Johan 3:13 - Tedim Bible

¹³ Vantung panin a hong paisuk Mihing Tapa keimah simloh vantungah a paito ding kuamah om lo hi,” a ci hi.

Tedim Bible Revision 2017

¹³ Vantung panin a hong pai suk Mihing Tapa keimah sim loh vantungah a pai to ding kuamah om lo hi,” a ci hi.

Johan 3:13 Referans Kwoze

Paunak 30:4

Vantungah kua kahto a, leitungah kua hong kumsuk kik ahi hiam? Kua in a khut sungah huihte lomcip a, puan tawh tuite tuncip ahi hiam? Kua in leitung bulpite phut kip ahi hiam? Tua bang mi na theih ngei leh a tapa’ min bang ahi hiam?

Johan 6:38

Bang hang hiam cih leh keima ut bangin a sem ding hi loin kei hong sawl pa’ deihna bangin a sem dingin vantung panin a hong pai ka hi hi.

Sawltak 2:34

David pen vantungah a kahtoh loh hangin amah in, ‘Topa in keima Topa kiangah: Na khe nuai-ah na galte kong koihsak matengin ka taklamah na tu in, ci-in gen hi,’ ci hi.

Johan 1:18

Kuamah in Pasian mu ngei lo hi. Pasian tawh a kinai pen, Pasian mah ahi Tapa khat bek in Pasian hong kilangsak hi.

1 KORIN MASA 15:47

A masa Adam pen leitung leivui tawh a kibawl hi a, a nunung Adam pen vantung panin a hong pai ahi hi.

Johan 13:3

A Pa in ama khut sungah vangliatna khempeuh a piakna le Pasian in amah a sawl mah bangin tu-in Pasian kiangah a paikik ding ahihna thu zong a thei hi.

ROM (Romans) 10:6

Ahi zongin upna hangin Pasian tawh kipawl theihna thu a kigenna-ah, “Vantungah kua va paito ding a,” ci kei unla, “Leinuai-ah kua va paisuk ding ahi hiam?” zong ci kei un, ci hi. Tua a cihna pen vantung panin Khrih a lasuk ding le sihna panin a thosak ding cihna ahi hi.

Johan 6:62

Mihing Tapa ama omna ngei-ah a ciahto kik a mu hi le-uhcin bang na ci ding uh hiam?

Johan 3:31

“Vantung pan hong pai pa pen adang khempeuh sangin lianzaw hi. Leitung panin a piang mi pen leitung mi hi a, leitung thute bek mah a gen hi. Tua ahih manin vantung panin a hong pai pa ahihleh adang khempeuh sangin a lianzaw ahi hi.

Johan 6:46

Hih bang ka cih ciangin Pa tawh a kimu khin ngei om hi, ka cihna hi lo hi. Pasian kiang panin hong pai pa bek in Pa a mu ngei ahi hi.

Johan 6:42

“Hih Jesuh pen a nu le a pa i theih hi a, Josef’ tapa hi lel hi lo ahi hiam? Tua hinapi-in bang hangin, ‘Vantung panin ka hong pai,’ cithei peuhmah ahi hiam?” ci-in a kiphunsan uh hi.

Thu-hilhkikna 30:12

Note in, ‘Eite in a thu za-in i sep theih nadingin kua in vantungah eite a dingin hong paisakin hong laksak ding ahi hiam?’ na cih theih nadingun vantung a om hi lo hi.

Johan 17:5

Pa aw, leitung a kipiansak ma-in nang tawh i neihkhawm na pianzia mah tu-in nangma omna munah hong pia ta in.

Johan 8:42

Jesuh in, “Kei pen Pasian kiang panin hong pai-in hih lai-ah hong om ka hih manin, Pasian pen na pa taktak uh hileh kei na hong it ding uh hi. Keima thu-in a hong paitawm ka hi kei a, ama hong sawl ka hi hi.

Johan 6:51

Kei pen vantung panin a hong paisuk nuntakna an ka hi hi. Tua an a ne mi peuhmah nungta tawntung ding hi. Leitung mite a nuntak nadingin ka piak ding an pen keima sa ahi hi,” a ci hi.

Johan 6:33

Pasian in a hong piak an pen vantung panin hong pai-in leitung mite a nungtasak pa ahi hi,” a ci hi.

Sawltak 20:28

Kha Siangtho in note’ khut sungah a hong koih pawlpi mite le nomau pumpi mahmah limtakin na kem un. Pasian in a Tapa a sihna tawh a ngah a pawlpi hoihtakin a kemte na hi ta un.

Mattiu 28:20

Tua ciangin note tungah ka hong gen thute khempeuh a zuih nadingun na hilh un. Hun bei dongin note a hong ompih tawntung ding ka hihna thu phawk ta un,” a ci hi.

Efesa 1:23

Tua pawlpi pen Khrih’ pumpi hi a, tua pawlpi a dingin amahmah kipia-in, mun khempeuha om pawlpite, thu khempeuhah a cingtaaksak hi.

Mattiu 8:20

Jesuh in, “Ngiate in lup nading kua nei uh a, vasate in zong giah nading bu nei uh hi. Ahi zongin Mihing Tapa in a luptheih nading mun koimahah nei lo hi,” ci-in a dawng hi.

Johan 3:12

Hih leitung thute tawh a kisai thu kong gen ciangin um lo na hih uhleh vantung thute ka hong gen ciangin bangci up mah ding na hi uh hiam?