Johan 20:30 - Tedim Bible

³⁰ Jesuh in a nungzuite’ muhna-ah nalamdang lian tampi bawl a, ahi zongin hih laibu sungah a kigelh lo tampi tak omlai hi.

Tedim Bible Revision 2017

³⁰ Jesu in a nungzuiteʼ muhna ah nalamdang lian tampi bawl a, ahi zongin hih laibu sungah a kigelh lo tampi tak om lai hi.

Johan 20:30 Referans Kwoze

Johan 21:25

Jesuh in a sep thute tampi tak omlai hi. A sep khempeuh a ban banin laibu sungah a kigelh hileh a laibute pen leitungah ta zo lo ding hi, ci-in ka um hi.

1 JOHAN MASA 5:13

Pasian’ Tapa a um mite in nuntak tawntungna a nei na hih lamtak uh na theih nadingun hih lai a hong gelh ka hi hi.

1 KORIN MASA 10:11

Leitung beikuan hun sungah a om eite a dingin hih thupiangte i etteh ding thu hi a, eite hilhkholh nadingin lai sungah a kiciamteh ahi hi.

ROM (Romans) 15:4

Lai Siangtho sungah a om thu khempeuh pen eite hilh nading, eite in lametna nei-in i thuakzawh nading, le i thahat theih nadingin a kigelh ahi hi.

Johan 2:11

Jesuh in nalamdang a bawl masak pen Galilee gam Kana khua-ah hih bangin Pasian’ pianzia a neihna kilangsak a, a nungzuite in zong amah a um uh hi.

Johan 6:2

Jesuh in cinate damsakin nalamdang lianpipi a bawlte mi tampi in mukhin uh ahih manin mi tampi tak in Jesuh nung a zui uh hi.