Johan 3:31 - Tedim Bible

³¹ “Vantung pan hong pai pa pen adang khempeuh sangin lianzaw hi. Leitung panin a piang mi pen leitung mi hi a, leitung thute bek mah a gen hi. Tua ahih manin vantung panin a hong pai pa ahihleh adang khempeuh sangin a lianzaw ahi hi.

Tedim Bible Revision 2017

³¹ “Vantung pan hong pai pa pen a dang khempeuh sangin lian zaw hi. Leitung panin a piang mi pen leitung mi hi a, leitung thute bek mah a gen hi. Tua ahih manin vantung panin a hong pai pa ahihleh a dang khempeuh sangin a lian zaw ahi hi.

Johan 3:31 Referans Kwoze

Johan 8:23

Tua ciangin Jesuh in amaute kiangah, “Note pen nuailam mi na hi uh a, kei pen tunglam mi ka hi hi. Note pen hih leitung mi na hi uh a, kei pen hih leitung mi ka hi kei hi.

Mattiu 28:18

Tua ciangin amaute mai-ah Jesuh hong pai a, “Leitungah ahi a, vantungah ahi zongin vangliatna khempeuh kei tungah hong kipia khinta hi.

ROM (Romans) 9:5

le a thupi pupite’ suanlekhakte hi uh a, leitung silesa tawh kisai-in Khrih zong amau minam sung panin a piang ahi hi. Hih thute hangin mi khempeuh in na khempeuh a uk Pasian phat tawntung ta uh hen! Amen.

Johan 6:33

Pasian in a hong piak an pen vantung panin hong pai-in leitung mite a nungtasak pa ahi hi,” a ci hi.

1 JOHAN MASA 4:5

Kamsang a kineihkhemte in leitung thu gen uh a, amaute pen Pasian a thei lo hih leitung mite tawh kipawl uh ahih manin leitung mite in amau’ thugen a ngai uh hi.

Johan 6:51

Kei pen vantung panin a hong paisuk nuntakna an ka hi hi. Tua an a ne mi peuhmah nungta tawntung ding hi. Leitung mite a nuntak nadingin ka piak ding an pen keima sa ahi hi,” a ci hi.

Mangmuhna 19:16

A puan tung le a phei tungah, “Kumpite’ Kumpi, topate’ Topa,” ci-in a min kigelh hi.

1 PETER MASA 3:22

Tu-in vantungah tua Khrih pai khin a, Pasian’ taklamah omin, vantung mite le ukna aana a neite khempeuh tungah a ukin a om hi.

Johan 1:27

Keima khit ciangin note lakah amah in nasep hong kipan ahih hangin, kei pen ama khedap khau a sutsak ding nangawnin ka kilawmzo nai kei hi,” ci-in a dawng hi.

Sawltak 10:36

Mi khempeuh’ Topa ahi Jesuh Khrih hangin a kingah Lungdamna Thu, Israel mite tungah Pasian in a puakna thu na thei uh hi.

Hebru 9:1

A masa thuciamna nangawn in biakna zia ding le biak nading mun tawh kisai ngeina na nei tei sam hi.

Johan 1:30

Keima nungah mi khat hong pai ding a, keima suah ma-in amah omkhin ahih manin kei sangin amah lianzaw hi, ci-in ka gen pa ahi hi.

Johan 1:15

Johan in ama thu gen a, “Keima nungah hong pai hinapi-in keima suah ma-in amah omkhin ahih manin kei sangin amah lianzaw hi,” ci-in ka gen pa pen hih pa ahi hi, ci-in a kiko hi.

Johan 3:30

Amah lian semsem ding a, kei ka hih leh ka neu semsem ding hi.