Johan 3:29 - Tedim Bible

²⁹ Mo pen zinei ding tangvalpa a’ ding bek ahi hi. Zineipa kiangah a ding a lawmpa in ama kampau ding bek ngai a, ama awging a zak ciangin nuam mahmah hi. Tua mah bangin tu-in ama hangin ka nuam a, keima lungdamna kicingta hi.

Tedim Bible Revision 2017

²⁹ Mo pen zi nei ding tangvalpa ading bek ahi hi. Zineipa kiangah a ding a lawmpa in ama kampau ding bek ngai a, ama awging a zak ciangin nuam mahmah hi. Tua mah bangin tu-in ama hangin ka nuam a, keima lungdamna kicing ta hi.

Johan 3:29 Referans Kwoze

Hosea 2:19

Israel aw, nang, zi-in kong neikik ding a, nang tungah thuman thutangin kong gamta kik ding hi. Nang hong itin kong hehpih tawntung ding a, keima-a’ na hi tawntung ding hi.

Mattiu 9:15

Jesuh in amaute kiangah, “Mopina pawi khatah, a zineipa a om sungin a mopawi simte dah dingin um na hi uh hiam? Dah het lo ding uh hi. Ahi zongin amaute kiang panin zineipa a kilakkhiat ding hun hong tung ding a, tua hun ciangin amaute in an a tang ding uh hi.

Ezekiel 16:8

“Nang kong muhkhak kik ciangin pasal nei thei ding hun na hita hi. Na pum guakin a om kimlai, ka puan tawh kong khuh a, na zumhuaina-teng hong seelsakin, tenpih dingin kam kong ciam hi. Kong kamciamna tangtung sakin nang pen keima-a’ nong suak hi, Topa Pasian in ci hi.

Isaiah 54:5

Bang hang hiam cih leh nangmah hong Bawlpa pen nang a dingin na pasal bang hi ding a, ama min pen Vanglian Topa ahi hi. Israel-te’ Siangtho Pa pen nang hong honkhia pa hi a, amah pen leitung buppi’ Pasian a kici hi.

Mangmuhna 21:9

Tua ciangin gimna nunung sagihte a dimin a om hai sagih a tawi vantungmi sagihte sung panin khat kei kiangah hong pai-in thu hong gen a, “Hong pai in; Tuuno zi, a Mothak ka hong lak ding hi,” hong ci hi.

Filippi 2:2

Tua ahih manin kei tawh ngaihsutna kibangin note khatlekhat ki-itin, khatlekhat lungsim kituakin na omna uh tawh keima lungdamna na hong cingtaaksak nadingun ka hong kun hi.

Johan 16:24

Tuni ciang dong keima min suangin bangmah na ngen nai kei uh hi. Tua ahih manin ngen le-uhcin hong kipia ding ahih manin na lungdamna uh hong cingtaak ding hi.

1 JOHAN MASA 1:4

Kote’ lungdamna a cingtaak theih nadingin hih lai a hong gelh ka hi uh hi.

2 KORIN NIHNA 11:2

Pasian in hong aam mahmah bangin note ka hong aam mahmah hi. Nungak le tangval nupa dingin a kigawm mah bangin khat bek ahi Khrih tawh a kigawm dingin nungak siangtho bang na hi uh hi.

Luka 15:6

Inn a tun ciangin a lawmte le a vengte samin, ‘A mangsa ka tuu mukik ka hih manin ka nuam mahmah hi. Lungdamna pawi bawl ni,’ a ci ding hi.

Solomon la 5:1

Itluat ka lawmnu aw, ka huansung hong tungzo ing. Ka paknamtuite ka kaikhawm hi. Ka khuaizu le ka khuailuzu ka ne a, ka leenggahzu le ka bawngnawite ka dawn hi. Nungak le tangval aw, na lungkim piikpeek dongun ne-in dawnin nuamsa un.

Mattiu 25:1

“Tua hun ciangin vantung ki-ukna zia pen zinei thak pa a uap dingin a meivak uh tawh a pai nungak sawmte tawh kibang ding hi.

Jeremiah 2:2

“Pai inla, Jerusalem khuamite’ zak dingin va taangko in. Topa in kong cihin-ah: Na khangno lai-a nong kipiakna, na mothak lai-a nong itna, a kikho nai lo gamlakah kei’ nung nong zuih lai hun ka phawk hi.

Solomon la 3:11

Jerusalem nungakte aw, hong pai unla, Kumpi Solomon en dih ve un. A zi neih ni, a lungdam ni-a, a nu in amah a khuksak Kumpi lukhu hong khu hi.

2 JOHAN NIHNA 1:12

Gen ding tampi ka neihlai hangin lai-in hong gelh lo zaw-in, eite’ lungdamna a kicinzawk theih nadingin kei hong pai-in khatlekhat maitang kimu-in thu genkhawm dingin ka kingaihsun hi.

Johan 17:13

Tu-in nangma kiangah a hong paita ding ka hih manin keimah bangin amaute in lungdamna cingtaak a neihtheih nadingun leitungah ka om lai-in hih thute a gen ka hi hi.

Mattiu 22:2

“Vantung ki-ukna zia pen a tapa a dingin mo pawi a bawl kumpipa’ gamtatzia tawh kibang hi.

Johan 3:30

Amah lian semsem ding a, kei ka hih leh ka neu semsem ding hi.

Johan 15:11

Note hangin kei ka lungdam theih nading le note’ lungdamna a cingtaak a suahtheih nadingin hih thute a hong gen ka hi hi.