Johan 21:15 - Tedim Bible

¹⁵ An a nekkhit uh ciangin Jesuh in Simon Peter kiangah, “Johan’ tapa Simon aw, hih adang khempeuhte’ hong it sangin kei na hong nak itzaw hiam?” ci-in a dot ciangin amah in, “Topa aw, ka hong itzaw hi. Nang ka hong itna na thei hi,” ci-in a dawng hi.

Tedim Bible Revision 2017

¹⁵ An a nek khit uh ciangin Jesu in Simon Peter kiangah, “Johanʼ tapa Simon aw, hih a dang khempeuhteʼ hong it sangin kei na hong nak it zaw hiam?” ci-in a dot ciangin amah in, “Topa aw, ka hong it zaw hi. Nang ka hong itna na thei hi,” ci-in a dawng hi.

Johan 21:15 Referans Kwoze

ROM (Romans) 15:1

Upna lamah a thahat eite in upna zawngkhalte’ ginat lohna i thuakpih ding kilawm hi; eima ut bangin i gamta kei ding hi.

1 JOHAN MASA 4:19

Pasian in eite hong it masa ahih manin eite in itna i nei thei hi.

Isaiah 40:11

Amah in tuucingpa bangin ama tuuhonte an vak ding a, ama tuuhonte kaikhawmin a ang sungah pua ding a, no ngeklai a neite dam takin a paipih ding hi.

1 PETER MASA 1:8

Amah mu ngei lo napi-in na it uh a, amah mu ngei lo napi-in a thu umin kama genzawh loh zah dongin nakpitakin na lungdam uh hi.

Efesa 6:24

Tatsat loin i Topa Jesuh Khrih a it tawntung mi khempeuh tungah hehpihna thupha hong tung tahen.

Sawltak 20:28

Kha Siangtho in note’ khut sungah a hong koih pawlpi mite le nomau pumpi mahmah limtakin na kem un. Pasian in a Tapa a sihna tawh a ngah a pawlpi hoihtakin a kemte na hi ta un.

1 JOHAN MASA 5:1

Jesuh, Khrih hi, ci-in a um mi khempeuh Pasian’ tate hi a, pa a it mi peuhmah in a ta zong a it hi.

Johan 16:27

Bang hang hiam cih leh note in kei hong itin, Pa kiang panin a hong pai ka hihna thu um na hih manun Pa mahmah in note hong it ahihna hang ahi hi.

Jeremiah 3:15

“‘Ka thu a hong mang makaite ka hong pia ding a, amaute in pilna le siamna tawh note hong uk ding uh hi.

Ezekiel 34:23

Amaute a cing dingin ka nasempa David ka koih ding a, amah in amaute hoihtakin an vakin a kem ding hi.

1 PETER MASA 2:25

Note, tuu bangin a gammang na hi uh a, ahi zongin note’ kha nuntakna hong Cingin hong Kem pa a zui dingin a hong kiciahpih kik khin na hi uh hi.

Hebru 4:13

Pasian’ mai-ah seelcip theih ding bangmah om lo hi. Eite khempeuh i dinna ding pa’ mai-ah a kipiangsak na khempeuh a kiliah a ki-im thei om loin kimu sinsen hi.

Luka 22:32

Ahi zongin, Simon aw, na upna na khahsuah loh nadingin nang a dingin thu kong ngetsak khin hi. Kei kiangah nong kiheikik ciangin nungzui na lawmte na hanthawn in,” a ci hi.

Hebru 13:20

Ama sihna hangin Tuucing Lianpa suakin, a sisan tawh tawntung thuciamna a kipsak i Topa Jesuh pen sihna panin a thokiksak, eite tungah nopsakna a hong pia Pasian in,

ROM (Romans) 14:1

Upna neu mite pawlbawl unla, na ngaihsutna uh a kituah kei leh zong mawhsak kei un.

Mattiu 16:17

Tua ciangin Jesuh in ama kiangah, “Jonah’ tapa Simon aw, hoih mahmah hi. Hih thu, leitung pilna tawh na theihtawm hi lo a, vantungah a om ka Pa in nangma tungah hong hilh ahi hi.

Jeremiah 23:4

Amaute a don ding makaite ka koih ding a, lau nawn lo, lungkham nawn loin khat beek a mangthang nawn kei ding uh hi, Topa in kong ci hi.

Mangmuhna 2:23

Tua numei’ thu a zui mi khempeuh ka that ding hi. Tua hileh, mihingte’ ngaihsutna le lungsim a kantel pa ka hihna thu pawlpi khempeuh in thei ding uh hi. Note’ gamtatna ciat tawh kizui-in ka hong thukkik ding hi.

