong tung ding hi.

Sawltak 3:26

Eite khempeuh i gitlohna panin kikheelin thupha a hong piaktheih nadingin Pasian in a Nasem dingin Jesuh teelin, eite kiangah a hong sawl masa ahi hi,” ci-in thu a gen hi.

ROM (Romans) 11:18

Tua ahih manin oliv hiang a kisatkhia tawh a kibang Jew mite simmawhbawl kha kei un. Note na kiphatsak theih nading uh a thu om lo hi. Note pen a hiang tawh a kibang lel na hi uh a, note in a zungpi a hingsak hi loin, a zungpi in note a hong hingsak ahi zaw hi.