Johan 18:33 - Tedim Bible

³³ Tua ciangin kumpi huang sungah Pilat ciahkik a, Jesuh samin, “Nang Jew mite’ kumpi na hi hiam?” ci-in a dot leh

Tedim Bible Revision 2017

³³ Tua ciangin kumpi huang sungah Pilat ciahkik a, Jesu samin, “Nang Jew miteʼ kumpi na hi hiam?” ci-in a dot leh

Johan 18:33 Referans Kwoze

Johan 19:12

Pilat in hih thu a zak ciangin Jesuh a khahtheih nading lampi zongin a hanciam hi. Ahi zongin Jew mihonte awngin kiko uh a, “Hih mipa na khah peuhmah leh Rom gam khempeuh a uk Kumpipa tawh a kipawl lo na hi ding hi. Kumpi hi’ng, a ci khempeuh pen gam khempeuh a uk Kumpipa a langpang ahi hi,” a ci uh hi.

Johan 19:3

ama kiangah nehin, “Jew mite Kumpipa, na khansau ta hen!” ci-in hopihin a khut uh tawh a beeng uh hi.

Johan 18:37

Tua ciangin Pilat in, “Tua ahihleh nang kumpi hi lo na hi hiam?” a cih leh Jesuh in, “Kumpi hi, nangmah in na hong ci hi. Hih thuman a genkhia dingin mi hong suakin leitungah a hong pai ka hi hi. Hih thuman tawh a kizom mi peuhmah in keima thugen hong zui uh hi,” a cih ciangin

Johan 12:13

Tua ahih manin amah a dawn dingin Jerusalem panin mihonpi paikhia-in nisuh hiangte tawikawmin, “Pasian phat un! Pasian in Topa’ min tawh hong pai pa thupha pia ta hen! Pasian in Israel Kumpipa thupha pia ta hen!” ci-in a kiko uh hi.

Marka 15:2

Pilat in, “Nang, Jew mite’ Kumpipa na hi hiam?” ci-in a dot ciangin Jesuh in, “Nang zong tua mah nong ci hi,” ci-in a dawng hi.

Mattiu 27:11

Tu-in gam ukpa Pilat mai-ah Jesuh kidingsak ahih manin amah in, “Nang, Jew mite’ Kumpipa na hi hiam?” ci-in a dot ciangin Jesuh in, “Nang zong tua mah nong ci hi,” ci-in a dawng hi.

Zekhariah 9:9

Zion mite aw, nakpitakin lungdam un. Jerusalem mite aw, lungdamin awng un. En un, na kumpipa uh hong pai hi. Amah, gualzawhna tawh hong pai hi. Ahi zongin kiniamkhiatna tawh hong pai a, sin nai loh lano tungah hong tuang hi.

1 TIMOTI MASA 6:13

Na khempeuh tungah nuntakna a pia Pasian, le Pontias Pilat mai-ah hangtakin thu a gen ngam Khrih Jesuh’ mai-ah nang ka hong thupiakna in:

Johan 19:9

Tua ahih manin kumpi inn huang sungah lutkikin Jesuh kiangah, “Koi lai panin a hong pai na hi hiam?” ci-in a dong hi. Ahi zongin Jesuh in dawng lo ahih manin,

Johan 1:49

Tua ciangin Nethanel in, “Sia aw, nang, Pasian’ Tapa na hi hi. Israel mite’ Kumpi zong na hi hi,” a cih ciangin

Zefaniah 3:15

Topa in na galte hong phiatkhiatsak khin a, hong langpang khempeuh hong hawlkhiatsak khin hi. Topa ahi Israel kumpipa nang tawh hong om a, na launa ding bangmah om nawn lo hi.

Jeremiah 23:5

“En un, Topa in kong cihin-ah, keimah in David’ suan lak panin kumpi dingin a diktat mi khat ka khankhiatsak ni hong tung ding hi. Amah gam uk siam mahmah ding a, gam sungah thuman thutang tawh thu hong khen ding hi.

Mattiu 27:27

Tua ciangin Pilat’ galkapte in ama omna kumpi inn-ah Jesuh paipih uh a, tua lai-ah galkap khempeuh a hong kikaikhawm uh hi.

Luka 23:2

Tua lai panin amah mawhzon ding kipan uh a, “Hih mipa in ka mipihte uh lam khialsakin, kumpipa tungah siah piak loh dingin thu gen a, amahmah zong Khrih ahi kumpi khat ahihna a kigenna zong ka za uh hi,” a ci uh hi.

Johan 18:34

Jesuh in, “Nang’ lungsimah a piangtawm hong dong na hi hiam, tua ahih kei leh midangte in keima thu hong gen ahi hiam?” ci-in a dawng hi.

Johan 18:38

Pilat in, “Thuman na cih bang ahi hiam?” ci-in a dong hi. Tua ciangin Jew mihonte kiangah Pilat va paikhia kikin amaute kiangah, “Ama khialhna bangmah ka mu kei hi.

Johan 19:4

Pilat zong khatvei hong pusuak kikin mihonte kiangah, “Ama khialhna bangmah a mu lo ka hihna thu na theih nadingun note kiangah Jesuh ka hong paikhia sak hi,” a ci hi.