1 PETER MASA 2:2

Naungek suakcilte na bang unla, note khangto-in hotkhiatna na ngahtheih nadingun kha thu tawh kisai nawizu siangtho duh belin na nei tawntung un.

Galati 5:6

Bang hang hiam cih leh Jesuh Khrih tawh i kipawl ciangin vun-atna le vun-at lohna a thupi tuan om lo a, Khrih i upna hangin midangte i itna a thupi hi bek hi.

Johan 21:12

Tua ciangin Jesuh in amaute kiangah, “Hong pai un; zing an ne ni,” a ci hi. Amah pen Topa ahih lamtak thei uh ahih manin, “Nang kua na hi hiam?” ci-in a nungzuite khat beek in dong ngam lo uh hi.

Johan 21:7

Tua ciangin Jesuh in a it nungzui pa in Peter kiangah, “Topa hi!” a ci hi. Simon Peter in Topa ahihna thu a zak ciangin (a nga betna uhah a puante uh suahkhia uh ahih manin) a puan silh buatbuatin tui sungah a leengkhia hi.

Mattiu 18:10

“Hih naupangnote khatpeuh na simmawhkhak loh nadingun kidawm un. Note kiangah kong genin-ah: Amaute a kem vantung mite pen vantungah ka Pa kiangah om tawntung uh hi.

Efesa 4:14

Tuahun ciangin thu upna lamah naupang ihi nawn kei ding a, mite khemin a khialsak theite’ mutna hangin i suk hoi i to hoi nawn kei ding a,

1 KORIN MASA 8:11

Tua ahih manin note’ thutheihna hangin, Khrih in sihna a thuakpih, thu upna sungah i sanggamte a siasak na suak ding uh hi.

Johan 8:42

Jesuh in, “Kei pen Pasian kiang panin hong pai-in hih lai-ah hong om ka hih manin, Pasian pen na pa taktak uh hileh kei na hong it ding uh hi. Keima thu-in a hong paitawm ka hi kei a, ama hong sawl ka hi hi.

Marka 14:29

Tua ciangin Peter in, “Adang khempeuh in nang hong taisan ahi zongin ke’n kong nusia ngei kei ding hi,” a ci hi.

Luka 12:32

Tua ciangin Jesuh in, “Tuuhon tawmnote aw, lau-in lunghimawh kei un. Na Pa un ama Ukna sungah ukna thu a nei dingin a hong sehsa ahi hi.

Piancilna 33:13

Ahih hangin Jakob in ama kiangah, “Naupangte a hat lohna ka topa in na thei hi. Tuuhonte le bawngte, a nongek neite ka lungphamawh hi. Ni khat sung kinak hawl lua leh ganhonte khempeuh si ding uh hi.

Mattiu 10:37

“Kei sangin a nu a pa a itzawte kei tawh kilawm lo a, kei sangin a tapa a tanu a itzawte kei tawh kilawm lo hi.

2 KUMPI NIHNATE 20:3

“Nangma mai-ah thuman tak le ka lungsim khempeuh tawh ka gamtatna, le nangma muhna-ah a hoih ka sepna thu tu-in hong phawk in, kong thum hi, Topa aw,” a ci hi. Tua ciangin Hezekiah nakpitakin a kap hi.

2 SAMUEL NIHNA 7:20

David in nang tungah bang genthuah nawn ding ahi hiam? Bang hang hiam cih leh nangmah in na nasempa na thei hi, O Topa Pasian!

Johan 13:37

Peter in, “Bang hangin tu-in hong zui thei lo ding ka hi hiam? Nang ka hong sihpih ding hi,” a cih ciangin

Johan 1:42

Tua ciangin Jesuh kiangah a u Simon a paipih hi. Jesuh in amah enin, “Nang pen Johan’ tapa Simon na hi hi. Tu a kipanin Sifas hong kici ding hi,” a ci hi. Sifas pen Peter tawh a kibang hi a, suangtum a cihna ahi hi.

Mattiu 26:35

Ahi zongin Peter in, “Nang tawh sihkhawm nading ciang dong ahi zongin kong nial ngei het kei ding hi,” a ci veve hi. Tua mah bangin nungzui dang khempeuh in zong a ci ciat uh hi.

Mattiu 26:33

Peter in, “Adang khempeuh in hong taisan zongin ke’n kong nusia ngei kei ding hi,” a ci hi.

Sawltak 20:29

Kei ka om nawn loh ciangin, sa gilote in gannote a phialgawp bangin, mi pawlkhat in thu um mite hong phialgawp ding lamtak ka thei hi.

Ezekiel 46:24

A mipa in, “Hihte pen, mite in biakna-in a piak sate, biakinnsung nasemte in a huanna anbuk ahi hi,” hong ci hi.