Johan 4:10 - Tedim Bible

¹⁰ Jesuh in, “Pasian’ hong piaktheih dingte le tuidawn ding hong ngen pa theitel hi lecin, ama kiang pan tui a ngen ding na hizaw a, amah in nuntakna tui nang hong pia ding hi,” a ci hi.

Tedim Bible Revision 2017

¹⁰ Jesu in, “Pasianʼ hong piak theih dingte le tui dawn ding hong ngen pa thei tel hi lecin, ama kiang pan tui a ngen ding na hizaw a, amah in nuntakna tui nang hong pia ding hi,” a ci hi.

Johan 4:10 Referans Kwoze

Johan 4:14

ahi zongin keima piak ding tui a dawn khempeuh dangtak kik nawn lo ding uh hi. Tua ka piak tui a dawnte sungah nuntakna tuinak piang ding a, a nungtasak paisuak ding hi,” a ci hi.

Mangmuhna 7:17

Bang hang hiam cih leh Tokhom laizangah a om Tuuno, amaute a kem pa hi ding a, nuntakna tui omna-ah amaute paipih ding a, Pasian in a khitui khempeuh uh nulsak ding hi,” hong ci hi.

Isaiah 44:3

“Bang hang hiam cih leh a dangtak leitang tungah tui ka sung ding a, lei keu tungah luitui ka luangsak ding hi. Na suanlekhakte tungah ka kha ka sung ding a, na tu na tate tungah ka thupha ka pia ding hi.

Mangmuhna 21:6

Tua ciangin amah in, “Tu-in man khinta! Kei pen a kipatna le a tawpna a cihna Alfa le Omega ka hi hi. A dangtak mi khempeuh tungah nuntakna tuinak panin a khongin tui ka pia ding hi.

Johan 3:16

Pasian in leitung mite hong it mahmah ahih manin ama Tapa a um mi khempeuh si nawn loin a hin tawntung theih nadingun a Tapa neihsun a hong piak dongin a hong itna a hong lak hi.

Jeremiah 2:13

Bang hang hiam cih leh ka mite in mawhna nam nih a bawlzo uh hi. Nuntakna ciktui ahi keimah a hong taisanzo uh hi. Tuikhuk totawm uh a, a tuikhuk tawh uh keu-in, tui a vung thei kei hi.

Mangmuhna 22:17

Kha Siangtho le Mothak in Jesuh kiangah, “Hong pai in,” a ci uh hi. Hih thu a za mi khempeuh in zong Jesuh aw, “Hong pai in,” ci ta uh hen. A dangtak mi khempeuh hong pai uh hen la, a deih khempeuh in nuntakna tui a khongin hong la ta uh hen.

Zekhariah 14:8

Tua ni hong tun ciangin Jerusalem khua panin tuicim hong luangkhia ding a, kimkhat, nisuahna lamah a om Si Tuipi-ah luang ding a, kimkhat, nitumna lamah a om Mediterranean Tuipi-ah luang ding hi. Tua tui in kan’ hun cih nei loin luang tawntung ding hi.

ROM (Romans) 8:32

Ama Tapa nangawn siit loin eite khempeuh a dingin hong piakhia ahih manin, na dang khempeuh zong hong piazaw kan ding hi lo ahi hiam?

1 KORIN MASA 10:4

a vekpi mahun kha tawh kisai tui na dawn uh hi. Bang hang hiam cih leh amaute a tonpih, kha tawh kisai suangpi panin tui na dawn uh a, tua suangpi pen Khrih ahi hi.

Isaiah 12:3

Tui siangtho in a dangtakte a lungdamsak mah bangin, Pasian’ hotkhiatna in a mite lungdamsak ding hi.

Johan 6:35

Tua ciangin Jesuh in, “Kei pen nuntakna an ka hi hi. Ka kiangah hong paite gilkial ngei nawn lo ding a, kei hong umte dangtak ngei nawn lo ding hi.

Isaiah 49:10

Amaute gilkial loin, dangtak lo ding uh a, huihsa le nisa in amaute sukha lo ding hi. Bang hang hiam cih leh amaute a hehpih pa in amaute lamkaih ding a, ciktui kiangah amaute paipih ding hi.

Zekhariah 13:1

“Tua ni hong tun ciangin David’ suanlekhakte le Jerusalem khuamite’ mawhna le nitnateng khempeuh a silsiang dingin tuinak khat hong phul ding hi.

Johan 17:3

Nang bek a man Pasian na hihna thu le nangmah in na hong sawl Jesuh Khrih hong theihna pen amaute a dingin nuntak tawntung ngah nading lampi ahi hi.

