Johan 18:37 - Tedim Bible

³⁷ Tua ciangin Pilat in, “Tua ahihleh nang kumpi hi lo na hi hiam?” a cih leh Jesuh in, “Kumpi hi, nangmah in na hong ci hi. Hih thuman a genkhia dingin mi hong suakin leitungah a hong pai ka hi hi. Hih thuman tawh a kizom mi peuhmah in keima thugen hong zui uh hi,” a cih ciangin

Tedim Bible Revision 2017

³⁷ Tua ciangin Pilat in, “Tua ahihleh nang kumpi hi lo na hi hiam?” a cih leh Jesu in, “Kumpi hi, nangmah in na hong ci hi. Hih thuman a gen khia dingin mi hong suakin leitungah a hong pai ka hi hi. Hih thuman tawh a kizom mi peuhmah in keima thugen hong zui uh hi,” a cih ciangin

Johan 18:37 Referans Kwoze

Johan 8:47

Pasian kiang panin a paite in Pasian’ thugen za thei hi. Ahi zongin note pen Pasian kiang pan hi lo na hih manun Pasian’ thu na ngai nuam kei uh hi,” ci-in a dawng hi.

1 JOHAN MASA 4:6

Ahi zongin note pen Pasian’ mite na hi uh hi. Pasian a thei mi peuhmah in kote’ thugen hong ngai uh a, Pasian’ pawl ahi lo mi peuhmah in kote’ thugen hong ngai lo uh hi. Tua ahih manin hih bangin thuman Kha le zuau kha a kilamdanna i theithei hi.

Johan 8:14

Jesuh in, “Kei le kei a kigentawm ka hih hangin ka thugente a man mah hi veve hi. Bang hang hiam cih leh koi panin hong pai-in koi lai-ah pai ding cih ka kithei a, note in kei ka hong paikhiatna le ka pai nading a thei lo na hizaw uh hi.

1 JOHAN MASA 3:19

Tua ahih manin tu-a bangin i om leh a thuman Pasian tawh a kipawl ihihna le ama mai-ah lungmuang takin a omthei ding ihihna i thei ding hi.

Johan 14:6

Jesuh in ama kiangah, “Keimah in Lampi ka hi a, Thuman, le Nuntakna zong ka hi hi. Kei hong suang loin Pa kiangah kuamah tung thei lo ding hi.

Isaiah 55:4

David pen mite tungah teci ding, mite a makai ding le a ukpa dingin ka koih hi.

Johan 7:17

Pasian’ deihna bangin a gamta nuam mi peuhmah in, ka thugente pen Pasian’ kiang panin a hong pai thu a gen ka hihna leh keima thu bek tawh a gen ka hihna khenthei ding uh hi.

1 PETER MASA 1:22

Tu-in lungdamna thuman na zuihna hangun note kisiansuah khinin, na thu uppih mite uh lungsim tak tawh itthei khinta na hih manun na lungsim khempeuh uh tawh limtakin na ki-it un.

1 TIMOTI MASA 6:13

Na khempeuh tungah nuntakna a pia Pasian, le Pontias Pilat mai-ah hangtakin thu a gen ngam Khrih Jesuh’ mai-ah nang ka hong thupiakna in:

Luka 23:3

Tua ciangin Pilat in, “Nang, Jew mite’ kumpipa na hi hiam?” ci-in a dot ciangin, “Nang zong tua mah nong ci hi,” ci-in a dawng hi.

Marka 15:2

Pilat in, “Nang, Jew mite’ Kumpipa na hi hiam?” ci-in a dot ciangin Jesuh in, “Nang zong tua mah nong ci hi,” ci-in a dawng hi.

1 JOHAN MASA 5:20

Pasian’ Tapa hong pai-in eite thu hong theisak ahih manin Pasian taktak a thei ihihna thu i thei hi. A Tapa Jesuh Khrih tawh i kipawlna hangin Pasian taktak mah tawh a kipawlthei ihi hi. Tua Jesuh pen Pasian taktak mah hi a, nuntak tawntungna a piathei ahi hi.

Johan 3:32

Amah in a muhsa leh a zaksa thu a gen hinapi-in kuamah in ama thugen um lo uh hi.

Mattiu 26:64

Tua ciangin Jesuh in, “Nangmah in tua mah na ci khin hi. Ahi zongin note khempeuh kiangah ka hong genin-ah: Vanglianpa’ taklamah Mihing Tapa omin meii tungah a hong pai na mu ding uh hi,” a ci hi.

Mattiu 27:11

Tu-in gam ukpa Pilat mai-ah Jesuh kidingsak ahih manin amah in, “Nang, Jew mite’ Kumpipa na hi hiam?” ci-in a dot ciangin Jesuh in, “Nang zong tua mah nong ci hi,” ci-in a dawng hi.

Mangmuhna 3:14

“Laodisia khua pawlpi vantungmi kiangah lai gelh inla, thuman le citakin teci a pang, Pasian’ piansakte khempeuh a kipatna ahi Amen’ thugen in:

Mangmuhna 1:4

Johan in Asia gam sungah a om pawlpi sagihte tungah a khak lai ahi hi. A beisa hun, tuhun, le mailam hunah a om tawntung Pasian kiang pan le ama tokhom mai-ah a om Kha Siangtho sagihte tung pan le,

1 JOHAN MASA 3:14

Ei Khristiante khatlekhat ki-it ihih manin sihna khutsung panin paikhia-in nuntakna khut sungah a lut khinta ihihna thu i thei khinzo hi. Itna lungsim a nei lote pen sihna khutsung mahah a omlai uh ahi hi.

Luka 22:70

Tua ciangin a vekpi-un, “Tua ahihleh Pasian’ Tapa na hi hiam?” a cih uh ciangin, “Pasian’ Tapa hi, nong ci uh hi,” ci-in a dawng hi.

Marka 14:62

Jesuh in, “Ka hi hi; Vanglian Pasian’ taklamah Mihing Tapa omin meii lakah a hong pai na mu ding uh hi,” a ci hi.

Johan 1:14

Tua Thu mihing hong suakin kote lakah hong om a, itna nei-in citak mahmah ahih manin Pasian’ pianzia a neihna ka mu cian uh hi. Hih pianzia pen Pasian’ Tapa khat bek hihna tawh a neih pianzia ahi hi.

Johan 1:17

Pasian in Moses tungtawnin Thukham hong pia a, ahi zongin Jesuh Khrih hangin itna le cihtakna thu hong pai hi.

Johan 8:45

Tua ahih manin thuman ka hong gen ciangin na hong um thei kei uh hi.

Johan 8:46

Note lakah kua in ka mawhna na hong lakthei uh hiam? Hong lak thei lo na hih manun thuman ka gen ciangin bang hangin hong um lo na hi uh hiam?

1 JOHAN MASA 2:21

Tua ahih manin note kiangah lai ka hong gelhna pen note in a man na theih lohna hang uh hi loin, note in a man thei-in, zuauthu pen thuman panin hong piang ngei lo hi, ci-in zong na theihna uh hangin a hong gelh ka hizaw hi.