Johan 19:28 - Tedim Bible

²⁸ Tua hun ciangin Jesuh in na khempeuh kicingta hi, ci-in thei ahih manin Lai Siangtho sungah a kigelh thu a tuntheih nadingin, “Ka dangtak hi,” a ci hi.

Tedim Bible Revision 2017

²⁸ Tua hun ciangin Jesu in na khempeuh kicing ta hi, ci-in thei ahih manin Lai Siangtho sungah a kigelh thu a tun theih nadingin, “Ka dangtak hi,” a ci hi.

Johan 19:28 Referans Kwoze

Late 69:21

Amaute in an dingin gu hong pia uh a, ka dangtakna-ah dawn dingin tuithuk hong pia uh hi.

Late 22:15

Ka thahatna, leibeel phel bangin keu a, ka leii zong toncip ta hi. Nangmah in leivui sungah kei na hong koih hi.

Johan 19:30

Jesuh in tua leenggahzu-hau ciamin, “Man khinta hi,” a cih khit ciangin a lu puksukin a si ta hi.

Luka 22:37

Bang hangin hih bangin hong gen ka hi hiam cih leh, Lai Siangtho in, ‘Mawhneite lakah amah kihelsak hi,’ ci-in keima thu a genna pen hong tung ding hi,” a ci hi.

Johan 19:24

Ahi zongin amaute in, “Hih puan balkek kei ni. A ngah ding i theih nadingin ai san ni,” a kici uh hi. Lai Siangtho sungah, “Amaute in ka puante hawm uh a, ka puantualpi ngah nadingin ai a san uh hi,” ci-in a kigelhna a tun nadingin hih bangin galkapte a gamta ahi uh hi.

Luka 18:31

Tua ciangin Jesuh in nungzui sawm le nihte a tuamin paikhiatpihin amaute kiangah, “Tu-in Jerusalem khua-ah a pai ding ihi a, kamsangte in Mihing Tapa’ thu a gelh khempeuh, tua lai munah a hong tung ding hi.

Johan 18:4

Jesuh in zong ama tungah a piang ding thu khempeuh theikhin ahih manin hong paikhia-in amaute kiangah, “Kua zong na hi uh hiam?” ci-in a dong hi.

Johan 13:1

Tu-in Paisan Pawi hun ding ni khat bek in sam a, Jesuh in hih leitung nusia-in a Pa kiangah a pai ding hun a tunna thu a thei hi. Hih leitungah a om ama mite it mahmah ahih manin a hih theihna zah ciang tawh a itna a lak hi.

Sawltak 13:29

Lai Siangtho in Jesuh’ thu a gen bang teekteekin a bawlkhit uh ciangin singlamteh tung panin lakhia sukin han sungah a koih uh hi.

Luka 9:31

vantung minthanna vang lim nei uh a, Jerusalem khua-ah pai-in sihna tawh Pasian’ deihna a tunsak nading thu a kikumkum uh ahi hi.

Luka 12:50

Gimna sungah ka kiphum nading khat om a, tua thu a kikhit matengin ka lungsim a nuam thei kei hi.

Johan 4:34

Tua ciangin Jesuh in, “Keimah hong sawl pa’ deihna bangin na semin, sep dingin hong piak nasep zawhna pen ka nuntakna an ahi hi.

Johan 17:4

Nangmah in sep dingin na hong piak nasep khempeuh sem khinta ka hih manin leitungah na min a thangsak ka hi hi.

Johan 19:36

Lai Siangtho sungah, “Ama guhte khat zong kitan lo ding hi,” ci-in a genna thu a tuntheih nadingin hih bangin a piang ahi hi.