Johan 21:18 - Tedim Bible

¹⁸ A mantakin ci lehang, na khangno lai-in na kawnggak gakin na utna peuhah na pai zialzial thei hi. Ahi zongin na khangham ciangin na khutte na zan ding a, midangte in na khutte hong henin na ut loh napi ah hong paipih ding uh hi,” a ci hi.

Tedim Bible Revision 2017

¹⁸ A mantakin ci lehang, na khangno lai-in na kawnggak gakin na utna peuh ah na pai zialzial thei hi. Ahi zongin na khangham ciangin na khutte na zan dinga, midangte in na khutte hong henin na ut lohna pi ah hong paipih ding uh hi,” a ci hi.

Johan 21:18 Referans Kwoze

Johan 13:36

Tua ciangin Simon Peter in, “Topa aw, koi-ah pai ding na hi hiam?” ci-in a dot ciangin Jesuh in, “Ka paina dingah tu-in na hong zui thei nai kei ding hi; ahi zongin nidang ciangin na hong zui ding hi,” ci-in a dawng hi.

Sawltak 21:11

Kote’ kiangah amah hong pai-in Paul’ kawnggak hong laksak a, tua kawnggak tawh ama khut le a khete a gakcip khit ciangin, “Kha Siangtho in, ‘Jerusalem khua sungah hih bangin Jew mite in hih kawnggak nei pa hencip ding a, Gentail mite’ khut sungah pia ding hi,’ ci hi,” a hong ci hi.

2 KORIN NIHNA 5:4

Hih leitung pumpi tawh ka om uh laitakin lungkhamin ka khuisasa uh hi. Hih ka leitung pumpi uh ka nusiat nopna hang uh hi loin a sithei pumpi pen a sithei nawn lo pumpi tawh a kilaih theih nadingin ka vantung pumpi uh ka deihna hang uh ahi hi.

Luka 12:37

A topa hong ciah ciangin a kigingsa-in amah ngakin a om uh a muh nasemte pen mi hampha mahmah ahi uh hi. Note kiangah kong genin-ah, a topa zong hong kithawi-in a nasemte an vak dingin tusak ding a, amahmah in a nasemte an thukin na a sem ding hi.

Johan 21:17

Jesuh in a thumveina dong leuleu a, “Johan’ tapa Simon aw, kei na hong it hiam?” a cih ciangin, “Kei na hong it hiam?” ci-in thumvei tak a dotna hangin Peter zong a dah suak hi. Tua ahih manin, “Topa aw, nangmah in na khempeuh na thei a, nangmah ka hong itna thu zong na thei hi,” ci-in a dawn ciangin Jesuh in, “Ka tuute na kem in.

Johan 21:19

(Hih bangin a thugenna pen Peter a sih nading zia le Pasian’ min a thansak nading thu a gen nopna ahi hi.) Tua ciangin Jesuh in Peter kiangah, “Hong zui un,” a ci hi.