Johan 20:31 - Tedim Bible

³¹ Hih laibu sungah a kigelh thute pen Jesuh, Pasian’ Tapa, Khrih ahihna thu na uptheih nading uh le ama min hangin tua upna tawh nuntakna na ngahtheih nading uh deihna tawh a kigelh ahi hi.

Tedim Bible Revision 2017

³¹ Hih laibu sungah a kigelh thute pen Jesu, Pasianʼ Tapa, Khris ahihna thu na up theih nading uh le ama min hangin tua upna tawh nuntakna na ngah theih nading uh deihna tawh a kigelh ahi hi.

Johan 20:31 Referans Kwoze

Sawltak 10:43

Amah a um mite khempeuh in ama min hangin a mawhna uh a mai nading thu, kamsangte khempeuh in zong gen belin a neih khat uh ahi hi,” a ci hi.

1 JOHAN MASA 5:1

Jesuh, Khrih hi, ci-in a um mi khempeuh Pasian’ tate hi a, pa a it mi peuhmah in a ta zong a it hi.

1 JOHAN MASA 5:20

Pasian’ Tapa hong pai-in eite thu hong theisak ahih manin Pasian taktak a thei ihihna thu i thei hi. A Tapa Jesuh Khrih tawh i kipawlna hangin Pasian taktak mah tawh a kipawlthei ihi hi. Tua Jesuh pen Pasian taktak mah hi a, nuntak tawntungna a piathei ahi hi.

1 JOHAN MASA 4:15

Jesuh pen Pasian’ Tapa hi, ci-in umin a sang mite, Pasian in ompih a, tua mite pen Pasian tawh a omkhawm ahi uh hi.

Johan 3:36

Tua ahih manin Tapa a um mi peuhmah nungta tawntung ding a, Tapa’ thu a mang lote in nuntak mu lo ding a, amaute tungah Pasian heh tawntung ding hi,” a ci hi.

Johan 3:18

Amah a um mite in mawhsak thukhenna thuak lo ding uh hi. Amah a um lote pen Pasian’ Tapa neihsun um lo uh ahih manin mawhsak thukhenna a thuak khinta uh ahi hi.

2 JOHAN NIHNA 1:9

Khrih’ thuhilhna zui loin a khengvalin a pai mite pen Pasian tawh a kipawl lo ahi hi. Ahi zongin a thuhilhna a zuite pen Pa Pasian le a Tapa tawh a kipawl ahi uh hi.

Johan 6:40

Tua ahih manin Tapa mu-in a um mi khempeuh in nuntak tawntungna ngahin, nitawp ni ciangin ka hinsak ding, ka Pa in hong deih ahi hi,” a ci hi.

Johan 19:35

(Note in na uptheih nadingun hih thupiang a mu pa in ama muhna bang a hong gen ahi hi. Ama thugente a man thu hi a, a gen pa in a mantaktak a gen ahihna thu zong a thei hi.)

Johan 20:28

Thomas in zong, “Ka Topa, ka Pasian!” ci-in a dawn ciangin

Johan 10:10

Gutate pen a gu ding, a that ding, le a siasak ding bekin hong pai hi. Kei ka hih leh tuute a nungta maimai bek hi loin nuntakna cingtaak a neihtheih nadingun a hong pai ka hi hi.

Johan 5:24

“A mantakin kong genin-ah: Ka thugennate za-in kei hong sawl pa a um khempeuh a nungta paisuak ding hita hi. Mawhsak thukhenna ngah nawn loin, sihna panin a hingkik ta ahi hi.

Luka 1:4

Nang tungah a hong kigensa thute khempeuh a man taktak na theih nading deihsakna tawh ka hong gelh ahi hi.

Mattiu 16:16

Simon Peter in, “Nang pen a nungta Pasian’ Tapa, Khrih na hi hi,” ci-in a dawng hi.

Luka 24:47

Jerusalem khua a kipan minam khempeuh tungah a mawhna uh kisikin a kimaisak nading thu, ama min tawh kihilh ding hi, ci-in kigelh hi.

Marka 16:16

Lungdamna Thu umin tui a kiphum mi peuhpeuh in hotkhiatna ngah ding a, a um lo mi peuhpeuh in mawhsakna thuak ding uh hi.

Mattiu 27:54

Jesuh enin a om galkap bupa le galkapte in zinlinna le a thupiangte a muh uh ciangin lamdangsa mahmah uh a, “Hih pa, Pasian’ Tapa taktak mah ahi hi,” a ci uh hi.

Sawltak 9:20

Kikhopna innte-ah va pai-in, “Jesuh pen Pasian’ Tapa ahi hi,” ci-in thu hilh ding a kipan hi.

Sawltak 8:36

Lampi-ah a pai laitakun tui omna mun tung uh a, mangpa in, “Hih lai-ah tui om hi. Tui kiphum nuam peuh leng kua’n hong kham thei ding ahi hiam?” a ci hi.

Sawltak 3:16

Hih Jesuh min’ vangliatna in hih khebai mipa tungah thahatna a pia ahi hi. Note khempeuh in na theih uh mah bangin hih mipa bangzah takin khebai ahih hangin Jesuh upna le ama min hangin hih mipa in dam sianthona a ngah ahi hi.

Johan 1:49

Tua ciangin Nethanel in, “Sia aw, nang, Pasian’ Tapa na hi hi. Israel mite’ Kumpi zong na hi hi,” a cih ciangin

Late 2:7

Topa’ thukhenna tu-in ka hong gen ding hi: Amah in keima tungah, “Nang pen ka tapa na hi a, tuni-in na Pa ka suak hi.

Mangmuhna 2:18

“Thiatira khua pawlpi vantungmi kiangah lai gelh inla, meikuang tawh a kibang mittang nei-in sumngo kihalsan tawh a kibang khe a nei Pasian’ Tapa’ thugen in:

1 PETER MASA 1:9

Tua bangin na upna uh hangin kha thu-ah hotkhiatna a ngah na hi uh hi.

Mattiu 4:3

Tua ciangin ama kiangah Dawimangpa hong pai a, “Pasian’ Tapa na hih takpi le hih suangte anlum a suah nadingin thu pia in,” a ci hi.

Luka 1:35

Vantung mi in, “Nangma tungah Kha Siangtho hong tung ding a, nangma tungah Pasian’ vangliatna hong om ding hi. Tua ahih manin a hong suak ding a siangtho naungek pen Pasian’ Tapa kici ding hi.

Sawltak 8:37

Filip in, “Na lungsim takpi tawh na up nakleh tui na kiphum thei ding hi,” a cih ciangin, “Jesuh Khrih pen Pasian’ Tapa hi, ci-in ka um hi,” ci-in a dawng hi.