Johan 4:21 - Tedim Bible

²¹ Jesuh in, “Lawm aw, hih ka thugen ding hong um in: Mite in hih mualtung hitaleh Jerusalem hitaleh ah Pa Pasian a biak nawn loh hun hong tung ding hi.

Tedim Bible Revision 2017

²¹ Jesu in, “Lawm aw, hih ka thugen ding hong um in: Mite in hih mual tung hitaleh Jerusalem hitaleh ah Pa Pasian a biak nawn loh hun hong tung ding hi.

Johan 4:21 Referans Kwoze

1 TIMOTI MASA 2:8

Mun khempeuhah a om pasal khempeuh in kuamah tawh kitotna le lungsim kinopmawhna nei hetloin, lungsim siangtho tawh a khut uh lamin thu a nget ding uh ka deih hi.

Malakhi 1:11

Leitung khempeuhah a om minam khempeuh in kei hong zahtak uh a, kei a dingin mun khempeuhah paknamtui halin, a kisangthei ding biakpiakna hong pia uh hi. Mi khempeuh in kei hong zahtak uh hi.

Efesa 2:18

Khrih hangin Jew mi le Gentail mi ahi eite khempeuh, Kha Siangtho huhna tawh Pa Pasian kiangah i paithei hi.

Johan 4:23

Ahi zongin Pasian a bia taktakte in Pasian’ Kha’ lamlahna le thuman tak tawh a biak hun hong tung ding a, tu-in zong a hong tung khinta ahi hi. Pa Pasian in tu-a bangin amah i biak ding a hong deih ahi hi.

Mattiu 18:20

Bang hang hiam cih leh keima minin mi nih le thum bek nangawn a kikhopna peuhpeuhah kei ka om hi,” a ci hi.

Efesa 3:14

Hih ama geelna teng ka ngaihsut ciangin, vantung a tung khinsa mite le leitungah a omlai mite khempeuh’ pianna i Pa Pasian’ mai-ah ka khukdin a,

Johan 16:32

Note khempeuh kithehthangin na inn ciat uh zuanin kei bek na hong nusiat ding uh hun a hong tung ding hi bek loin tu-in a hong tung hita hi. Ahi zongin kei guak a hong kinusia hi lo a, Pa in kei hong ompih hi.

Johan 16:2

Amaute in a kikhopna uh innte panin note hong hawlkhia ding uh hi. Note hong that mite pen Pasian’ nasemin a kingaihsut ding uh hun hong tung ding hi.

Johan 5:28

Hih thu ka hong gen ciangin lamdangsa kei un. Han sungah a om misi khempeuh in ama aw za-in,

Ezekiel 14:3

“Mihing ahi Ezekiel aw, hih mite in milim bia uh a, milim in mawhna sungah amaute tunpih hi. Amaute’ thu theihnopte a gen dingin hong um uh ahi uh hiam?

1 PETER MASA 1:17

Mi khempeuh amau gamtatna tawh kizui-in a kibang kimin thu a khen Pasian kiangah thu na nget uh ciangin, “Pa aw,” ci na hih manun hih leitungah na om laiteng uh amah zahtakin om un.

Sawltak 6:14

Hih Nazareth khuami Jesuh in biakinnpi phelgawpin, Moses tung pek panin a hong kipan ngeina khempeuh khelmang ding hi, ci-in a thuhilhna ka za uh hi,” a cisak uh hi.

Johan 14:6

Jesuh in ama kiangah, “Keimah in Lampi ka hi a, Thuman, le Nuntakna zong ka hi hi. Kei hong suang loin Pa kiangah kuamah tung thei lo ding hi.

Johan 5:25

A taktakin ci lehang: A si mite in Pasian’ Tapa’ aw a zak hun uh hong tung ding hi bek loin tu-in a hun hong tungkhin hita a, ama aw a za mi khempeuh nungta ding uh hi.

Luka 21:24

Mi pawlkhat, namsau tawh kithat ding a, pawlkhat, galmatin gam dangah kiciahpih ding hi. Tua ciangin Gentail mite’ uk hun a bei matengin Jerusalem khuapi a siacipin om ding hi.

Mattiu 28:19

Tua ahih ciangin note pai unla, midang khempeuh, keima nungzui mi suaksakin, Pa min, Tapa min, le Kha Siangtho min tawh tui sungah na phum un.

Ezekiel 20:3

“Mihing ahi Ezekiel aw, Topa Pasian ahi keimah in amaute tungah ka gen, ‘Kei tungah thu a dong dingin hong pai na hi uh hiam? Kei pen a nungta Topa Pasian ka hih mah bangin note’ thudotin ka om het kei ding hi, ci-in gen in,’ hong ci hi.

Isaiah 66:1

Topa in hih bangin ci hi: Vantung pen keima tokhom hi a, leitung pen keima khengakna ahi hi. Kei a dingin koi lai-ah inn lam ding a, keima tawlngakna ding mun koi lai ahi hiam?

Mangmuhna 21:22

A Vanglian Topa Pasian le Tuuno pen khuapi biakinn hita ahih manin tua khua sungah biakinn dang ka mu kei hi.