Johan 18:28 - Tedim Bible

²⁸ Tua ciangin Kaiafas’ inn panin gam ukpa Pilat’ omna kumpi inn-ah Jesuh a paipih uh hi. Tua hun pen zingsang tung ahi hi. Jew mite ahihleh Paisan Pawi annekna sungah kihel nuam uh ahih manin biakna vai-in a siang a suahtheih nadingun kumpi inn huang sungah lut lo uh hi.

Tedim Bible Revision 2017

²⁸ Tua ciangin Kaiafasʼ inn panin gam ukpa Pilatʼ omna kumpi inn ah Jesu a paipih uh hi. Tua hun pen zingsang tung ahi hi. Jew mite ahihleh Paisan Pawi annekna sungah kihel nuam uh ahih manin biakna vai-in a siang a suah theih nadingun kumpi inn huang sungah lut lo uh hi.

Johan 18:28 Referans Kwoze

Johan 19:9

Tua ahih manin kumpi inn huang sungah lutkikin Jesuh kiangah, “Koi lai panin a hong pai na hi hiam?” ci-in a dong hi. Ahi zongin Jesuh in dawng lo ahih manin,

Johan 18:33

Tua ciangin kumpi huang sungah Pilat ciahkik a, Jesuh samin, “Nang Jew mite’ kumpi na hi hiam?” ci-in a dot leh

Johan 19:14

Tua ni pen Paisan Pawi hun ding Kigin’ ni hi a, sunkim laitak hun ahi hi. Pilat in Jew mihonte kiangah, “Hih lai-ah na Kumpipa uh om!” a cih ciangin

Mattiu 27:27

Tua ciangin Pilat’ galkapte in ama omna kumpi inn-ah Jesuh paipih uh a, tua lai-ah galkap khempeuh a hong kikaikhawm uh hi.

Sawltak 3:13

I pupite Abraham, Isaac, le Jakob Pasian in a nasem Jesuh tungah ama vangliatna a pia hi. Note in aana neite khut sungah tua Jesuh na pia uh a, Pilat mangpa in amah khah dingin a ngaihsut khit ciang nangawnin Pilat’ maitang mahah amah na nial teitei uh hi.

Johan 11:55

Jew mite’ Paisan Pawi hun hong nai ciangin, tua pawi kipatma hun sungin biakna vai-in kisiansuahna a bawl dingin gam sung khuate panin Jerusalem khuapi-ah mi tampi hong pai uh hi.

Sawltak 11:3

“Bang hangin vun a ki-at lo Gentail mite’ inn-ah tung a, amaute tawh an nangawn nekhawm na hi hiam?” a ci uh hi.

Sawltak 10:28

amaute kiangah, “Note mahmah in zong limtakin na theih ciat uh mah bangin Jew mite pen minam dangte kiangah hawhin a kikholh ding a ngeina hi lo hi. Ahi zongin mi khat peuhpeuh a nin hi, ci-in ka ngaihsut loh nadingin Pasian in kei tungah a thu hong lakkhin zo hi.

Johan 18:39

Tua ahih manin na Paisan Pawi hun uh ciangin note a dingin mi khat ka khahkhiat a ngeina ahih manin note a dingin hih Jew kumpipa hong khahkhia leng na ut uh hiam?” ci-in a dot ciangin,

Micah 2:1

A lupna tungah lumin gitlohna a geelgeelte in gimna ngah tahen. Zingsang khua a vak ciangin, hihtheih ding hun a ngah phetun, a ngaihsutsa uh gitlohna a semkhia uh hi.

Thu-hilhkikna 16:2

Tuuhon pan ahi a, bawnghon pan ahi zongin Topa in ama min om nadingin a teelna munah Paisan Pawi biakpiakna Topa na Pasian uh tungah na pia ding uh hi.

Luka 22:66

Khua a vak ciangin upate, siampi liante, le Thukham hilh siate hong kikhawm uh a, uliante mai-ah Jesuh hong kipaipih hi.

Marka 15:16

Tua ciangin galkapte in gam ukpa’ inntualah Jesuh paipih uh a, galkap dang khempeuh zong kikhawmsak uh hi.

Ezekiel 45:21

“A kha masa a ni sawm le li ni-in Paisan Pawi na kipan ding uh a, mi khempeuh in ni sagih sung silngo sawh loh anlum na ne ding uh hi.

Paunak 4:16

Migilote in a sia khatpeuh a sep mateng uh lum thei lo uh a, mi khatpeuh a sukzawh mateng uh ihmu thei lo uh hi.

Paunak 1:16

Amaute a sia-in gamta nuam vanvan uh a, mi thah ding lamsang haksa sa het lo uh hi.

Late 35:16

Zahtakna mel nei hetloin kei hong zahko niloh uh a, a ha uh hong gawisan uh hi.

Johan 18:13

tua kumin siampi lianpen a sem Kaiafas’ sungpa Annas kiangah a paipih masa uh hi.

Johan 18:15

Simon Peter le a nungzui dang khat in zong Jesuh a zui uh hi. Hih a nungzui dang khat pa le siampi lianpen pa kithei uh ahih manin siampi lianpen pa’ inntual dongah Jesuh tawh a lutkhawm hi.

Johan 19:11

Jesuh in, “Pasian in nang tungah hong pia lo hileh kei tungah thu na nei het kei ding hi. Tua ahih manin nangma khut sungah kei hong apte’ mawhna lianzaw hi,” ci-in a dawng hi.

Sawltak 4:27

A cih mah bangin Herod le Pontias Pilat in hih khuapi sung teek mahah Gentail mite le Israel mite tawh kikupna nei uh a, nangmah in Khrih dingin na bawl, a siangtho na Nasempa Jesuh thah dingin a vaihawm uh hi.

Sawltak 10:32

Simon Peter a kici mipa a sam dingin Joppa khua-ah mi sawl in. Amah pen savunnim nasepin nei-in tuipi gei-ah a teng Simon’ inn-ah zin tungin a om hi,’ hong ci hi.