Johan 6:51

Kei pen vantung panin a hong paisuk nuntakna an ka hi hi. Tua an a ne mi peuhmah nungta tawntung ding hi. Leitung mite a nuntak nadingin ka piak ding an pen keima sa ahi hi,” a ci hi.

Isaiah 43:20

Gamsate, ngiate, le vasa-kalaohte in kei hong pahtawi ding uh hi. Bang hang hiam cih leh keima a dingin ka piansak mite in keimah hong phatna a genkhiat theih nadingun, keima teel mite’ dawn dingin gamlakah tui pia-in, sehnel gam sungah gun ka luangsak hi.

Isaiah 35:6

Tua ciangin khebai mipa diangin lam ding a, a pau thei lo mipa in lungdamin la sa ding hi. Bang hang hiam cih leh gamlakah tui hong phulkhia ding a, sehnel gam sungah luitui hong luang ding hi.

Late 46:4

Sangpenpa’ tenna khua siangtho, Pasian’ khuapi, a lungdamsak gun khat a om hi.

Paikhiatna 17:6

En in, Horeb-a suangpi-ah nangma mai-ah ka ding ding hi. Nang in suangpi na sat ding a, mite in tui a dawn theih nadingin tua suang sung panin tui hong phulkhia ding hi,” a ci hi. Israel upate’ muhna-ah tua bangmahin Moses gamta hi.

2 KORIN NIHNA 9:15

A manphatna a kigen zo lo Pasian’ hong piak hih thupha hangin Pasian tungah i lungdamna ko ciat ni.

Luka 11:13

Note mihoih lo hinapi-in na tate uh tungah a hoih piak ding theithei na hih uhleh, vantung a om na Pa un a ngente tungah Kha Siangtho piazaw kan ding hi lo ahi hiam?” a ci hi.

Isaiah 42:6

“Kei pen Topa ka hi a, thumanna tawh nangmah hong samin, ka khut tawh hong lenin nang ka hong kem hi. Mittawte a vaksak ding, leinuai thong sung panin thongkiate a lakhia ding, thong sung a mialna munah a tu mite a lakhia ding, mite tungah thuciamna ahi ding, minam dangte tungah khuavak ahi dingin nang ka hong koih khin hi.

Efesa 2:8

Note’ upna hangin Pasian’ hong hehpihna tawh hotkhiatna a ngah na hi uh hi. Note’ thalawhna hangin a ngah hi loin Pasian’ hong piakkhong ahi hi.

1 KORIN MASA 1:30

Ahi zongin Pasian in Jesuh Khrih hangin note tungah nuntakna hong pia a, tua Jesuh Khrih pen eite’ pilna, Pasian tawh i kipawl theihna, Pasian’ mi siangtho suakin, hotkhiatna i ngah theihna ahi hi.

Isaiah 9:6

Bang hang hiam cih leh eite a dingin naungek khat hong suak a, eite’ tungah tapa khat hong kipia hi. Amah pen eite hong ukpa hi ding a, ama min pen “Lamdang Thulak pa, Vanglian Pasian, Tawntung Pa, Nopsakna Kumpi,” kici ding hi.

1 JOHAN MASA 5:20

Pasian’ Tapa hong pai-in eite thu hong theisak ahih manin Pasian taktak a thei ihihna thu i thei hi. A Tapa Jesuh Khrih tawh i kipawlna hangin Pasian taktak mah tawh a kipawlthei ihi hi. Tua Jesuh pen Pasian taktak mah hi a, nuntak tawntungna a piathei ahi hi.

Johan 16:3

Amaute in ka Pa ahi a, kei ahi zongin hong thei lo uh ahih manin tu-a bangin note a hong bawl ding uh ahi hi.

Sawltak 9:11

Tua ciangin Topa in Ananias kiangah, “Kithawi-in Kongzing Tang gei-a Judas inn-ah va pai inla, Tarsas khuami Saul min nei mi khat va kan in. Tua Saul in thu ngen a,

Late 10:17

Topa aw, lungnemte’ deihna na ngai ding hi. A lungsim uh na hatsak ding a, na bil na ngat ding hi.

Solomon la 4:15

Lebanon Mual tung panin tui hong luangsuk a, ciktui luangte, luitui luangte, tua huan sungah a tungsuk hi.

Hebru 6:4

A tawpkik khinsate a kisik kik nadingin kibawl zo lo hi. Pasian’ khuavak sungah amaute om khinin, vantung nopna ciam khinin, Kha Siangtho ngah khinin,

Ezekiel 16:35

“Tua ahih ciangin a paktat Jerusalem aw, Topa’ thu ngai in.